எலான் மஸ்க் தனது நிறுவன ஊழியர்களுக்கு சம்பளத்துடன் நிறுவனப் பங்குகளையும் வழங்கியுள்ளார். இந்த மாஸ்டர் பிளான் மூலம், SpaceX-ல் பணியாற்றிய சுத்திகரிப்பு தொழிலாளர்கள் முதல் வெல்டர்கள் வரை ஆயிரக்கணக்கானோர் இன்று மில்லியனர்களாக மாறியுள்ளனர்.
பொதுவாக ஒரு நிறுவனத்தில் வேலைக்கு சேர்ந்தால் மாதந்தோறும் சம்பளம் கிடைக்கும். சில நிறுவனங்களில் போனஸ் கிடைக்கும். ஆனால் உலகின் மிகப்பெரிய தொழிலதிபரான எலான் மஸ்க் வேற லெவல். "நிறுவனம் வளர்ந்தால், அதில் உழைக்கும் ஊழியர்களும் வளர வேண்டும்" என்ற கொள்கையில், தனது நிறுவன ஊழியர்களுக்கு சம்பளத்துடன் நிறுவன பங்குகளையும் வழங்கினார். இன்று அந்த முடிவு ஆயிரக்கணக்கான சாதாரண தொழிலாளர்களையே மில்லியனர்களாக மாற்றியுள்ளது. அதனால்தான் சமூக வலைதளங்களில் பலரும் ஜாலியாக, "வேலை இருந்தா சொல்லுங்கப்பா!" என்று பதிவிட்டு வருகின்றனர்.
28
தென்னாப்பிரிக்காவில் பிறந்து... உலகின் முதல் ட்ரில்லியனர்!
1971-ல் தென்னாப்பிரிக்காவின் பிரிட்டோரியாவில் பிறந்த எலான் மஸ்க், சாதாரண குடும்பத்தில் இருந்து உலகின் மிகப்பெரிய தொழில்முனைவோராக உயர்ந்துள்ளார். Zip2, PayPal, Tesla, SpaceX, xAI, Neuralink என தொடர்ந்து உலகையே மாற்றும் நிறுவனங்களை உருவாக்கினார். சமீபத்தில் SpaceX பங்குச் சந்தையில் பட்டியலானதைத் தொடர்ந்து, அவரது சொத்து மதிப்பு 1 ட்ரில்லியன் அமெரிக்க டாலரைத் தாண்டி (இந்திய மதிப்பில் சுமார் ₹86 லட்சம் கோடி) உலகின் முதல் ட்ரில்லியனர் என்ற சாதனையை படைத்துள்ளார்.
பல நிறுவனங்களில் உயரதிகாரிகளுக்கு மட்டுமே பங்குகள் வழங்கப்படுகின்றன. ஆனால் எலான் மஸ்க் தனது நிறுவன வளர்ச்சியில் பங்காற்றிய ஆயிரக்கணக்கான ஊழியர்களுக்கு Stock Options வழங்கினார். நிறுவனம் வளர வளர, அந்த பங்குகளின் மதிப்பும் பல மடங்கு உயர்ந்தது. இதனால் சம்பளம் வாங்கிய அதே ஊழியர்கள், இன்று கோடிக்கணக்கான சொத்துகளுக்கு உரிமையாளர்களாக மாறியுள்ளனர்.
சுத்திகரிப்பு தொழிலாளி முதல் வெல்டர் வரை... எல்லோரும் மில்லியனர்கள்!
SpaceX நிறுவனத்தில் பணியாற்றிய தற்போதைய மற்றும் முன்னாள் ஊழியர்கள் சேர்த்து 4,400-க்கும் மேற்பட்டோர் இன்று மில்லியனர்களாகியுள்ளனர். இவர்களில் சுமார் 400 பேரின் பங்கு மதிப்பு 100 மில்லியன் டாலருக்கும் அதிகமாக இருப்பதாக தகவல்கள் தெரிவிக்கின்றன. சுத்திகரிப்பு பணியாளர்கள், வெல்டர்கள், இயந்திர பராமரிப்பு ஊழியர்கள், தொழில்நுட்ப வல்லுநர்கள் என பலரும் நிறுவனத்தின் வளர்ச்சியால் நேரடியாக செல்வந்தர்களாகியுள்ளனர்.
58
ஒரு பங்கு... வாழ்க்கையையே மாற்றிவிட்டது!
சில ஊழியர்கள் ஆரம்ப காலத்திலேயே பெற்ற பங்குகளின் மதிப்பு, இன்று பல கோடி ரூபாயாக உயர்ந்துள்ளது. மணிக்கு சாதாரண ஊதியத்தில் வேலை பார்த்தவர்களே, இன்று பங்கு மதிப்பால் நிதி சுதந்திரம் பெற்றுள்ளனர். ஒரு நிறுவனத்தின் வெற்றி, அதில் உழைத்தவர்களின் வெற்றியாகவும் மாற வேண்டும் என்பதற்கு SpaceX சிறந்த எடுத்துக்காட்டாக உள்ளது.
68
இந்திய முதலாளிகளும் கற்றுக்கொள்ள வேண்டிய பாடம்!
இந்தியாவில் பல பெரிய நிறுவனங்கள் ஆண்டுதோறும் ஆயிரக்கணக்கான கோடி ரூபாய் லாபம் ஈட்டுகின்றன. ஆனால் அந்த வளர்ச்சியின் பலன் அனைத்து ஊழியர்களையும் சமமாக சென்றடைகிறதா என்ற கேள்வி எழுகிறது. எலான் மஸ்கின் அணுகுமுறை, "ஊழியர்கள் செலவு அல்ல; நிறுவனத்தின் உண்மையான சொத்து" என்பதை உலகுக்கு மீண்டும் நினைவூட்டியுள்ளது.
78
"வேலை இருந்தா சொல்லுங்கப்பா!" – ஏன் இந்த வசனம் வைரலாகிறது?
சம்பளம் வாங்கி வாழ்க்கையை நடத்துவது ஒரு விஷயம். அதே வேலையால் கோடிக்கணக்கான சொத்து சேர்ப்பது வேறு விஷயம். SpaceX ஊழியர்களின் வெற்றிக் கதைகளைப் பார்த்த பிறகு, சமூக வலைதளங்களில் பலரும் நகைச்சுவையாக, "எலான் மஸ்க் கம்பெனியில் வேலை இருந்தா சொல்லுங்கப்பா!" என்று பதிவிட்டு வருகின்றனர். அந்த ஒரு வரி நகைச்சுவையாக இருந்தாலும், அதன் பின்னால் ஒரு பெரிய உண்மை இருக்கிறது.
88
உயர்ந்து நிற்கும் எலான் மஸ்க்
எலான் மஸ்க் இன்று உலகின் முதல் ட்ரில்லியனராக உயர்ந்திருக்கலாம். ஆனால் அவரை மற்ற தொழிலதிபர்களிடமிருந்து வேறுபடுத்தியது அவரது சொத்து மதிப்பு மட்டுமல்ல; தனது வெற்றியை ஆயிரக்கணக்கான ஊழியர்களுடனும் பகிர்ந்து கொண்ட மனப்பான்மையே. ஒரு நல்ல முதலாளி, லாபத்தை மட்டும் சம்பாதிப்பதில்லை; தன்னுடன் உழைப்பவர்களின் வாழ்க்கையையும் உயர்த்துவார் என்பதை எலான் மஸ்க் உலகிற்கு நிரூபித்துள்ளார்.
