”தீர்மானங்களை ஒட்டியே அதிமுக செல்லும்” - அமைச்சர் ஜெயக்குமார் திட்டவட்டம்...!!!

ஜெயலலிதாவின் தீவிர முயற்சியால் ஜெயா டிவி தொடங்கப்பட்டது எனவும், அதில் சட்டப்படி நடவடிக்கை மேற்கொண்டு ஜெயா டிவியையும் நமது எம்.ஜி.ஆர் பத்திரிக்கையும் மீட்டெடுப்போம் எனவும் அமைச்சர் ஜெயக்குமார் தெரிவித்துள்ளார். மேலும் அதிமுக நிர்வாகிகள் கூட்டத்தில் நிறைவேற்றப்பட்ட 4 தீர்மானங்கள் அடிப்படையிலேயே கட்சி செல்லும் எனவும் அவர் தெரிவித்தார். அதிமுக இரண்டாக பிரிந்ததையடுத்து நாங்களே உண்மையான அதிமுக என்று இரு தரப்பும் டெல்லி தேர்தல் ஆணையத்தில் பிரமாண பத்திரங்களை தாக்கல் செய்தனர். இதைதொடர்ந்து பலதரப்பட்ட பேச்சுவார்த்தைக்கு பிறகு இரு அணியும் ஒரு அணியாக ஒன்று சேர்ந்துள்ளது. இந்நிலையில், நேற்று முதலமைச்சர் எடப்பாடி பழனிசாமி தலைமையில் நிர்வாகிகள் கூட்டம் நடைபெற்றது. அதில் துணை முதலமைச்சர் ஒ.பன்னீர்செல்வம் உட்பட ஏராளமானோர் கலந்து கொண்டனர். அப்போது சசிகலா தினகரனுக்கு எதிராக 4 தீர்மானங்கள் நிறைவேற்றப்பட்டன. அதாவது இரட்டை இலையையும் கட்சியையும் மீட்பதாக தீர்மானம் நிறைவேற்றப்பட்டது. அதற்காக தேர்தல் ஆணையத்தில் கொடுத்த பிரமாண பத்திரங்களை திரும்ப வாங்குவது என்ற முடிவு எடுக்கப்பட்டது. மேலும் ஜெயா டிவி மற்றும் நமது எம்.ஜி.ஆர் பத்திரிக்கையை மீட்டெடுப்பது உள்ளிட்ட தீர்மானங்கள் நிறைவேற்றப்பட்டன. இதற்காக அமைச்சர்கள் தங்கமணி, ஜெயக்குமார், மைத்ரேயன் எம்.பி, முன்னாள் எம்.பி மனோஜ் பாண்டியன் உள்ளிட்டோர் டெல்லியில் முகாமிட்டுள்ளனர். இந்நிலையில், இன்று தேர்தல் அதிகாரிகளை சந்திக்க நேரம் கேட்டு அமைச்சர்களுக்கு நேரம் ஒதுக்கப்படவில்லை என கூறப்படுகிறது.இதைதொடர்ந்து செய்தியாளர்களை சந்தித்த அமைச்சர் ஜெயக்குமார் ஜெயலலிதாவின் தீவிர முயற்சியால் ஜெயா டிவி தொடங்கப்பட்டது எனவும், அதில் சட்டப்படி நடவடிக்கை மேற்கொண்டு ஜெயா டிவியையும் நமது எம்.ஜி.ஆர் பத்திரிக்கையும் மீட்டெடுப்போம் எனவும் தெரிவித்தார். மேலும், அதிமுக நிர்வாகிகள் கூட்டத்தில் நிறைவேற்றப்பட்ட 4 தீர்மானங்கள் அடிப்படையிலேயே கட்சி செல்லும் எனவும் அவர் தெரிவித்தார்.

”தீர்மானங்களை ஒட்டியே அதிமுக செல்லும்” - அமைச்சர் ஜெயக்குமார் திட்டவட்டம்...!!!

Jayalalithas intense efforts have been initiated by Jaya TV and the legal action will be taken to restore Jaya TV and our MGR column Minister Jayakumar said.

Download App

Recommended Stories