எல்லைக் கட்டுப்பாட்டுக் கோட்டில் துப்பாக்கிச் சூடு: பொதுமக்கள் மூவர் பலி!!

எல்லைக் கட்டுப்பாட்டுக் கோட்டில் பாகிஸ்தான் நடத்திய துப்பாக்கிச் சூட்டில் மூன்று பொதுமக்கள் உயிரிழந்தனர். இந்திய ராணுவம் தக்க பதிலடி கொடுத்தது.

Operation Sindoor: எல்லைக் கட்டுப்பாட்டுக் கோடு மற்றும் சர்வதேச எல்லையில் பாகிஸ்தான் துப்பாக்கிச் சூடு நடத்தியதில் மூன்று பொதுமக்கள் உயிரிழந்ததாக இந்திய ராணுவம் தெரிவித்துள்ளது. இந்திய ராணுவம் தக்க பதிலடி கொடுத்ததாகவும் தெரிவிக்கப்பட்டுள்ளது.

பொதுமக்கள் மத்தியில் பீதி

எல்லைப் பகுதிகளில் இந்தச் சம்பவம் நடந்ததால் அப்பகுதி மக்களிடையே பீதியும் பதற்றமும் நிலவுகிறது. பாதுகாப்புப் படையினர் நிலைமையைக் கண்காணித்து வருகின்றனர். பாகிஸ்தான் ஆக்கிரமிப்பு காஷ்மீரில் தீவிரவாத முகாம்கள் மீது இந்திய ராணுவம் தாக்குதல் நடத்திய சில மணி நேரங்களுக்குப் பிறகு இந்தத் துப்பாக்கிச் சூடு சம்பவம் நடந்துள்ளது.

இந்தியா தக்க பதிலடி

‘ஆபரேஷன் சிந்தூர்’ பாகிஸ்தானின் பஹவல்பூரில் உள்ள ஜெய்ஷ்-இ-முகமது மற்றும் முரித்கேயில் உள்ள லஷ்கர்-இ-தொய்பா தீவிரவாதிகளை நிர்மூலம் செய்வதற்காக மேற்கொள்ளப்பட்டது. கடந்த மாதம் பஹல்காமில் நடந்த தீவிரவாதத் தாக்குதலுக்குப் பதிலடியாக இந்திய ராணுவம் இந்தத் தாக்குதலை நடத்தியது. ராணுவம் இதுபோன்ற ஒரு தாக்குதலை நடத்துவது இதுவே முதல் முறை.

'ஆபரேஷன் சிந்தூர்'- 9 தீவிரவாத முகாம்கள் அழிப்பு

இந்திய ராணுவம், கடற்படை மற்றும் விமானப்படை ஆகிய மூன்றும் இணைந்து பாகிஸ்தானுக்கு எதிராக முதல் முறையாக ஒரு பெரிய நடவடிக்கையை மேற்கொண்டன. 1971 போருக்குப் பிறகு மூன்று படைகளும் இணைந்து நடவடிக்கை எடுப்பது இதுவே முதல் முறை. 'ஆபரேஷன் சிந்தூர்' எனப் பெயரிடப்பட்ட இந்த இரவு நேர நடவடிக்கையில், பாகிஸ்தானில் உள்ள 9 தீவிரவாத முகாம்கள் குறிவைக்கப்பட்டு அழிக்கப்பட்டன.