METRO RAIL : ஒரே மாதத்தில் சென்னை மெட்ரோ ரயிலில் பயணித்த பயணிகளின் எண்ணிக்கை இத்தனை லட்சமா.? வெளியான தகவல்
By Ajmal Khan | First Published Jun 1, 2024, 2:20 PM ISTசென்னையில் போக்குவரத்து நெரிசலை குறைப்பதில் முக்கிய பங்கு வகிக்கும் சென்னை மெட்ரோ ரயிலில் மே மாதத்தில் மட்டும் 84.21 லட்சம் பயணிகள் பயணித்துள்ளதாக சென்னை மெட்ரோ ரயில் நிர்வாகம் அறிவித்துள்ளது.
சென்னை மெட்ரோ ரயில்
சென்னை மெட்ரோ இரயில் நிறுவனம், சென்னையில் உள்ள மக்களுக்கும், மெட்ரோ இரயில் பயணிகளுக்கும் போக்குவரத்து வசதியை அளித்து வருவதோடு நம்பக தன்மையான பாதுகாப்பான வசதியை வழங்கி வருகிறது. அந்த வகையில் கடந்த மாதம் சென்னை மெட்ரோ இரயில்களில் 84,21,072 பயணிகள் பயணம் செய்துள்ளனர்.
இதுகுறித்து மெட்ரோ இரயில் நிர்வாகம் மேலும் தெரிவித்துள்ளதாவது;
Latest Videos
01.01.2024 முதல் 31.01.2024 வரை மொத்தம் 84,63,384 பயணிகள் மெட்ரோ இரயில்களில் பயணம் செய்துள்ளனர்.
01.02.2024 முதல் 29.02.2024 வரை மொத்தம் 86,15,008 பயணிகள் மெட்ரோ இரயில்களில் பயணம் செய்துள்ளனர்.
01.03.2024 முதல் 31.03,2024 வரை மொத்தம் 86,82,457 பயணிகள் மெட்ரோ இரயில்களில் பயணம் செய்துள்ளனர்.
01.04.2024 முதல் 30.04.2024 வரை மொத்தம் 80,87,712 பயணிகள் மெட்ரோ இரயில்களில் பயணம் செய்துள்ளனர்.
இதில் அதிகபட்சமாக 10.05.2024 அன்று 3,03,109 பயணிகள் மெட்ரோ இரயில்களில் பயணம் செய்துள்ளனர்.
பயண சீட்டு விவரம்
2024. மே மாதத்தில் மட்டும் க்யுஆர் குறியீடு (QR Code) பயணச்சீட்டு 36,97,773 (Online QR 1,96,915; Static QR 2,39,489; Paper QR 21,69,439; Paytm 3,97,867; Whatsapp 4,13,941; PhonePe 2,63,602; ONDC 16,520), பயண அட்டைகளை (Travel Card Ticketing System) பயன்படுத்தி 32,10,776 பயணிகள், டோக்கன்களை பயன்படுத்தி 52,055 பயணிகள், குழு பயணச்சீட்டு (Group Ticket) முறையை பயன்படுத்தி 5,307 பயணிகள் மற்றும் சிங்கார சென்னை அட்டையை (தேசிய பொது இயக்க அட்டை) பயன்படுத்தி 14,55,161 பயணிகள் மெட்ரோ இரயில்களில் பயணம் செய்துள்ளனர்.
20% தள்ளுபடி
சென்னை மெட்ரோ இரயில் நிறுவனம் மெட்ரோ இரயில்களில் பயணிப்பவர்களுக்கு க்யுஆர் குறியீடு (OR Code) பயணச்சீட்டு, பயண அட்டைகள்
(Travel Card), வாட்ஸ்அப் டிக்கெட், Paytm App மற்றும் PhonePe போன்ற அனைத்து வகையாக பயணச்சீட்டுகளுக்கும் 20% கட்டணத் தள்ளுபடி வழங்குகிறது. சென்னை மெட்ரோ இரயில் நிறுவனத்தின் வாட்ஸ்அப் டிக்கெட் (+91 83000 86000) மூலமாக மற்றும் Paytm App மூலமாகவும் பயணிகள் தங்கள் பயணச்சீட்டுகளை பெற்று கொள்ளலாம் என தெரிவித்துள்ளது.
சேனலை கிளிக் செய்து பின்தொடரவும்