சமையலறையின் சூப்பர் ஹீரோவாக இருப்பது குக்கர். இன்றைய வேகமான வாழ்க்கையில், குக்கர் ஒரு அத்தியாவசிய சமையலறை பொருள். இது நேரத்தையும் எரிபொருளையும் மிச்சப்படுத்தினாலும், சின்ன சின்ன தவறு செய்யும் உயிர் பறிபோகும்.
இன்றைய பிஸியான லைஃப்ஸ்டைலில், பிரஷர் குக்கர் இல்லாத கிச்சனே இருக்க முடியாது. சமையல் நேரத்தைக் குறைத்தாலும், சின்ன கவனக்குறைவு பெரிய விபத்துக்கு வழிவகுக்கும். குக்கர் வெடிப்பதற்கான காரணங்களை ஆராய்ந்தால், நாம் செய்யும் சில பொதுவான தவறுகளே காரணம் என்பது புரியும். அந்த ஆபத்துகளிலிருந்து தப்பிக்க, நீங்கள் பின்பற்ற வேண்டிய 5 முக்கிய விஷயங்கள் என்ன என்பதை பார்ப்போம்.
26
குக்கரை முழுவதுமாக நிரப்பக்கூடாது
நிறைய பேர் சாப்பாடு சீக்கிரம் வேக வேண்டும் என்பதற்காக, குக்கர் முழுவதும் உணவுப் பொருட்களை நிரப்பிவிடுவார்கள். ஆனால், குக்கரின் கொள்ளளவில் மூன்றில் இரண்டு பங்குக்கு மேல் ஒருபோதும் நிரப்பக் கூடாது. குறிப்பாக, பருப்பு மற்றும் அரிசி வேகும்போது பொங்கி வரும். எனவே, அவற்றை பாதி அளவு மட்டுமே நிரப்புவது பாதுகாப்பானது.
36
தண்ணீரின் அளவு
குக்கரில் தேவையான அளவு தண்ணீர் இல்லாமல் சமைப்பது மிகவும் ஆபத்தானது. தண்ணீர் இல்லை என்றால், குக்கரின் அடிப்பகுதி அதிக சூடாகி, 'சேஃப்டி வால்வ்' வெடிக்கக் காரணமாகிவிடும். எனவே, நீங்கள் சமைக்கும் பொருளுக்கு ஏற்ப சரியான அளவில் தண்ணீர் ஊற்ற வேண்டும்.
குக்கர் மூடியில் உள்ள ரப்பர் கேஸ்கட் தளர்வாகவோ அல்லது விரிசல் விட்டிருந்தாலோ, உடனடியாக அதை மாற்றிவிட வேண்டும். சரியில்லாத கேஸ்கட் பயன்படுத்தினால், நீராவி பக்கவாட்டில் கசிந்து, உள்ளே சரியான அழுத்தம் உருவாகாது. இது பெரிய ஆபத்தில் முடியலாம்.
56
அவசரமாக மூடியைத் திறக்காதீர்கள்
குக்கரில் உள்ள பிரஷர் முழுவதுமாக குறையும் முன், மூடியை அவசரமாக திறக்க முயற்சிக்காதீர்கள். சமையல் முடிந்த பிறகு மூடியைத் திறக்க வேண்டாம். விசில் எடுத்த பிறகும், உள்ளே சிறிதளவு நீராவி இருக்கலாம். அழுத்தம் முழுமையாகக் குறைந்ததை உறுதி செய்த பிறகே மூடியைத் திறக்க வேண்டும். இந்த ஐந்து முன்னெச்சரிக்கை நடவடிக்கைகளைப் பின்பற்றி, உங்கள் சமையலறையைப் பாதுகாப்பாக வைத்திருங்கள்.
66
வென்ட் பைப் சுத்தம்
குக்கர் மூடியின் மேல் இருக்கும் வென்ட் பைப்பை (விசிலுக்கு அடியில் உள்ள துவாரம்) எப்போதும் சுத்தமாக வைத்திருக்க வேண்டும். அதில் உணவுத் துகள்கள் சிக்கிக்கொண்டால், உள்ளே உருவாகும் நீராவி வெளியேற முடியாது. இதனால், உள்ளே அதிக அழுத்தம் ஏற்பட்டு குக்கர் வெடிக்கும் அபாயம் உள்ளது.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
