கொடி பறக்குது.. தட்டி தூக்கிய காங்கிரஸ்.. மண்ணை கவ்விய பிஆர்எஸ், பாஜக

ஜூப்ளி ஹில்ஸ், நுவாபாடா இடைத்தேர்தல் வாக்கு எண்ணிக்கையில், ஜூப்ளி ஹில்ஸில் காங்கிரஸ் வேட்பாளர் நவீன் யாதவ் வெற்றி பெற்றுள்ளார். நுவாபாடா தொகுதியில் பாஜக வேட்பாளர் ஜெய் தோலகியா முன்னிலையில் உள்ளார்.

ஜூப்ளி ஹில்ஸ் (தெலுங்கானா) மற்றும் நுவாபாடா (ஒடிசா) இடைத்தேர்தலுக்கான வாக்கு எண்ணிக்கை இன்று நடைபெற்று வருகிறது. 

ஜூப்ளி ஹில்ஸில் காங்கிரஸ் கட்சியின் நவீன் யாதவ் அதிக வாக்குகள் வித்தியாசத்தில் முன்னிலை பெற்ற நிலையில், இறுதி முடிவில் மொத்தம் 24,729 வாக்குகள் முன்னிலையில் வெற்றி பெற்றுள்ளார். நுவாபாடாவில் பாஜக வேட்பாளர் ஜெய் தோலகியா தொடர்ந்து முன்னிலையில் உள்ளார். இரு மாநிலங்களிலும் நவம்பர் 11 அன்று வாக்குப்பதிவு நடந்தது.

ஜூப்ளி ஹில்ஸ் தொகுதியில் 48.47% வாக்குப்பதிவு நடந்துள்ளது. இதற்கு மாறாக நுவாபாடாவில் 83.45% என மிக அதிக வாக்குப்பதிவு பதிவாகியுள்ளது. மொத்தம் 2.53 லட்சத்திற்கும் அதிகமான வாக்காளர்கள் நுவாபாடாவில் வாக்களித்தனர். ஜூப்ளி ஹில்ஸ் குறைந்த வாக்குப்பதிவு இருந்தாலும், காங்கிரஸுக்கு வலுவான ஆதரவு கிடைத்துள்ளது.

ஜூப்ளி ஹில்ஸில் முக்கியமான போட்டி BRS வேட்பாளர் மாகந்தி சுனிதா கோபிநாத், BJP வேட்பாளர் லங்கா தீபக் ரெட்டி, காங்கிரஸ் வேட்பாளர் நவீன் யாதவ் ஆகியோருக்கு இடையே நடைபெற்றது. AIMIM கட்சியும் காங்கிரஸுக்கு இந்த தொகுதியில் ஆதரவு அளித்தது. 2023 தேர்தலில் BRS வேட்பாளர் மாகந்தி கோபிநாத் பெரிய வித்தியாசத்தில் வென்றிருந்தார். ஆனால் இந்த முறை அவரது மறைவைத் தொடர்ந்து நடந்த இடைத்தேர்தலில் இந்த மாற்றம் ஏற்பட்டது.

நுவாபாடாவில் பாஜக வேட்பாளர் ஜெய் தோலகியா, மறைந்த முன்னாள் அமைச்சர் ராஜேந்திர தோலகியாவின் மகன் என்பதால் அவருக்கு உணர்ச்சி அலையாக ஆதரவு பெற்றதாகக் கூறினார். BJD சார்பில் பெண்கள் பிரிவு தலைவி ஸ்நேஹாங்கினி சூர்யா போட்டியிட்டார். மொத்தம் 14 பேர் போட்டியிட்ட நிலையில், பாஜக முன்னிலையில் உள்ளது.

ஜூப்ளி ஹில்ஸ் தொகுதி BRS எம்எல்ஏ மாகந்தி கோபிநாத்தின் மறைவு காரணமாக காலியாகியது. நுவாபாடா தொகுதி பிஜேடி எம்எல்ஏ மற்றும் முன்னாள் அமைச்சர் ராஜேந்திர தோலகியா மரணம் காரணமாக இடையூறு ஏற்பட்டு, இத்தேர்தல் நடத்தப்பட்டது. இரு மாநிலங்களிலும் இந்த முடிவுகள், அங்கு நிலவும் அரசியல் போக்குகளுக்கான முக்கிய அறிகுறிகளாகக் கருதப்படுகின்றன.

ஜூப்ளி ஹில்ஸ்த் தொகுதி, ஹைதராபாத் மாவட்டத்தில் உள்ள சட்டப்பேரவை மற்றும் செக்கந்திராபாத் லோக்சபா தொகுதிக்குள் வருகிறது. கடந்த லோக்சபா தேர்தலில் BJP-வின் கிஷன் ரெட்டி 49,944 வாக்குகள் வித்தியாசத்தில் வெற்றி பெற்றிருந்தார். இந்த மாநில இடைத்தேர்தலில் காங்கிரஸ் பெரும்பான்மையுடன் வெற்றி பெறுவது, அரசியலில் புதிய மாற்றத்திற்கான அறிகுறியாக பார்க்கப்படுகிறது.