கர்நாடக அமைச்சர் சிவக்குமார் வீட்டில் 4-வது நாளாக ஐடி ரெய்டு

IT raid conitinues for 4th day in shivakumar house

கர்நாடக அமைச்சர் சிவக்குமார் வீட்டில் வருமான வரித்துறை அதிகாரிகள் இன்று 4-வது நாளாக சோதனை நடத்தி வருகின்றனர். நேற்றிரவு சோதனை முடிவதாக கூறப்பட்ட நிலையில் இன்றும் சோதனை நடத்தப்பட்டு வருகிறது.

குஜராத் காங்கிரஸ் எம்.எல்.ஏ.க்கள் பெங்களூருவில் தங்குவதற்கு அமைச்சர் சிவக்குமார் ஏற்பாடு செய்ததாக கூறப்படுகிறது. இந்த நிலையில், சிவக்குமாரின் வீடு உள்ளிட்ட 70-க்கும் மேற்பட்ட இடங்களில் வருமான வரித்துறையினர் சோதனை நடத்தினர்.

இந்த சோதனையின்போது பல கோடி ரூபாய், நகை மற்றும் சொத்து ஆவணங்கள் கைப்பற்றப்பட்டதாக தெரிகிறது. இந்த சோதனை, நேற்றிரவே முடிவதாக கூறப்பட்ட நிலையில் இன்று 4-வது நாளாகவும் அதிகாரிகள் தொடர்ந்து சோதனை நடத்தி வருகின்றனர்.

இந்த நிலையில், அமைச்சர் சிவக்குமாரின் உடல்நிலையைக் கருத்தில் கொண்டு சோதனையை விரைந்து முடிக்குமாறு அவரது சகோதரருரும், எம்.பி.யுமான டி.கே. சுரேஷ் கோரிக்கை விடுத்துள்ளார்.