குடியரசுத்தலைவர் உரையுடன்.. பாராளுமன்ற பட்ஜெட் கூட்டத்தொடர் இன்று தொடக்கம்!

இரு அவைகளின் கூட்டு கூட்டத்தில் குடியரசுத் தலைவரின் உரையுடன் பாராளுமன்ற பட்ஜெட் கூட்டத்தொடர் இன்று தொடங்குகிறது.

பாராளுமன்ற பட்ஜெட் கூட்டத்தொடர் இன்று தொடங்குகிறது. குடியரசுத் தலைவர் திரௌபதி முர்மு இன்று இரு அவைகளின் கூட்டு கூட்டத்தில் உரை நிகழ்த்துவார். இதற்கு முன்பு காலை 10 மணிக்கு பிரதமர் நரேந்திர மோடி ஊடகங்களை சந்திப்பார். அவையின் நடைமுறைகளுக்கு எதிர்க்கட்சிகளின் ஆதரவை கோருவார். வக்ஃப் சட்ட திருத்த மசோதா குறித்த கூட்டு பாராளுமன்றக் குழுவின் அறிக்கை அவையின் மேசையில் வைக்கப்படும்.

எதிர்க்கட்சிகளின் எதிர்ப்புகளுக்கு மத்தியில் இந்த கூட்டத்தொடரில் மசோதா நிறைவேற்றப்படும் என எதிர்பார்க்கப்படுகிறது. கும்பமேளா துயர சம்பவத்தையும் அரசுக்கு எதிராக எதிர்க்கட்சிகள் பயன்படுத்துவார்கள். நாளை பொது பட்ஜெட் தாக்கல் செய்யப்படும். நிதியமைச்சர் நிர்மலா சீதாராமன் தாக்கல் செய்யும் தொடர்ச்சியான எட்டாவது பட்ஜெட் இதுவாகும். பொருளாதார மந்தநிலையை சமாளிக்கவும், விலைவாசியை கட்டுப்படுத்தவும், வரி விதிப்பில் என்னென்ன அறிவிப்புகள் வெளியாகும் என்பதை நாடு உற்று நோக்குகிறது.