பணத்தை பெரிதாக நினைக்காமல் தியாக வாழ்க்கை வாழும் ஸ்டாலின்- உதயநிதி..! நெஞ்சு புடைக்க புகழும் கருணாஸ்..!
அவர் எதைச் சார்ந்து வருகிறார், எந்த உள்நோக்கத்துடன் வருகிறார். 200 கோடியை இழந்து நான் வருகிறேன் என்றால் நான் சொல்கிறேன் 2 லட்சம் கோடி சம்பாதிப்பதற்காக வருகிறார் விஜய்.
‘‘நீங்கள் வாழ்க்கையில் ஏதாவது பாவம் செய்ய வேண்டும் என நினைத்தீர்கள் என்றால் பாஜகவுக்கு ஓட்டு போடுங்கள்’’ எனத் தெரிவித்துள்ளார் நடிகரும், அரசியல்வாதியுமான கருணாஸ்.
இதுகுறித்து பேசிய அவர், ‘‘நமக்கு மோடி சொந்தக்காரன் எல்லாம் கிடையாது. அவர் எந்த ஊர்க்காரர் என்பது தெரியாது. அவர் பேசுவது நமக்கு புரியாது. நான் பேசுவது அந்தாளுக்கும் புரியாது. ஆகையால் இங்கு பிரச்சனை எதுவுமே கிடையாது. எனக்கு நீங்கள் முக்கியம் என்று நான் நினைக்கிறேன். நான் சாப்பிட்டது, போட்டிருக்கிற சட்டை முதற்கொண்டு நான் நடித்து, பாடி அதன் மூலம் கிடைத்த காசு. அப்போ அந்த காசை கொடுத்தது நீங்கள் தானே. அதற்காகச் சொல்கிறேன். அது என்னைப் போன்ற சின்ன நடிகனுக்கு இருக்கிறது. 200 கோடி சம்பளம் வாங்குகின்ற பெரிய நடிகருக்கு இருக்க வேண்டும் அல்லவா? அந்த உணர்வு இருக்க வேண்டும். இன்றைக்கு அந்த சித்தாந்தத்திற்கு எதிராகவே, தமிழர்களுக்கு எதிராகவே, தமிழர்களுக்கு கொள்கைக்கு எதிராகவே ஒரு மக்களால் உருவாக்கப்பட்ட, மக்களால் வளர்ந்த தன்னை இந்த நிலைமைக்கு கொண்டு வந்த பிறகு எல்லோரும் சொல்லிக் கொள்கிறார்கள்.