8 ஆண்டுகளில் இல்லாத அளவிற்கு சாதனை.! சென்னை மெட்ரோவில் ஒரே ஆண்டில் இத்தனை கோடி பேர் பயணமா.? வெளியான தகவல்
By Ajmal Khan | First Published Jan 2, 2024, 11:12 AM IST2022 ஆம் ஆண்டை விட கடந்த 2023ஆம் ஆண்டில் மட்டும் 3 கோடி பேர் சென்னை மெட்ரோ இரயிலில் அதிகமாக பயணம் செய்துள்ளதாக சென்னை மெட்ரோ இரயில் நிர்வாகம் தெரிவித்துள்ளது.
சென்னை மெட்ரோ ரயில் சாதனை
சென்னை மெட்ரோ இரயில் நிறுவனம், மெட்ரோ இரயில் சேவை தொடங்கியதிலிருந்து பொது மக்களுக்கும், அரசு மற்றும் தனியார் அலுவலகங்களில் பணியாற்றுபவர்களுக்கு மிகுந்த பயனுள்ளதாக உள்ளது. கூட்ட நெரிசலை தவிர்க்க பெரும் உதவியாக உள்ளது. சென்னை மெட்ரோ இரயிலில் நாள் ஒன்றுக்கு சராசரியாக 3 லட்சம் பேர் பயணிக்கின்றனர். சென்னை மெட்ரோ இரயில் சேவை தொடங்கப்பட்ட எட்டு ஆண்டுகளில் இதுவரை இல்லாத அளவிற்கு 2023-ம் ஆண்டில் மட்டும் 9.11 கோடி பேர் மெட்ரோ இரயிலில் பயணித்துள்ளார்கள். கடந்த 2022-ம் ஆண்டில் 6,09,8,7,765 கோடி பேர் பயணித்துள்ளார்கள். 2022-ம் ஆண்டை விட 2023-ம் ஆண்டில் 3.01 கோடி பேர் அதிகமாக பயணித்துள்ளார்கள் என்று சென்னை மெட்ரோ இரயில் நிறுவனம் தெரிவித்துள்ளது.
Latest Videos
ஒரே ஆண்டில் 9 கோடி பேர் பயணம்
இதுகுறித்து சென்னை மெட்ரோ இரயில் நிறுவனம் மேலும் தெரிவித்துள்ளதாவது 2015 முதல் 2018 வரை 2,80,52,357 கோடி பயணிகள் சென்னை மெட்ரோ இரயில்களில் பயணம் செய்துள்ளனர். அதேபோல், 2019-ம் ஆண்டில் 328.13628 கோடி பயணிகளும், 2020-ம் ஆண்டில் 1,18,56,982 கோடி பயணிகளும், 2021-ம் ஆண்டில் 2.53,03,383 கோடி பயணிகளும் 2022-ம் ஆண்டில் 6,09,8,7,765 கோடி பயணிகளும், இந்நிலையில், கடந்த 2023-ம் ஆண்டில் 9.11,02,957 கோடி பயணிகளும் சென்னை மெட்ரோ இரயில்களில் பயணித்துள்ளார்கள். 2015-ம் ஆண்டு முதல் 2023-ம் ஆண்டு வரை 25,01,17,072 கோடி பயணிகள் சென்னை மெட்ரோ இரயில்களில் பயணித்துள்ளார்கள்.
20% கட்டண தள்ளுபடி
சென்னை மெட்ரோ இரயில் நிறுவனம் க்யுஆர் குறியீடு (OR Code) பயணச்சீட்டு, பயண அட்டைகள் (Travel Card). வாட்ஸ்அப் டிக்கெட், Payum App மற்றும் PhonePe போன்ற அனைத்து வகையாக பயணச்சீட்டுகளுக்கும் 20% கட்டணத் தள்ளுபடி வழங்குகிறது. சென்னை மெட்ரோ இரயில் நிறுவனத்தின் வாட்ஸ்அப் டிக்கெட் (+91 83000 860M) மூலமாக மற்றும் Paytm App மூலமாகவும் பயணிகள் தங்கள் பயணச்சீட்டுகளை முன்பதிவு செய்யலாம். மெட்ரோ இரயில்கள் மற்றும் மெட்ரோ இரயில் நிலையங்களை பராமரிப்பதில் மிகுந்த ஒத்துழைப்பு நல்கிவரும் அனைத்து பயணிகளுக்கும் சென்னை மெட்ரோ இரயில் நிர்வாகத்தின் சார்பில் மனமார்ந்த நன்றி தெரிவித்துள்ளது.
இதையும் படியுங்கள்
சேனலை கிளிக் செய்து பின்தொடரவும்