Chanakya Niti: வாழ்வில் வெற்றி பெற வேண்டுமா? சாணக்கியர் கூறும் 5 முக்கிய நீதிகள் என்ன தெரியுமா?

அனைவருக்குமே வாழ்க்கையில் வெற்றி பெற வேண்டும் என்ற எண்ணம் இருக்கும். ஆனால் அதற்கான வழிகள் பலருக்கும் தெரிவதில்லை. வாழ்வில் வெற்றிபெற வேண்டுமானால் சாணக்கியர் கூறும் 5 நீதிகள் குறித்து இந்த பதிவில் பார்க்கலாம்.

சாணக்கிய நீதி என்ன சொல்கிறது?

நிறைந்த குடம் தளும்பாது. இந்தப் பழமொழியைச் சிறு வயதிலேயே கேட்டிருப்போம். அதாவது, எல்லாம் தெரிந்தவர்கள் நிறைந்த குடம் போல அமைதியாக இருப்பார்கள். முழுமையாகத் தெரியாதவர்கள் தங்களுக்குத் தெரிந்தது போல பில்டப் கொடுப்பார்கள் என்பது இதன் பொருள். சிறு வயதில் பள்ளியில் ஆசிரியர்கள், வீட்டில் பெற்றோர்கள் நமக்கு இதைச் சொல்லிக் கொடுத்தார்கள். உங்களுக்கு ஏதாவது தெரிந்தால், அதை எல்லோரிடமும் சொல்ல வேண்டிய அவசியமில்லை. நிறைந்த குடம் போல இருக்க வேண்டும் என்று சொல்லி வந்தார்கள். ஆனால், இன்றைய காலகட்டத்தில் இந்தப் பழமொழி எந்த அளவுக்குப் பொருந்தும் என்று சாணக்கியர் சொல்லியிருக்கிறார். இன்றைய காலகட்டத்தில் உங்களுக்கு ஏதாவது தெரிந்தால், உங்களிடம் திறமை இருந்தால், அதை நீங்களே சொல்லிக் கொள்ள வேண்டும். இல்லையெனில், அந்த விஷயம் உங்களுக்குத் தெரியும் என்பதே யாருக்கும் தெரியாது. சாணக்கியர் தனது சாணக்கிய நீதியில் குறிப்பிட்டுள்ளபடி, மனிதர்கள் எப்படி இருக்க வேண்டும்? எப்படி இருந்தால் என்னென்ன விதிகளைப் பின்பற்ற வேண்டும் என்பதை இப்போது தெரிந்து கொள்வோம்.

1. மரியாதை பெற நல்லவராக இருந்தால் மட்டும் போதாது

ஒரு காலத்தில் நல்லவர்களாக இருந்தால் போதும், அவர்கள் விரும்பிய மரியாதை அவர்களுக்குக் கிடைக்கும். ஆனால், இப்போது நல்லவர்களின் வரையறை மாறிவிட்டது. மற்றவர்களிடம் நேர்மையாக இருப்பது, தாராளமாக இருப்பது, மற்றவர்களுக்கு எப்போதும் உதவி செய்வது போதாது. முதலில் நமக்கு நாமே உதவி செய்ய வேண்டும். நம்மை நாம் நேசிக்க வேண்டும். நம்மிடம் நாம் நேர்மையாக இருக்க வேண்டும். முதலில் நம்மை நாமே மதித்தால், உலகம் உங்களை மதிக்கும்.

2. மற்றவர்களின் பொறுப்புக்களை சுமக்காதீர்கள்

எல்லாரும் உங்களை கட்டுப்படுத்த அனுமதிக்க கூடாது.  அப்படி இருந்தால், மற்றவர்களுக்குக் கீழ்ப்படிய வேண்டிய சூழல் அதிகம் ஏற்படும் என்று சாணக்கியர் கூறுகிறார். பலர் தங்கள் மீதுள்ள சுமையை உங்கள் மீது சுமத்த வாய்ப்புள்ளது. மற்றவர்களின் சுமையை, பொறுப்புகளை உங்கள் தலையில் சுமத்த அனுமதிக்க கூடாது. அப்படியென்றால் மற்றவர்களுக்கு உதவி செய்யாமல் இருக்க வேண்டும் என்று சொல்லவில்லை. உங்களால் முடிந்த உதவியை மட்டும் செய்யுங்கள். முழுப் பொறுப்பையும் ஏற்காதீர்கள். நீங்கள் அவர்களின் பொறுப்புகளைச் சுமக்கத் தொடங்கினால், அவர்கள் உங்களைத் தேவைக்காகப் பயன்படுத்திக் கொள்வார்கள்.

3. உங்கள் நலன்களைப் பற்றி சிந்தியுங்கள்

எப்போதும் முதலில் உங்கள் நலனைப் பற்றிச் சிந்தியுங்கள். உங்களுக்கு எந்தப் பயனும் இல்லாத ஒரு செயலைச் செய்து, அதன் மூலம் மற்றவர்களுக்குத் தீங்கு விளைவிப்பது மிகப் பெரிய தவறு. ஆனால், உங்கள் நலன் கருதி யாராவது பாதிக்கப்பட்டால், அதைப் பற்றிச் சிந்தித்து நேரத்தை வீணடிக்க வேண்டியதில்லை.

4.மற்றவர்களை மகிழ்விக்க முயற்சிப்பதை நிறுத்துங்கள்

நீங்கள் ஏன் மற்றவர்களை மகிழ்விக்க வேண்டும்? உங்கள் மகிழ்ச்சியைப் பற்றிச் சிந்தியுங்கள். நீங்கள் மகிழ்ச்சியாக இருந்தால், உங்களைச் சுற்றியுள்ளவர்களை மகிழ்ச்சியாக வைத்திருக்க முடியும். நீங்கள் எவ்வளவு நல்லது செய்தாலும், மக்கள் உங்களிடமிருந்து எதிர்பார்ப்பது ஒருபோதும் குறையாது என்பதைப் புரிந்து கொள்ளுங்கள். நீங்கள் 7 படிகள் தாண்டினால், மக்கள் உங்களை 10 வது படியில் ஏறச் சொல்வார்கள். எனவே உங்களை மகிழ்விக்கும் செயலைச் செய்யுங்கள்.

5.உங்கள் உரிமைகளுக்காகப் பேசுங்கள்

இன்றைய காலகட்டத்தில் யாராவது தங்கள் வேலையை விட்டுவிட்டு மற்றவர்களின் உரிமைகளுக்காகப் போராடுவார்கள் என்று நினைத்தால் அது தவறு. யாருக்காகவும் யாரும் வர மாட்டார்கள். எனவே, உங்கள் உரிமைகளுக்காக நீங்களே போராட வேண்டும். உங்களை ஒருபோதும் பலவீனமாக நினைக்காதீர்கள். ஏனென்றால், அடிக்கடி தங்களைப் பலவீனமாக நினைத்துத் தங்களுக்காக நிற்க முடியாதவர்களுக்கு எந்த உரிமையும் இல்லை. யாரோ ஒருவர் அந்த உரிமைகளைப் பறித்துக் கொள்வார்கள். எனவே, உங்களுக்காக நீங்கள் நில்லுங்கள்.