கூட்டம் அலைமோதுகிறது... ஓட்டு விழுமா? விஜய்யின் அரசியல் எதிர்காலத்தைத் தீர்மானிக்கும் 2026 தேர்தல்!

Impact of Vijay TVK on DMK AIADMK votes : தமிழக வெற்றிக் கழகத்தின் தலைவர் விஜய், 2026 சட்டமன்றத் தேர்தலில் மிகப்பெரிய தாக்கத்தை ஏற்படுத்துவார் என எதிர்பார்க்கப்படுகிறது. பிரம்மாண்டமான அவரது பொதுக்கூட்டக் கூட்டம் வாக்குகளாக மாறுமா? விரிவான அலசல்

கூட்டம் அலைமோதுகிறது... ஓட்டு விழுமா?

தமிழகத்தில் 2026 சட்டமன்றத் தேர்தல் களம் சூடுபிடித்துள்ள நிலையில், நடிகர் விஜய்யின் தமிழக வெற்றிக் கழகம் (TVK) மிகப்பெரிய எதிர்பார்ப்பை ஏற்படுத்தியுள்ளது. விஜய் பிரச்சாரம் மேற்கொள்ளும் இடமெல்லாம் ரசிகர்களின் கூட்டம் கடல் அலையாக நிரம்புகிறது. வழிநெடுகிலும் ரசிகர்களும் சரி, தொண்டர்களும் சரி மாலை மரியாதை என்று வரவேற்பு கொடுத்து வருகின்றனர். தொண்டர்களின் வரவேற்பை சின்ன குழந்தையாக சிரித்துக் கொண்டே ஏற்றுக் கொள்ளும் ஒருதலைவரை பார்க்க கண்கொள்ளாக் காட்சியாக இருக்கிறது என்று சோஷியல் மீடியா பக்கம் சென்றாலே அவரது புகழ் பரவிக் கொண்டே இருக்கிறது. ஆனால், ரசிகர்கள், தொண்டர்களின் இந்த கூட்டம் வாக்காக மாறுமா? என்ற கேள்வியை ஒவ்வொருவரும் முன் வைத்து வருகின்றனர்.

தற்போதைய அரசியல் சூழல் (Ground Reality 2026):

கூட்டம் vs வாக்கு:

விஜய்யின் பொதுக்கூட்டங்கள் மற்றும் வேட்புமனுத் தாக்கலின் போது திரளும் இளைஞர் கூட்டம் மிகப்பெரியது. ஆனால், அரசியல் வல்லுநர்களின் கருத்துப்படி, "ரசிகர் கூட்டம்" என்பது வேறு, "வாக்காளர் கூட்டம்" என்பது வேறு. சினிமா செல்வாக்கை அரசியல் வெற்றியாக மாற்றிய எம்.ஜி.ஆர், ஜெயலலிதா வரிசையில் விஜய் இணைவாரா என்பதுதான் இப்போதைய மில்லியன் டாலர் கேள்வி.

கருத்துக் கணிப்புகள் (Opinion Polls):

2026 தேர்தலுக்கான ஆரம்பகட்ட கணிப்புகளின்படி, தவெக சுமார் 15% முதல் 20% வரை வாக்கு சதவீதத்தைப் பெற வாய்ப்புள்ளதாகக் கூறப்படுகிறது. இது ஆளுங்கட்சியான திமுக மற்றும் பிரதான எதிர்க்கட்சியான அதிமுக-வின் வாக்கு வங்கியில் பெரிய பாதிப்பை ஏற்படுத்தலாம்.

முனைப்புப் போட்டி:

தற்போது திமுக, அதிமுக-பாஜக கூட்டணி மற்றும் விஜய் எனத் தமிழகத் தேர்தல் களம் ஒரு மும்முனைப் போட்டியாக (3-Way Battle) உருவெடுத்துள்ளது.

இளைஞர்கள் மற்றும் முதல்முறை வாக்காளர்கள்:

விஜய்யின் மிகப்பெரிய பலம் 18-30 வயதுடைய இளைஞர்கள். இந்த வாக்குகள் சிதறாமல் விழுந்தால், பல தொகுதிகளில் வெற்றி-தோல்வியைத் தீர்மானிக்கும் சக்தியாக விஜய் உருவெடுப்பார் என்று எதிர்பார்க்கப்படுகிறது.

ஆளுங்கட்சி திமுக

தற்போது ஆளுங்கட்சியாக இருக்கும் திமுக, தனது ஆட்சியைத் தக்கவைத்துக்கொள்ள 'ஸ்டாலின் மீண்டும்' என்ற இலக்குடன் களம் காண்கிறது. இதுவரை திமுக தனது பழைய கூட்டணிக் கட்சிகளான காங்கிரஸ், விசிக, இடதுசாரிகள் ஆகியவற்றைத் தக்கவைத்துள்ளது. "மக்களுடன் நாம்" என்ற அடிப்படையில் களப்பணிகளை முடுக்கிவிட்டுள்ளது.

வாரிசு அரசியல் பிம்பம்: உதயநிதி ஸ்டாலின் துணை முதலமைச்சராகப் பதவியேற்ற பிறகு, கட்சியின் அடுத்தகட்டத் தலைமை உறுதியாகியுள்ளது. இது தொண்டர்களிடையே உற்சாகத்தைத் தந்தாலும், எதிர்க்கட்சிகளின் விமர்சனங்களுக்குப் பதிலளிக்க வேண்டிய கட்டாயத்தில் உள்ளது.

திட்டங்கள்: 'மகளிர் உரிமைத் தொகை', 'முதலமைச்சரின் காலை உணவுத் திட்டம்' போன்ற மக்கள் நலத் திட்டங்களே தங்களின் வெற்றிக்கு வித்தாக அமையும் என திமுக நம்புகிறது.

எடப்பாடி பழனிசாமியின் அதிமுக கூட்டணி கட்சி

பாஜக. டிடிவி, அன்புமணி ராமதாஸ் உடன் கூட்டணி வைத்து சட்டமன்ற தேர்தலை எதிர்கொள்ளும் அதிமுக சட்டம் ஒழுங்கு பிரச்சனை, போதைப்பொருள் புழக்கம் மற்றும் ஆளுங்கட்சி மீதான அதிருப்தியைத் தனது பிரச்சாரத்தின் முக்கிய ஆயுதமாக கையில் எடுத்து தங்களது பிரச்சாரத்தை மேற்கொண்டு வருகிறது. எந்த தேர்தலிலும் இல்லாத திருப்பமாக 2026 சட்டமன்ற தேர்தல் இருக்கும் என்று எதிர்பார்க்கப்படுகிறது.