முன்னாள் அமைச்சராக இருந்தாலும் தேவையில்லை - வளர்மதியை துரத்தியடித்த இபிஎஸ் - ஒபிஎஸ்...! ஆதரவாளர்களை பலப்படுத்தும் டிடிவி...!

முன்னாள் அமைச்சர் வளர்மதி ஜெபராஜ் உட்பட 100 க்கும் மேற்பட்டோரை அதிமுகவில் இருந்து நீக்கம் செய்வதாக எடப்பாடி மற்றும் பன்னீர்செல்வம் அறிவிப்பு வெளியிட்டுள்ளனர். ஆர்.கே.நகரில் அதிமுகவை வீழ்த்தி தினகரன் அபார வெற்றி பெற்றார். தினகரனின் வெற்றியை அடுத்து அதிமுகவிலிருந்து தினகரன் ஆதரவாளர்கள் அதிரடியாக நீக்கப்பட்டு வருகின்றனர். கட்சியின் விதிகளை மீறி செயல்படுவதாகக் கூறி தினகரனின் ஆதரவாளர்கள் நீக்கப்பட்டு வருகின்றனர். அந்த வகையில் ஏற்கனவே 18 எம்.எல்.ஏக்கள் தகுதி நீக்கம் செய்யப்பட்டு கட்சியில் இருந்து ஒதுக்கப்பட்டனர். அதையடுத்து நாஞ்சில் சம்பத், புகழேந்தி, வெற்றிவேல், தங்க தமிழ்ச்செல்வன், கலைராஜன் ஆகியோரை அதிமுகவின் ஒருங்கிணைப்பாளர் பன்னீர்செல்வமும் இணை ஒருங்கிணைப்பாளர் பழனிசாமியும் நீக்கினர்.அவர்களை அடுத்து நூற்றுக்கும் மேற்பட்டோர் கட்சியிலிருந்து அதிரடியாக நீக்கப்பட்டனர். தினகரனின் ஆதரவாளர்கள் மாவட்ட வாரியாக நீக்கப்பட்டு வருகின்றனர். இதைதொடர்ந்து நேற்று முன்தினம் முன்னாள் எம்.பி. குமாரசாமி உட்பட டிடிவி ஆதரவாளர்கள் 175 பேரை அதிமுகவில் இருந்து நீக்கம் செய்து அக்கட்சியின் ஒருங்கிணைப்பாளர் பன்னீர்செல்வமும் இணை ஒருங்கிணைப்பாளர் எடப்பாடியும் உத்தரவிட்டனர். அதன்படி இன்றும் டிடிவிக்கு ஆதரவாக செயல்பட்டு கட்சிக்கு குந்தகம் விளைவிப்பதாக கூறி முன்னாள் அமைச்சர் வளர்மதி ஜெபராஜ் உட்பட 100 க்கும் மேற்பட்டோரை அதிமுகவில் இருந்து நீக்கம் செய்து எடப்பாடி மற்றும் பன்னீர்செல்வம் அறிவிப்பு வெளியிட்டுள்ளனர்.

edappadi and panneerselvam suspended the above 100 people from admk including former minister valarmathi jabaraj

Download App

Recommended Stories