தமிழக அமைச்சர் உதயநிதி! டெல்லி எம்.பி. சபரீசன்!: ஸ்டாலின் போடும் டபுள் டக்கர் கால்குலேஷன்!

தங்கச்சியை கட்டிக் கொடுத்த வீட்டில் அண்ணன்மார் மடங்கிப் போவது வாடிக்கைதான்! ஆனால் அதற்காக அரசியலென்று வந்துவிட்டால் மச்சானிடம் பம்மி நிற்க வேண்டியதில்லை. அரசியல் களத்தில் அப்பா - மகன்களே அங்காளி பங்காளிகளாக அடித்துக் கொண்டிருக்கும் நிலையில் மாமன், மச்சான்களெல்லாம் எம்மாத்திரம்? இந்த சூட்சமத்தை மிகத் தெளிவாக புரிந்து வைத்துக் கொண்டு சபரீசனை ஓவர் டேக் செய்து ஓஹோவென வளர துவங்கிவிட்டார் உதயநிதி ஸ்டாலின் என்கிறார்கள் சீனியர் தி.மு.க.வினர்.கிட்டத்தட்ட கடந்த ஒரு மாதத்துக்கு முன்பு வரை உதயநிதிக்கும் சம கால அரசியலுக்கும் எந்த சம்பதமும் இல்லாமல்தான் இருந்தது. முரசொலி பத்திரிக்கையின் நிர்வாக கட்டமைப்பில் அவர் பெயர் உச்சத்தில் இருந்தாலும் கூட தம்பி என்னமோ தான் உண்டு, தன் ஷூட்டிங் உண்டு என்று அரசியலுக்கு அப்பாற்ப்பட்டுதான் நின்றார்.ஆனால் கடந்த ஏழு வருடங்களுக்கு முன்பிருந்தே மாமனார் ஸ்டாலினின் அறிவிக்கப்படாத பொலிடிகல் கன்சல்டன்ட் ஆனார் அவரது மருமகன் சபரீசன். சபரீ இப்படி ஸ்டாலினின் நெருங்கிய கரமானதில் உதய்க்கு எந்த வருத்தமுமில்லை. தன் தங்கை செந்தாமரையின் கணவர் என்பதால் எக்ஸ்ட்ரா சந்தோஷமே.அந்த வகையில் சபரீசனும் ஸ்டாலினுக்கு ஆல் இன் ஆல் பொலிட்டிகல் அழகுராஜாவானார்.ஃபார்மல் ஸ்டாலினை இன் ஃபார்மல் லீடராக்கி, ஜீன்ஸ் - கேன்வாஸ் என்று கார்ப்பரேட் கரீஸ்மாவை அவருக்கு ஏற்றி ‘நமக்கு நாமே!’ நடக்கவிட்டது சாட்ஸாத் சபரீயே. தமிழக அரசியலுக்கு மிகப் புதுமையான இந்த அப்ரோச்மெண்டை கண்டு பப்ளிக் பளீரென பல்லைக் காட்டியது. சக அரசியல்வாதிகளுக்கோ ஷாக் ஜெர்க் அடித்தது. அ.தி.மு.க. கொஞ்சம் அசந்திருந்தாலும் ஸ்டாலின் அரியணையை தொட்டிருப்பார்.ஆனாலும் அவர் அதிக எம்.எல்.ஏ.க்களை கொண்ட எதிர்கட்சி தலைவர் எனும் பட்டத்தை பெற வைத்ததில் பெரும் பங்கு நமக்கு நாமே பயணத்தைத்தான் சேரும். அந்த வகையில் கிரெடிட் முழுக்க முழுக்க சபரீக்குதான் சென்றது.ஆட்சியை நூலிழையில் தவறவிட்டாலும் கூட ஸ்டாலினுக்கு கிடைத்த அரசியல் கெத்துவின் மூலம் அந்த குடும்பத்தில் சபரீசனின் மரியாதை சரமாரியாய் உயர்ந்தது. ஜெயலலிதா மரணத்துக்குப் பின் அப்பா கருணாநிதி ஆக்டீவாக இல்லாத நிலையில் செயல்தலைவர் அவதாரம் பூண்ட ஸ்டாலின், பாலிடிக்ஸை தெறிக்க விடுவதற்காக எதிர்பார்த்தது சபரீசனின் மூளையைத்தான்.பிளந்து கிடக்கும் அ.தி.மு.க.