ஐபோனை தூக்கி அடிக்கும் சாம்சங்! கேலக்ஸி S25 FE பட்டைய கிளப்பப் போகுது!

சாம்சங் கேலக்ஸி S25 FE செப்டம்பர் 4 அன்று வெளியாகிறது. மேம்படுத்தப்பட்ட கேமரா, பேட்டரி மற்றும் செயல்திறனுடன் வருகிறது. விலை சுமார் ரூ. 57,000-லிருந்து தொடங்கும் என எதிர்பார்க்கப்படுகிறது.

சாம்சங் கேலக்ஸி S25 FE ரிலீஸ் எப்போது?

சாம்சங் கேலக்ஸி S25 FE, இந்தியாவில் மற்றும் உலகம் முழுவதும் செப்டம்பர் 4 அன்று அறிமுகமாகிறது. இது ஆப்பிள் நிறுவனத்தின் ஐபோன் 17 தொடர் அறிமுகத்திற்கு சில நாட்களுக்கு முன்னதாகவே வெளிவருகிறது. ஆண்ட்ராய்டு ஹெட்லைன்ஸ் வெளியிட்ட சில தகவல்களின்படி, இந்த புதிய போனின் சில முக்கிய அம்சங்கள் ஏற்கனவே கசிந்துள்ளன.

டிஸ்பிளே, கேமரா

6.7 அங்குல டைனமிக் AMOLED 2X திரை, 120Hz புதுப்பிப்பு வீதம், 1080 x 2340 பிக்சல்கள் தீர்மானம் மற்றும் கார்னிங் கொரில்லா கிளாஸ் விக்டஸ் பாதுகாப்புடன் வரும் என எதிர்பார்க்கப்படுகிறது.

கேமரா: ட்ரிபிள் கேமரா அமைப்பு இதில் இருக்கலாம். 50MP பிரதான சென்சார், 8MP 3x டெலிஃபோட்டோ லென்ஸ் மற்றும் 12MP அல்ட்ரா-வைட்-ஆங்கிள் லென்ஸ் ஆகியவை இதில் இடம்பெறும். செல்ஃபிக்காக, 10MP-க்கு பதிலாக 12MP முன்பக்க கேமரா வழங்கப்படும் என எதிர்பார்க்கப்படுகிறது.

பேட்டரி, செயல்திறன்

கேலக்ஸி S24 FE-ஐ விட சற்றே பெரிய பேட்டரி (4,900mAh) இதில் இருக்கலாம். மேலும், இதன் சார்ஜிங் வேகம் 25W-லிருந்து 45W-ஆக அதிகரிக்கும். 15W வயர்லெஸ் சார்ஜிங்கும் ஆதரிக்கப்படும்.

இந்த புதிய ஸ்மார்ட்போனில் Exynos 2400 சிப்செட் பயன்படுத்தப்படலாம். இது முந்தைய S24 FE-ஐ விட சிறந்த செயல்திறனை அளிக்கும். 8GB RAM உடன் 128GB மற்றும் 256GB என இரண்டு சேமிப்பக வகைகளில் இது கிடைக்கும்.

விலை எவ்வளவு?

ஆண்ட்ராய்டு 16-ஐ அடிப்படையாகக் கொண்ட One UI 8-இல் இந்த போன் இயங்கும். சாம்சங் நிறுவனம் 7 வருட OS மற்றும் பாதுகாப்பு புதுப்பிப்புகளை வழங்குவதாக உறுதியளித்துள்ளது.

ஆண்ட்ராய்டு ஹெட்லைன்ஸ் தகவலின்படி, கேலக்ஸி S25 FE-இன் ஆரம்ப விலை $649.99 (தோராயமாக ரூ. 57,000) ஆக இருக்கலாம். 256GB மாடலின் விலை $709.99 (தோராயமாக ரூ. 62,000) ஆக இருக்கும் என எதிர்பார்க்கப்படுகிறது. எனினும், இந்தியாவின் விலை பிற நாடுகளிலிருந்து சற்று மாறுபடலாம். உதாரணமாக, கேலக்ஸி S24 FE இந்தியாவில் ரூ. 59,999 மற்றும் ரூ. 65,999 என அறிமுகப்படுத்தப்பட்டது.