இந்தியா சீனாவிடமிருந்து பாடம் கற்றுக்கொள்ளட்டும்... மத்திய அமைச்சர் ஜெய்சங்கர் அதிரடி பேச்சு..!

பிரச்சினைகளைத் தீர்ப்பதில் இந்தியா சீனாவிடமிருந்து பாடம் கற்றுக் கொள்ள வேண்டும் என வெளியுறவுத்துறை அமைச்சர் ஜெய்சங்கர் கூறினார்.  

சமீர் சரண் மற்றும் அகில் தியோ ஆகியோரால் சீனா குறித்து எழுதப்பட்ட இந்திய விடியலுக்கான தாக்கங்கள் புத்தகத்தை வெளியிட்டபோது வெளியுறவுத்துறை அமைச்சர் எஸ்.ஜெய்சங்கர் கேள்விகளுக்கு பதிலளித்தார்.

அப்போது அவர், ''குடியுரிமை சட்டம், பிரிவு 370, அயோத்தி, ஜிஎஸ்டி மற்றும் சமூக மற்றும் பொருளாதார பிரச்சினைகள் சிக்கல்களின் திரட்டப்பட்ட மரபாக மாறுகின்றன. இந்தியாவின் இந்த  பிரச்சினைகளைச் சமாளிக்க தேவையான 370-வது பிரிவு மற்றும் குடியுரிமை சட்டம் ஆகியவற்றில் அரசால் எடுக்கப்பட்ட நடவடிக்கைகளில் பிரச்சினைகளைத் தீர்க்க இந்தியா, சீனாவிடமிருந்து பாடம் கற்று கொள்ள வேண்டும். 

சீனாவிலிருந்து நாம் கற்று கொள்ள வேண்டிய பாடம் என்ன வென்றால் ஒரு சமூகம் அதன் தற்போதைய பிரச்சினைகளைத் தீர்க்கமாக தீர்க்கும் மனநிலையைக் கொண்டிருக்காவிட்டால், அது உலகில் உயரப் போவதில்லை.  ஜே.என்.யூ மாணவர்களை “சிறுசிறு  கும்பல்” என்று குறிப்பிடுவது இந்தியாவின் ஜனநாயகக் கொள்கைகளுடன் ஒத்துப்போகிறது. நான் ஒரு மாணவனாக இருந்தபோது, எந்த கும்பலையும் நாங்கள் காணவில்லை என்பதை நான் நிச்சயமாக உங்களுக்கு சொல்ல முடியும்.

ஜே.என்.யூ வளாகத்தில் நடந்த வன்முறை பல்கலைக்கழகத்தின் பாரம்பரியத்திற்கும் கலாச்சாரத்திற்கும் எதிரானது’’என கூறினார். டெல்லியின் புகழ்பெற்ற ஜவஹர்லால் நேரு பல்கலைக்கழகத்தின் முன்னாள் மாணவர் வெளியுறவுத்துறை அமைச்சர் எஸ்.ஜெய்சங்கர்.