வின் பலவீனத்தை பயன்படுத்தி ஆட்சியை பிடிக்கலாம் என்று கழகத்தின் சீனியர் நிர்வாகிகள் சொன்னபோது கூட ‘பைபாஸில் ஆட்சிக்கு வருவதை மக்கள் விரும்ப மாட்டார்கள் என்று தலைவர் சொல்லியிருக்கிறார்.’ என்று தவிர்த்தார் ஸ்டாலின். இதன் பின்னணி கூட சபரியே என்றார்கள் மாஜி அமைச்சர்கள்.‘கருணாநிதி ஆக்டீவாக இருந்திருந்தால் தமிழகத்தில் இந்நேரத்துக்கு சட்டமன்ற இடைத்தேர்தல் வந்திருக்கும். ஸ்டாலினுக்கு சாமர்த்தியம் பத்தாது.’ என்கிற விமர்சனம் செயல் தலைவரை பாடாய் படுத்தியபோது, நமக்கு நாமே- சீசன் 2வுக்கு பிளான் போட்டார் சபரி. ஆனால் அது தடையானது.இப்போது இன்னும் இரண்டு மாதங்களில் ஆட்சி கலையும், இன்னும் மூன்று மாதங்களில் அரசு கவிழும்! என்று ஸ்டாலின் சவுண்டு விட்டுக் கொண்டிருப்பதன் பின்னணியும் மருமகனே! என்றபடி சற்றே அயர்ந்துதான் போனார்கள் கழக சீனியர்கள்.ஸ்டாலினுக்கே இந்த அசமந்த அரசியல் போரடித்துப் போன நிலையில்தான் சட்டென்று கியர் தட்டி கிளம்பியிருக்கிறார் உதயநிதி. சைதாப்பேட்டையில் வருஷாவருஷம் பொங்கல் விழாவில் கலந்து கொள்வார் உதய். ஆனால் இந்த வருஷம் மட்டும் அவர் மீடியாவால் முழு கவனத்துடன் கவனிக்கப்பட்டார். காரணம்? இந்த மேடையிலிருந்து உதயநிதி ஸ்டாலின் தனது அரசியல் எண்ட்ரீயை துவக்க கூடும்! என்று குறிப்புச் செய்தி அறிவாலயத்திலிருந்தே பத்திரிக்கையாளர்களுக்கு சென்றதாம்.பத்திரிக்கையாளர்களின் எதிர்பார்ப்பில் குறையொன்றும் ஏற்படவில்லை. தனது அரசியல் நுழைவுக்கு அந்த விழாவை அஸ்திவாரமாக்கினார் உதய். அடுத்து பேருந்து கட்டண உயர்வுக்கு எதிரான போராட்டத்தில் கலந்து கொண்டு கொடி பிடித்தார்! இதோ இப்போது...தி.மு.க.வில் பரபர அரசியலானது ஸ்டாலினை தாண்டி உதயநிதியை சுற்றி படர துவங்கிவிட்டது.திடுதிப்பென உதயநிதி இப்படி களத்தில் குதிப்பார் என்று சபரீசனே நினைக்கவில்லை. ஆனால் ஸ்டாலின் எடுத்த திடீர் முடிவு இது என்கிறார்கள். ரஜினி, கமல், விஷால் என்று ஹீரோக்கள் மளமளவென அரசியலை நோக்கி நகர துவங்கியுள்ளனர். இதனால் பாரம்பரிய அரசியல்வாதிகள் மீது மக்களுக்கு இருந்து ஈர்ப்பு மங்க துவங்கும் அபாயம் நிகழ்ந்துள்ளது.இதை யோசித்த ஸ்டாலின், தனது கட்சிக்கும் இப்படியொரு ஸ்டார் வேல்யூவை ஊட்ட நினைத்தார். என்னதான் தனது இயக்க உறுப்பினராக இருக்கும் நிலைய கலைஞர்களான சினிமா நடிகர்களை களமிறக்கினாலும் கூட அதில் எந்த பரபரப்பும் இருக்காது. அதனால்தான் சட்டென்று அவரது மூளையில் உதித்த முகம் உதயநிதி.