அமமுக துணைப் பொதுச் செயலாளர் டி.டி.வி.தினகரனின் ஆதரவாளரும், பெரியகுளம் சட்டமன்றத் தொகுதி அமமுக வேட்பாளருமான டாக்டர் கதிர்காமுவின் காம லீலைகள் அடங்கிய வீடியோ வெளியாகி அதிர்ச்சியை ஏற்படுத்தியுள்ளது.
தேனி மாவட்டம் பெரியகுளம் தொகுதியில் கடந்த சட்டமன்ற தேர்தலின் போது, அதிமுக சார்பில் போட்டியிட்டு வெற்றி பெற்றவர் டாக்டர். கதிர்காமு முன்னாள் முதலமைச்சர் ஜெயலலிதா மறைவிற்கு பிறகு, அதிமுகவில் ஏற்பட்ட கருத்து வேறு காரணமாக இவர் டிடிவி தினகரன் அணியில் இணைந்தார்.
இதையடுத்து சபாநாயகர் தனபால் உத்தரவின் படி, தகுதி நீக்கம் செய்யப்பட்டார். தமிழகத்தில் தகுதி நீக்கம் செய்யப்பட்ட 18 எம்எல்ஏக்களில் இவரும் ஒருவர். இந்நிலையில் தற்போது அமமுக சார்பில் மீண்டும் பரிசு பெட்டி சின்னத்தில், பெரியகுளம் தொகுதி இடைத்தேர்தலில் சட்டமன்ற வேட்பாளராக போட்டியிடுகிறார்.
இந்நிலையில் கதிர்காமு, தன்னிடம் சிகிச்சை பெற வந்த சிறுமிக்கு பாலியல் வன்கொடுமை செய்ததாக கூறப்படுகிறது. இதுகுறித்து சிறுமியின் குடும்பத்தினர், பெரியகுளம் காவல்நிலையத்தில் புகார் அளித்துள்ளனர்.
இதனையடுத்து கதிர்காமு மீது போலீசார் வழக்கு பதிவு செய்துள்ளனர். இதனால் அவர் தலைமறைவாகியுள்ளார். என்றும் அவரை போலீசார் தீவிரமாக தேடி வருவதாகவும் கூறப்படுகிறது..
இதனிடையே கதிர்காமுவின் காம லீலைகள் அடங்கிய வீடியோ தற்போது வெளியாகி அதிர்ச்சியை ஏற்படுத்தியுள்ளது. இதில் பெண் ஒருவருடன் கதிர்காமு உல்லாசமாக இருப்பது தெளிவாக தெரிகிறது. இதுதொடர்பாக பதிவு செய்யப்பட்ட முதல் தகவல் அறிக்கையும் வெளியாகியுள்ளது.
இந்த விவகாரத்தால் அமமுகவினர் மத்தியில் சலசலப்பு ஏற்பட்டுள்ளது. இது தங்கள் கட்சியின் வெற்றி வாய்ப்பிற்கு பெரும் பின்னடைவை ஏற்படுத்தும் என்று கருதுகின்றனர். எனவே இதுகுறித்து டிடிவி தினகரன் விளக்கம் அளிக்க வேண்டும் என்று குரல் எழுந்துள்ளது.
இந்நிலையில் கதிர்காமு மீது இந்திய தண்டனைச் சட்டம் 376 உள்ளிட்ட பிரிவுகளின் கீழ் போலீசார் வழக்குப்பதிவு செய்துள்ளனர்