Reincarnation : மறுபிறவிச் சுழற்சியில் இருந்து விடுபட்டு முக்தி அல்லது மோட்சம் அடைவதற்கான 5 முக்கிய ஆன்மீக மற்றும் மனரீதியான அறிகுறிகள் என்னவென்று பார்ப்போம்.
யாராவது உங்களை ஏமாற்றினாலும், துரோகம் செய்தாலும் அல்லது அவமானப்படுத்தினாலும், அவர்களுக்குப் பதிலடி கொடுக்காமல் அமைதியாக விலகிச் செல்கிறீர்கள். “அவரவர் செய்த செயலுக்கான பலனை அவர்களே அனுபவிப்பார்கள்” என்று நினைத்து மன்னித்துவிடுகிறீர்கள். இப்படிப் பழிவாங்கும் எண்ணம் இல்லாமல் மன்னிக்கும் மனம் கொண்டவர்களின் கர்மக் கணக்கு முடிவுக்கு வருவதாகக் கூறப்படுகிறது. கர்மக் கணக்கு முடிந்துவிட்டால், மறுபிறவி தேவையில்லை என்ற நம்பிக்கையும் உள்ளது.
உலக விஷயங்கள், அரட்டைகள், பார்ட்டிகள் போன்றவற்றின் மீது உங்கள் ஆர்வம் குறைந்துவிடும். அதே நேரத்தில், நீங்கள் தனிமையில் இருக்கும்போது ஆழ்ந்த அமைதியையும், அளவில்லாத மகிழ்ச்சியையும் உணர்வீர்கள். உங்களுக்கு நீங்களே பேசத் தொடங்கினால், உங்கள் ஆன்மா உலக மாயையிலிருந்து விடுபடுகிறது என்று அர்த்தம்.
வாழ்க்கையில் பெரிய இன்பம் வரும்போது அதிகம் மகிழாமலும், பெரிய நஷ்டம் அல்லது துக்கம் வரும்போது துவண்டு போகாமலும் இருப்பீர்கள். எல்லாவற்றையும் சமமாக ஏற்கும் மனநிலை (சமசித்தம்) வந்துவிட்டால், நீங்கள் உலக பந்தங்களிலிருந்து விடுபட்டுவிட்டீர்கள் என்று அர்த்தம். இந்த பக்குவமே மறுபிறவி இல்லாத நிலையின் முக்கிய அறிகுறியாகும்.
புதிய கார் வாங்க வேண்டும், பெரிய பங்களா கட்ட வேண்டும், பெரிய ஆளாக வேண்டும் போன்ற உலக ஆசைகள் உங்களுக்குள் தானாகவே அழிந்துவிடும். பேராசை இல்லாமல், தேவைகளை மட்டும் பூர்த்தி செய்யும் எளிமையான வாழ்க்கை உங்களுக்குப் பிடித்துப்போகும். ஆசைகள் குறைந்து, எதன் மீதும் பற்றில்லாத மனநிலை வளரும்.
மனிதர்களை விட செடி, கொடி, பறவைகள், விலங்குகள் மீது உங்களுக்கு அளவற்ற அன்பு உருவாகும். ஒரு எறும்பைக் கூட மிதிக்க மனம் வராத அளவுக்கு ஜீவகாருண்யம் உங்களுக்குள் பிறக்கும். எல்லாவற்றிலும் கடவுளைக் காணும் இந்த உயர்நிலை, உங்கள் ஆன்மா தூய்மையடைந்து பிரபஞ்சத்துடன் கலக்கத் தயாராக இருப்பதைக் காட்டும் முக்கிய அறிகுறியாகும்.