உதய்யை பொங்கல் விழாவின் போது அரசியலை தொட்டு பேச வைத்தது ஸ்டாலினின் கட்டளையே. அதற்கான வைப்ரேஷன் எப்படி இருக்கிறது என்று பார்த்துவிட்டு அடுத்த மூவ் எடுக்கலாமென்று நினைத்தார். ஆனால் ஸ்டாலின் நினைத்ததை விட பல மடங்கு பாசிடீவ் ரியாக்&zwnj;ஷன்களை உதய் ஈர்த்திருக்கிறார். குறிப்பாக மீடியாக்களும், பத்திரிக்கைகளும் உதயநிதியின் வருகையை எதிர்மறையாய் விமர்சிக்கவில்லை.சமூக வலைதளங்களில் உதயநிதிக்கு வந்து விழும் கமெண்டுகளும் அதிர்ச்சியை தராமலிருப்பது ஸ்டாலினை உத்வேகப்படுத்தியிருக்கிறது. இதனால் உதயநிதியை மனதில் வைத்து சில கால்குலேஷன்களை போட்டிருக்கிறார் தளபதி. அதன் விளைவாகத்தான் ‘தி.மு.க.வின் மாநில இளைஞரணி துணை அமைப்பாளராகிறார் உதயநிதி’ என்று கடந்த இரண்டு மூன்று நாட்களாக செய்திகள் றெக்கை கட்டி துடிக்கின்றன. ஒரு வார இதழோ ‘சைதை உதயநிதி’ என்று கவர் ஸ்டோரியே வெளியிட்டு ‘கருணாநிதி சென்னையில் கால்வைத்து தேர்தல் களம் கண்டு வென்றது, சைதாப்பேட்டை தொகுதியில்தான். அந்த செண்டிமெண்டில் உதயநிதியும் அங்கேயே நிற்கிறார்.’ என்று எழுதி அதிரடி சரவெடியை பற்ற வைத்திருக்கிறது.வெறும் ஒன்றரை வார காலத்திற்குள் உதயநிதி கிளப்பியிருக்கும் இந்த தடாலடி பரபரப்பில் ஸ்டாலின் திக்குமுக்காடி போயிருக்கிறார். அப்படியானால் சபரீசனின் நிலை? என்று சிலர் கேட்கலாம். குடும்பம், ஸ்டாலினிடம் இதே கேள்வியை கேட்டபோது. ‘எப்படி எங்க அப்பாவுக்கு நானும், முரசொலி மாறனும், எப்படி இருந்தோமோ அதே மாதிரிதான். நான் தமிழக அரசியல்ல அவருக்கு துணையா இருந்தேன்.முரசொலி மாறன் டெல்லியில நம்ம கட்சிக்கான தூணாக இருந்தார். அதே மாதிரி உதய் எனக்கு தமிழ்நாட்டுல கை கொடுத்தால், சபரீ டெல்லியில கவனம் செலுத்தட்டும்.” என்று அத்தனை பேரையும் சந்தோஷத்தில் திக்குமுக்காட வைத்தாராம்.அதாவது இங்கே உதயநிதி வெகுஜன அரசியல்வாதியாகி, தேர்தலில் போட்டியிட்டு எம்.எல்.ஏ.வாக முயற்சிப்பார். கார்ப்பரேட் மனிதரான சபரீயையோ நேரடியாக லோக்சபா அல்லது ராஜ்யசபா எம்.பி.யாக்கி டெல்லியில் உட்கார வைத்துவிடுவார்களாம். கருணாநிதிக்காக டெல்லி லாபிகளை செய்த முரசொலி மாறன் அவருக்கு மருமகன் தான். ஸ்டாலினுக்காக டெல்லியில் அமர தயாராகும் சபரீசனும் அவருக்கு மருமகனே. என்ன கருணாநிதியின் அக்கா மகன் முரசொலி மாறன். சபரீசனோ ஸ்டாலினின் மகள் கணவர்.ஆக ஸ்டாலினின் கால்குலேஷனை சிம்பிளாக சொல்வதென்றால்...’ஸ்டாலின் எனும் உதயநிதி, சபரீசன் எனும் முரசொலி மாறன்!’ அவ்வளவே.எப்டியிருக்கு!

தமிழக அமைச்சர் உதயநிதி! டெல்லி எம்.பி. சபரீசன்!: ஸ்டாலின் போடும் டபுள் டக்கர் கால்குலேஷன்!

Tamil Nadu Minister Udayanidhi Delhi MP Saberison Stalins Double Double Tucker Calculations

Download App

Recommended Stories