ஒரு இஸ்லாமியரை அடிப்பது தான் இந்து மதமா..? பாஜக பாணியில் மதத்தை கையிலெடுத்த ராகுல்காந்தி..!

மகாத்மா காந்தி உண்மையைத் தேடினார், நாதுராம் கோட்சே மூன்று தோட்டாக்களை அவருக்குள் செலுத்தினார். அவர் ஒரு இந்துத்துவாவாதி. ஒரு இந்து சத்தியாகிரகத்தில் ஆர்வம் கொண்டவர். இந்துத்துவாவாதிகள் அதிகாரத்திற்குப் பின் தான் இருக்கிறார்கள், அவர்கள் உண்மையைப் பற்றி கவலைப்படுவதில்லை" என்று ராகுல் காந்தி கூறினார்.

ராஜஸ்தான் தலைநகர் ஜெய்ப்பூரில் நடைபெற்ற காங்கிரஸ் பேரணி மற்றும் பொதுக்கூட்டத்தில் பங்கேற்று பேசிய ராகுல் காந்தி, ‘’நான் இந்து. ஆனால் இந்துத்துவவாதி இல்லை. இந்திய அரசியலில் இந்து மற்றும் இந்துத்துவா இடையே தான் பெரும் போட்டி நடைபெற்று வருகிறது. இந்து மற்றும் இந்துத்துவா ஆகிய இரண்டு வார்த்தைகளுக்கும் வெவ்வேறு அர்த்தங்கள் இருக்கிறது.

மகாத்மா காந்தி இந்து, ஆனால் கோட்சே இந்துத்துவவாதியாக இருந்தார். இந்துத்துவவாதிகள் வாழ்நாள் முழுவதும் அதிகாரத்தை குறிவைத்தே செயலபட்டு வருகிறார்கள். ஆனால் அதிகாரத்தை பயன்படுத்தி ஏதாவது செய்தார்களா என்றால் இல்லை. இந்துத்துவவாதிகளை அதிகாரத்தில் இருந்து தூக்கி எறிந்துவிட்டு இந்துக்களை அதிகாரத்தில் அமர்த்த வேண்டும்.

நாட்டில் உள்ள அனைத்து அமைப்புகளும் ஆர்எஸ்எஸ் என்கிற ஒரு அமைப்பின் கட்டுப்பாட்டில் உள்ளது. பிரதமர் மோடியின் தவறான நிர்வாகத்தால் ஒட்டுமொத்த நாடும் சோகத்தில் ஆழ்ந்துள்ளது. இந்து மதம் ஒரு சீக்கியரை அல்லது முஸ்லிமை அடிப்பதா? ஹிந்துத்துவா, நிச்சயமாக. எந்த புத்தகத்தில் எழுதப்பட்டுள்ளது? நான் பார்த்ததில்லை. நான் உபநிடதங்களைப் படித்திருக்கிறேன். நான் அதைப் படிக்கவில்லை. இந்துத்வாவிற்கும் இந்து மதத்திற்கும் வித்தியாசம் இருப்பதாக நாங்கள் கூறுகிறோம். இது ஒரு எளிய தர்க்கம். நீங்கள் ஒரு இந்து என்றால் உங்களுக்கு ஏன் இந்துத்துவம் தேவை? உங்களுக்கு ஏன் இந்தப் புதிய பெயர் தேவை?" என்று அவர் கூறினார்.

இதற்கு பதிலளித்த பாஜக, ராகுல் காந்திக்கும் காங்கிரஸுக்கும் இந்து மதத்தின் மீது "நோய்சார்ந்த வெறுப்பு" இருப்பதாகக் கூறியுள்ளது. "ஒவ்வொரு சந்தர்ப்பத்திலும் இந்து மதத்தைத் தாக்குவது காங்கிரஸ் மற்றும் காந்தி குடும்பத்தின் குணாதிசயத்தில் உள்ளது. அவர்கள் சொல்வது தற்செயல் நிகழ்வு அல்ல, சோதனை. இந்த சோதனை ஆய்வகத்தின் தலைமை ஆசிரியர் ராகுல் காந்தி" என்று பாஜகவின் சம்பித் பத்ரா கூறினார்.

 முன்னதாக பேசிய காங்கிரஸ் துணை பொதுச்செயலாளர் பிரியங்கா காந்தி, ‘’ஒன்றிய அரசு ஒருசில தொழிலதிபர்களுக்காவே செயல்படுவதாக குற்றம் சாட்டியுள்ளார். விளம்பரங்களை வெளியிட கோடிக்கணக்கில் செலவிடும் ஒன்றிய அரசு அந்த தொகையை விவசாயிகளுக்கு கொடுத்து உதவலாம் என்று பிரியங்கா தெரிவித்தார். விலைவாசி உயர்வு கொரோனா நிவாரணம் உள்ளிட்ட பிரச்சனைகளில் மத்திய அரசை கண்டித்து டெல்லியில் போராட்டம் நடத்த காங்கிரஸ் கட்சி திட்டமிட்டது.

ஆனால் டெல்லியில் அனுமதி மறுக்கப்பட்டது. இதனையடுத்து இந்த போராட்டம் ராஜஸ்தான் மாநிலம் ஜெய்ப்பூருக்கு மாற்றப்பட்டது. கடந்த மாதம், கட்சியின் உள் கூட்டத்தில் ராகுல் காந்தி இந்து மதத்தையும் இந்துத்துவாவையும் வேறுபடுத்த முயன்றார்.