சிறுத்தையை கதற கதற கடித்து குதறிய தெருநாய்... வைரல் வீடியோ!

நாசிக்கில் தெருநாய் ஒன்று சிறுத்தையைத் தாக்கி 300 மீட்டர் தூரத்திற்கு இழுத்துச் சென்ற சம்பவம் பரபரப்பை ஏற்படுத்தியுள்ளது. நாயின் திடீர் தாக்குதலால் சிறுத்தை காயமடைந்து தப்பி ஓடியது.

மகாராஷ்டிரா மாநிலம் நாசிக் மாவட்டத்தில், ஒரு தெருநாய் சிறுத்தையைத் தாக்கி 300 மீட்டர் தூரத்திற்கு இழுத்துச் சென்ற சம்பவம் சமூக வலைத்தளங்களில் பரபரப்பை ஏற்படுத்தியுள்ளது. இந்த மோதலின் வீடியோ சமூக வலைத்தளங்களில் வைரலாகி வருகிறது.

சிறுத்தையை விரட்டியடித்த நாய்

நிக்கடில் உள்ள நிபாத் பகுதியில் இந்த சம்பவம் நடந்துள்ளது. சாட்சிகள் கூற்றுப்படி, இந்த வாரத்தின் தொடக்கத்தில் சிறுத்தை ஒன்று அப்பகுதிக்குள் நுழைந்துள்ளது. அப்போது, தெருநாய் ஒன்று உடனடியாக சிறுத்தையை கடுமையாகத் தாக்கி, அதன் கழுத்தில் கவ்விக் கொண்டு சுமார் 300 மீட்டர் தூரத்திற்கு இழுத்துச் சென்றது. நாயின் திடீர் தாக்குதலைத் தாங்க முடியாமல், சிறுத்தை காயங்களுடன் அங்கிருந்து தப்பி ஓடியது.

தாக்குதலில் ஈடுபட்ட நாய், கடுமையான போராட்டத்திற்குப் பிறகும் தப்பிப் பிழைத்தது. இந்த சம்பவத்தில் அப்பகுதியில் வசிக்கும் யாருக்கும் எந்தவித பாதிப்பும் ஏற்படவில்லை.

வனத்துறை விளக்கம்

சம்பவம் குறித்து உள்ளூர் அதிகாரிகள், காயமடைந்த சிறுத்தை அருகிலுள்ள வயல்வெளிக்குள் பின்வாங்கியதாகத் தெரிவித்தனர். சிறுத்தைக்கு மருத்துவ உதவி தேவைப்படுகிறதா என்பதை வனத்துறை அதிகாரிகள் இன்னும் உறுதிப்படுத்தவில்லை, ஆனால் இந்த சம்பவத்திற்குப் பிறகு கிராம மக்களுக்கும், வீட்டு விலங்குகளுக்கும் எந்தவித பாதிப்பும் இல்லை எனத் தெரிவித்துள்ளனர்.

தெருநாய்கள் குறித்த உச்ச நீதிமன்றத் தீர்ப்பு

நாசிக்கில் இந்த சம்பவம் நடந்த அதே நேரத்தில், தெருநாய்கள் குறித்த விவாதம் உச்ச நீதிமன்றத்தில் நடைபெற்றது. நீதியரசர் விக்ரம் நாத் தலைமையிலான சிறப்பு அமர்வு, தடுப்பூசி போடப்பட்ட தெருநாய்களை டெல்லி-என்சிஆர் பகுதியில் உள்ள காப்பகங்களிலிருந்து வெளியே விடக்கூடாது என்ற முந்தைய உத்தரவை மாற்றியமைத்தது. இந்த கட்டுப்பாடு "மிகக் கடுமையானது" என்று நீதிமன்றம் கூறியது.