நீதிமன்ற செலவுக்கே பணமில்லை.. உலகப்பணக்காரர் நகையை விற்று வழக்கு பார்க்கிறாராம்..!

 உலகின் ஆறாவது பணக்காரராக இருந்து பூஜ்ஜிய நிகர மதிப்புக்குச் சென்ற அனில் திருபாய் அம்பானி குழுமத்தின் (ஏ.டி.ஏ.ஜி) தலைவரான அனில் அம்பானி, இங்கிலாந்து நீதிமன்றத்தில் தற்போது நடந்து கொண்டிருக்கும் ஒரு வழக்கில் நீதிமன்றக் கட்டணங்களை செலுத்துவதற்காக தனது நகைகள் அனைத்தையும் விற்றதாக தெரிவித்துள்ளது அதிர்ச்சியை ஏற்படுத்தியிருக்கிறது

ஆசியாவின் மிகப்பெரிய பணக்காரராக தற்போது விளங்கும் முகேஷ் அம்பானியின் இளைய சகோதரர் அனில் அம்பானி இங்கிலாந்து நீதிமன்றத்தில் தான் ஒரு எளிய மனிதர் என்றும் ஒரு கார் மட்டுமே வைத்திருப்பதாகவும்.2020 ஜனவரி மற்றும் ஜூன் மாதங்களுக்கு இடையில் தனது நகைகள் அனைத்தையும் விற்ற பின்னர் ரூ 9.9 கோடியைப் பெற்றதாகவும், தன்னிடம் தற்போது அர்த்தமுள்ள எதுவும் இல்லை.நான் ஒருபோதும் ரோல்ஸ் ராய்ஸை சொந்தமாக்கவில்லை. நான் தற்போது ஒரு காரை மட்டுமே பயன்படுத்துகிறேன்.என்று இங்கிலாந்து நீதிமன்றத்தில் தெரிவித்துள்ளார்.மேலும்

    கடன் மறுநிதியளிப்பு கடனுக்கான தனிப்பட்ட உத்தரவாதத்தை மீறியதாகக் கூறி மூன்று சீன நிறுவனங்கள் கொண்டுவந்த வழக்கு ஒன்றின் விசாரணையின் போது இதை தெரிவித்துள்ளார்.இந்த வழக்கைத் தாக்கல் செய்த சீன அரசுக்குச் சொந்தமான மூன்று சீன வங்கிகள் சுமார் 925 மில்லியன் டாலர் கடன் மறுநிதியளிப்பு கடனுக்கான தனிப்பட்ட உத்தரவாதத்தை மீறியதாகக் கூறப்பட்ட பின்னர், அம்பானி தங்களுக்கு 680 மில்லியன் டாலர் நிலுவைத் தொகையை செலுத்த வேண்டியிருப்பதாக வழக்குத் தொடர்ந்துள்ளார்.எனது செலவுகள் மிகக் குறைவு. மனைவி மற்றும் குடும்பத்தினரால் அவை ஏற்கப்படுகின்றன.

   எனக்கு பகட்டான வாழ்க்கை முறை இல்லை. வேறு வருமானமும் இல்லை. நகைகளை விற்பனை செய்வதன் மூலம் நான் சட்டரீதியான செலவைச் சந்தித்தேன். மேலும் செலவுகளைச் சந்திக்க நேர்ந்தால், பிற சொத்துக்களை விற்க நீதிமன்றத்தின் ஒப்புதல் தேவைப்படும். என்று அனில் அம்பானி கூறினார்.