புத்தரின் ஞானத்தை காக்க வேண்டும்.. பாலி மொழி பற்றி பிரதமர் மோடி பேச்சு!
By Raghupati R | First Published Oct 18, 2024, 8:29 AM ISTபாலி மொழிக்குச் செம்மொழி அந்தஸ்து வழங்கிய பிரதமர் மோடி, அதன் பாதுகாப்பிற்கான அறிவிப்பையும் வெளியிட்டார். அபிதம்ம தினத்தன்று, புத்தரின் போதனைகளைப் புரிந்துகொள்வதற்கு பாலி மொழி முக்கியமானது என்றும், அது இந்திய கலாச்சார பாரம்பரியத்தின் ஒரு பகுதி என்றும் அவர் கூறினார்.
பன்னாட்டு அபிதம்ம தினம் மற்றும் பாலி மொழிக்குச் செம்மொழி அந்தஸ்து வழங்கப்பட்டதற்காக நடைபெற்ற நிகழ்ச்சியில் பிரதமர் நரேந்திர மோடி கலந்துகொண்டார். அப்போது அவர் பேசுகையில், “பாலி மொழி தற்போது புழக்கத்தில் இல்லாவிட்டாலும், ஒரு மொழி, இலக்கியம், கலை மற்றும் ஆன்மீக மரபுகள் ஒரு நாட்டின் பாரம்பரியத்தை வெளிப்படுத்துகின்றன, அதுவே அதன் அடையாளம். இந்திய அரசு பாலி மொழியைப் பாதுகாப்பதோடு அதை மேம்படுத்தும்” என்றார்.
புத்தரின் ஞானத்தை காப்பது நம் பொறுப்பு
Latest Videos
undefined
பாலி மொழி மற்றும் அதில் எழுதப்பட்ட புனித நூல்கள், புத்தரின் போதனைகளைப் பாதுகாத்தல் மற்றும் மேம்படுத்துவதற்கு அரசு பல முயற்சிகளை மேற்கொள்ளும் என்று பிரதமர் மோடி அக்டோபர் 17 வியாழக்கிழமை அறிவித்தார். அவர் கூறுகையில், “அபிதம்ம தினத்தன்று புத்தரின் போதனைகள் வெளிப்படுத்தப்பட்ட மொழி பாலி, இப்போது இந்த மொழிக்குச் செம்மொழி அந்தஸ்து வழங்கப்பட்டுள்ளது. தர்மத்தைப் புரிந்துகொள்வதற்கு பாலி மிக முக்கியமானது. ஒரு மொழி வெறும் தொடர்பு கொள்ளும் வழி மட்டுமல்ல, அது ஒரு நாகரிகம், அதன் கலாச்சாரம், அதன் பாரம்பரியத்தின் ஆன்மா. பாலி மொழியை உயிர்ப்புடன் வைத்திருப்பதும், அதன் மூலம் புத்தரின் ஞானத்தை காப்பதும் நம் பொறுப்பு” என்றார்.
அரசு ஊழியர்களுக்கு முன்கூட்டியே சம்பளம்.. அக்டோபர் 28ல் வருது.. அரசு சொன்ன குட் நியூஸ்
சேனலை கிளிக் செய்து பின்தொடரவும்