Exit Poll Results 2026 Live : 2026 சட்டமன்றத் தேர்தலுக்கான எக்சிட் போல்கள் இன்று (ஏப்ரல் 29) மாலை 6.30 மணியளவில் வெளியாகின்றன. தமிழ்நாடு, கேரளா, அசாம், புதுச்சேரி மற்றும் மேற்கு வங்கம் ஆகிய 5 மாநிலங்களின் வாக்குப்பதிவு முடிவடைந்துள்ள நிலையில், தேர்தல் ஆணையத்தின் கட்டுப்பாடு நீங்கிய பிறகு இந்த கணிப்பு முடிவுகள் வெளியிடப்படுகின்றன.

10:29 AM (IST) Apr 29
மேற்கு வங்கத்தில் 294 தொகுதிகளுக்கான தேர்தல் இரண்டு கட்டங்களாக நடந்தது. இரண்டாவது கட்ட வாக்குப்பதிவு இன்று காலை 7 மணி முதல் மாலை 6 மணி வரை நடைபெறுகிறது. வரிசையில் உள்ள அனைவரும் வாக்களிக்க அனுமதி வழங்கப்படும். வாக்குப்பதிவு முடிந்ததும் சுமார் 7 மணியளவில் எக்சிட் போல்கள் வெளியாகும். தற்போது TMC 223 இடங்களுடன் ஆட்சியில் உள்ளது; BJP சுமார் 65 இடங்கள் பெற்றுள்ளது.
10:29 AM (IST) Apr 29
33 தொகுதிகளைக் கொண்ட புதுச்சேரியில் தேர்தல் ஏப்ரல் 9-ஆம் தேதி நடைபெற்றது. தற்போது AINRC-BJP கூட்டணி ஆட்சியில் உள்ளது. DMK-காங்கிரஸ் கூட்டணி எதிர்க்கட்சியாக உள்ளது. இங்கும் எக்சிட் போல்கள் மாலை 6 மணிக்கு மேல் வெளியாகும்.
09:12 AM (IST) Apr 29
அசாமில் 126 தொகுதிகளுக்கான தேர்தல் ஏப்ரல் 9-ஆம் தேதி நடந்தது. NDA கூட்டணி (BJP தலைமையில்) தற்போது 80 இடங்களுடன் ஆட்சியில் உள்ளது. காங்கிரஸ் கூட்டணி மற்றும் பிற கட்சிகள் மீதமுள்ள இடங்களை பிடித்துள்ளன. எக்சிட் போல்கள் மாலை 6 மணிக்கு மேல் வெளியாகும்.
09:12 AM (IST) Apr 29
கேரளாவில் 140 தொகுதிகளுக்கான வாக்குப்பதிவு ஏப்ரல் 9-ஆம் தேதி ஒரே கட்டமாக நடந்தது. எக்சிட் போல்கள் இன்று மாலை வெளியாகும் நிலையில், மே 4-ஆம் தேதி வாக்கு எண்ணிக்கை நடைபெறும். தற்போது எல்டிஎப் ஆட்சி 95 இடங்களுடன் உள்ளது. யுடிஎப் 42 இடங்களுடன் முக்கிய எதிர்க்கட்சியாக உள்ளது.
09:02 AM (IST) Apr 29
2026 சட்டமன்றத் தேர்தல்களின் எக்சிட் போல்கள் இன்று (ஏப்ரல் 29) வெளியாகின்றன. மேற்கு வங்கத்தின் இறுதி கட்ட வாக்குப்பதிவு மாலை முடிவடைந்ததும், தேர்தல் ஆணையத்தின் கட்டுப்பாடு நீங்கிய பிறகு சுமார் மாலை 6.30 மணிக்கு மேல் தேர்தலுக்கு பிந்தைய கருத்துக்கணிப்புகள் வெளியிடப்பட உள்ளன. தொலைக்காட்சி சேனல்கள், polling agency வலைத்தளங்கள் மற்றும் சமூக ஊடகங்களில் இதை நேரலையாக பார்க்கலாம். நமது ஏசியாநெட் செய்தி தளத்திலும் இதனை நீங்கள் காணலாம். உடனுக்குடன் எக்சிட் போல் (தேர்தலுக்கு பிந்தைய கருத்துக்கணிப்பு) முடிவுகளை தெரிந்து கொள்ளலாம்.