துப்புனா துடைச்சிக்குவியா? அசிங்கமா இல்லையா? - நாஞ்சில் சம்பத்தை நாறடித்த ஆறுகுட்டி எம்.எல்.ஏ...

அதிமுக பொதுக்கூட்டத்தில் பேசுவதற்கு ரூ. 50 ஆயிரம் வாங்குபவர் நாஞ்சில் சம்பத் எனவும், மக்கள் துப்புனா துடைச்சிகுவேனு சொல்லுவது அசிங்கமாக இல்லையா எனவும் கவுண்டம்பாளையம் எம்.எல்.ஏ ஆறுக்குட்டி கேள்வி எழுப்பியுள்ளார். அதிமுகவில் பல்வேறு உச்சகட்ட குழப்பங்களுக்கு மத்தியில் அதிமுகவின் எடப்பாடியும் அணியும் பன்னீர் அணியும் தலைமை கழகத்தில் இணைந்தன. மேலும் சசிகலாவை நீக்க பொதுக்குழு கூட்டப்படும் என வைத்தியலிங்கம் அறிவிப்பு வெளியிட்டார். இதைதொடர்ந்து துணை பொதுச்செயலாளராக பன்னீர்செல்வம் பொறுப்பேற்று கொண்டார். அவருக்கு ஆளுநர் வித்யாசாகர் ராவ் பதவி பிரமானம் செய்து வைத்தார். இதையடுத்து செய்தியாளர்கள் மத்தியில் பேசிய நாஞ்சில் சம்பத், அதிமுக பொதுச்செயலாளர் பதவியில் இருந்து சசிகலாவை நீக்கினால் முதலமைச்சர் பதவியில் இருந்து எடப்பாடி பழனிசாமியை நீக்குவோம் எனவும், ஒபிஎஸ் மற்றும் இபிஎஸ் பச்சை துரோகிகள் எனவும் தெரிவித்தார். இதனிடையே சில நாட்களுக்கு முன்பு டிடிவி தினகரனுக்கே தனது முழு ஆதரவு எனவும், மக்கள் என்ன நினைத்தாலும் கவலை இல்லை எனவும், காரித்துப்பினால் துடைத்து கொள்வேன் எனவும் ஒரு பேட்டியில் நாஞ்சில் சம்பத் தெரிவித்திருந்தார். இந்நிலையில், செய்தியாளர்களை சந்தித்த ஆறுக்குட்டி எம்.எல்.ஏ, அதிமுக பொதுக்கூட்டத்தில் பேசுவதற்கு ரூ. 50 ஆயிரம் வாங்குபவர் நாஞ்சில் சம்பத் எனவும், மக்கள் துப்புனா துடைச்சிகுவேனு சொல்லுவது அசிங்கமாக இல்லையா எனவும் கேள்வி எழுப்பியுள்ளார். மேலும் ஒபிஎஸ் மற்றும் இபிஎஸ் பற்றி அசிங்கமாக பேசுவதை பேசுவதை நாஞ்சில் சம்பத் நிறுத்தி கொள்ள வேண்டும் எனவும் எச்சரிக்கை விடுத்துள்ளார்.

துப்புனா துடைச்சிக்குவியா? அசிங்கமா இல்லையா? - நாஞ்சில் சம்பத்தை நாறடித்த ஆறுகுட்டி எம்.எல்.ஏ...

Asked whether people say Tupunana Suetikachenu is not ugly the MLA of Kollambalayam MLA questioned.

Download App

Recommended Stories