தேசப்பக்தர் விராட் கோலி அனுஷ்கா ஷர்மாவை விவாகரத்து செய்யணும்..பாஜக எம்எல்ஏ போர்க்கொடி.! காரணம் என்ன தெரியுமா?

அந்தப் படத்தை தயாரித்து இயக்கிய விராட் கோலியின் மனைவி அனுஷ்காவையும் பாஜக எம்.எல்.ஏ. நந்த்கிஷோர் கண்டித்துள்ளார். இதுதொடர்பாக அவர் கூறுகையில், “இந்திய கிரிக்கெட் அணியின் கேப்டன் விராட் கோலி தேசபக்தர். அவர் இந்தியா மீது பெரும் மரியாதை வைத்துள்ளார். எனவே விராட் கோலி அனுஷ்கா ஷர்மாவை விவாகரத்து செய்யவேண்டும்” எனத் தெரிவித்துள்ளார்.

இந்திய கிரிக்கெட் அணியின் கேப்டன் விராட் கோலி அவருடைய மனைவி அனுஷ்கா ஷர்மாவை விவாகரத்து செய்ய வேண்டும் என்று பாஜக எம்.எல்.ஏ. பகிரங்க கோரிக்கை விடுத்துள்ளார்.
கொரோனா ஊரடங்குக் காரணமாக திரைப்படங்கள் வெளிவருவது அடியோடு நின்றுவிட்டது. இதனால், சில பிரபலங்கள் குறும்படங்கள் வெளியிடுவது, வெப் சீரிஸ் என பிஸியாகிவருகிறார்கள். அந்த வகையில் அமேசான் பிரைமில் இரு வாரங்களுக்கு முன்னால், ‘Paatal Lok’ என்ற வெப் சீரியஸ் வெளிவந்தது. அரசியலையும் விறுவிறுப்பான அம்சங்களையும் கொண்ட இந்த வெப் சீரிஸுக்கு பாராட்டுக்கள் கிடைத்தன.
இந்த சீரிஸில் ‘இந்துத்வா’ அமைப்பு பற்றி சில காட்சிகள் இடம் பெற்றது. இந்தக் காட்சிகள் சங்பரிவார்கள் மத்தியில் எதிர்ப்புக் கிளம்பியது. இந்நிலையில், அந்த வெப் சீரிஸில் தன்னுடைய புகைப்படம் வெளியானதாகவும் குறிப்பிட்ட சமூக மக்களை அவமதிக்கும் வகையிலும் இந்தக் காட்சிகள் இருப்பதாக பாஜக எம்.எல்.ஏ. நந்த்கிஷோர் குர்ஜார் பரபரப்பு குற்றம் சாட்டினார். மேலும் இதுதொடர்பாக அவர் காவல் நிலையத்திலும் புகார் அளித்தார். அந்த வெப் சீரிஸை தடை செய்யக்கோரி மத்திய தகவல்  ஒளிபரப்புத் துறைக்கும் எம்.எல்.ஏ. நந்த்கிஷோர் கடிதம் எழுதியுள்ளார்.

இதற்கிடையே அந்தப் படத்தை தயாரித்து இயக்கிய விராட் கோலியின் மனைவி அனுஷ்காவையும் பாஜக எம்.எல்.ஏ. நந்த்கிஷோர் கண்டித்துள்ளார். இதுதொடர்பாக அவர் கூறுகையில், “இந்திய கிரிக்கெட் அணியின் கேப்டன் விராட் கோலி தேசபக்தர். அவர் இந்தியா மீது பெரும் மரியாதை வைத்துள்ளார். எனவே விராட் கோலி அனுஷ்கா ஷர்மாவை விவாகரத்து செய்யவேண்டும்” எனத் தெரிவித்துள்ளார். பாஜக எம்.எல்.ஏ. நந்த்கிஷோரின் இந்தக் கருத்து அரசியல் வட்டாரத்தில் பரபரப்பை ஏற்படுத்தியுள்ளது.