அடேங்கப்பா!.. உலகின் நீளமான சாலை இதுதான்.. மொத்தம் 30,600 கிமீ தூரமா!

உலகின் நீளமான சாலை சுமார் 30,600 கி.மீ நீளமுடையது ஆகும். இந்த சாலை 14 நாடுகளைக் கடந்து செல்கிறது. இதன் முழுப் பாதையையும் கடக்க 60 நாட்களுக்கு மேல் ஆகும்.

உலகின் நீளமான சாலை

இந்தியாவில் NH 44 (4,112 கி.மீ) நீளத்தில் நாட்டின் மிக நீளமான தேசிய நெடுஞ்சாலையாக இருந்தாலும், அது உலகின் மிகப்பெரிய சாலையுடன் ஒப்பிடும் போது மிகவும் சிறியது. உலகின் நீளமான சாலை என்று அழைக்கப்படும் பான்-அமெரிக்கன் ஹைவே சுமார் 30,600 கிலோமீட்டர் நீளமுடையது. இது வட அமெரிக்காவின் வடபகுதியிலிருந்து தென் அமெரிக்காவின் கடைசி முனை வரை பயணிக்கிறது.

14 நாடுகளை இணைக்கும் சாலை

இந்த நீளமான நெடுஞ்சாலை அலாஸ்காவின் பிருடோ பே (Prudhoe Bay) யில் தொடங்கி, அர்ஜென்டினாவின் உஷுயா (Ushuaia) வரை செல்கிறது. அதிகாரப்பூர்வமாக, இது அமெரிக்கா–மெக்சிகோ எல்லையில் உள்ள நுவோ லாரெடோவில் ஆரம்பமாகிறது. இதன் மூலம் வட அமெரிக்காவிலிருந்து தென் அமெரிக்கா வரை 14 நாடுகளை கடந்து செல்கிறது.

30,600 கிமீ சாலை

இந்த சாலையின் ஒரு தனிச்சிறப்பு என்னவெனில், ஆரம்பம் முதல் முடிவு வரை ஒரே நேராகவே செல்கிறது. இதில் ஒரு U-டர்ன் கூட இல்லை. சுமார் 19,000 மைல் நீளமுள்ள இந்த பாதையை முழுவதும் கடந்து செல்ல தினமும் 500 கி.மீ பயணித்தாலும், 60 நாட்களுக்கு மேல் ஆகும் என்று கணிக்கப்பட்டுள்ளது.

நீளமான ஹைவே

இந்த பான்-அமெரிக்கன் ஹைவே, கனடா, அமெரிக்கா, மெக்சிகோ, குவாட்டமாலா, எல் சால்வடார், ஹோண்டுராஸ், நிகராகுவா, கோஸ்டா ரிகா, பனாமா, கொலம்பியா, ஈக்வடோர், பெரு, சிலி, அர்ஜென்டினா ஆகிய 14 நாடுகள் வழியாக செல்கிறது. ஒவ்வொரு நாடும் தங்களுக்கான பகுதியை பராமரிக்கும் பொறுப்பை ஏற்றுள்ளன.

வரலாறு மற்றும் கட்டுமானம்

1920களில் இந்த சாலை உருவாக்கும் பணி தொடங்கியது. பல நாடுகளுக்கிடையே சுற்றுலா, வர்த்தகம், கலாச்சாரம் ஆகியவற்றை ஊக்குவிக்க இதை உருவாக்கினர். 1937ல் 14 நாடுகள் ஒப்பந்தம் செய்து பராமரிப்பில் ஈடுபட்டன. 1960ல் முழுமையாக பொதுப் பயன்பாட்டிற்கு திறக்கப்பட்டது. இன்று, உலகின் நீளமான நெடுஞ்சாலையாக பான்-அமெரிக்கன் ஹைவே சுற்றுலா பயணிகளுக்கும் ஆராய்ச்சியாளர்களுக்கும் வியப்பாக உள்ளது.