நான்கு தொகுதி இடைத்தேர்தல்... இறுதிக் கட்டத்தில் வேட்பாளர்களை அறிவித்த கமல்!

இந்த 4 தொகுதிகளிலும் வேட்புமனு தாக்கல் செய்ய நாளையே கடைசி நாளாகும். இந்நிலையில் இந்த 4 தொகுதிகளுக்கும் கமல்ஹாசன் வேட்பாளர்களின் பெயர்களை அறிவித்துள்ளார்.   

தமிழகத்தில் 4 தொகுதிகளில் நடைபெற உள்ள இடைத்தேர்தலில் போட்டியிடும் மக்கள் நீதி மய்ய வேட்பாளர்களின் பெயர்களை அக்கட்சித் தலைவர் கமலஹாசன் அறிவித்துள்ளார்.
தமிழகத்தில் காலியாக உள்ள 4 சட்டப்பேரவைத் தொகுதிகளுக்கான தேர்தல் மே 19-ஆம் தேதி நடைபெற உள்ளது. இந்தத் தேர்தலில் போட்டியிடும் திமுக, அதிமுக, நாம் தமிழர் ஆகிய கட்சிகளின் வேட்பாளர்கள் ஏற்கனவே அறிவிக்கப்பட்டுவிட்டனர். இந்நிலையில் மக்கள் நீதி மய்யம் கட்சி சார்பில் 4 தொகுதிகளில் போட்டியிடும் வேட்பாளர்களின் பெயர்களை கமல்ஹாசன் அறிவித்தார்.
இதுதொடர்பாக அவர் வெளியிட்டுள்ள அறிக்கையில், ’ பி. சக்திவேல்  திருப்பரங்குன்றம் தொகுதியிலும் ஜி.மயில்சாமி அரவக்குறிச்சி தொகுதியிலும் போட்டியிடுகிறார்கள். எஸ்.மோகன்ராஜ் சூலூர் தொகுதியிலும் எம்.காந்தி ஒட்டப்பிடாரம் தனித் தொகுதியிலும் போட்டியிடுவதாக அறிவித்துள்ளார்.

இந்த 4 தொகுதிகளிலும் வேட்புமனு தாக்கல் செய்ய நாளையே கடைசி நாளாகும். இந்நிலையில் இந்த 4 தொகுதிகளுக்கும் கமல்ஹாசன் வேட்பாளர்களின் பெயர்களை அறிவித்துள்ளார்.   நடந்து முடிந்த நாடாளுமன்றத் தேர்தலில் 38 தொகுதிகளிலும் 18 சட்டப்பேரவைத் தொகுதிகளிலும் மக்கள் நீதி மய்யம்  போட்டியிட்டது.