Clothes Care : சோப்பு தூளா? லிக்விட் டிடர்ஜென்ட்டா?.. எந்த துணிக்கு எது சிறந்தது தெரியுமா?

Clothes Care : வெள்ளை துணிகள், எண்ணெய் கறைகள், நிறமுள்ள ஆடைகள் என ஒவ்வொரு வகைக்கும் தனித்தனி டிடர்ஜென்ட் பயன்படுத்த வேண்டிய அவசியம் தற்போது அதிகமாக பேசப்படுகிறது.

வாஷிங் மெஷின் டிப்ஸ்

வீட்டில் துணி துவைப்பது இன்று அன்றாட வாழ்க்கையின் தவிர்க்க முடியாத பணியாக உள்ளது. ஆனால் சந்தையில் பலவிதமான சலவைத் தூள் மற்றும் திரவ சோப்புகள் வந்துள்ளதால், எந்த வகை வாஷிங் மெஷினுக்கு எதைப் பயன்படுத்த வேண்டும் என்ற குழப்பம் பலரிடமும் காணப்படுகிறது. குறிப்பாக முழு ஆட்டோமேட்டிக் வாஷிங் மெஷின்களில் சாதாரண கைத்துவைப்பு சோப்பு தூளை பயன்படுத்துவது ஆபத்தை ஏற்படுத்தும் என நிபுணர்கள் எச்சரிக்கின்றனர்.

சோப்புத் தூள்

பொதுவாக கைகளால் துணி துவைக்க பயன்படும் சோப்பு தூள்களில் அதிக நுரை உருவாகும் தன்மை காணப்படும். இந்த நுரை துணிகளில் இருக்கும் அழுக்குகளை எளிதாக அகற்ற உதவுகிறது. ஆனால் இதே தூளை முழு ஆட்டோமேட்டிக் சலவை இயந்திரங்களில் பயன்படுத்தப்படும் போது, ​​அதிக நுரை இயந்திரத்தின் உள்ளக குழாய்கள் மற்றும் மின்சார அமைப்புகளில் தேங்கி கோளாறு ஏற்படும் அபாயம் உள்ளது. சில நேரங்களில் துணிகளில் சோப்பு தழும்புகளும் மீதமிருக்கும்.

ஆட்டோமேட்டிக் மெஷின்

இதனால் தான் ஆட்டோமேட்டிக் சலவை இயந்திரங்களுக்கு தனியாக சிறப்பு சலவைத் தூள் தயாரிக்கப்படுகிறது. இவை குறைந்த நுரையுடன் செயல்படும் வகையில் வடிவமைக்கப்பட்டுள்ளன. குறைந்த நீரில் கூட திறமையாக அழுக்கை நீக்கும் தன்மை கொண்ட இந்த தூள், வெள்ளை துணிகளில் இருக்கும் கடினமான கறைகள் மற்றும் மண் அழுக்குகளை சுத்தம் செய்ய உதவுகிறது.

வெள்ளை துணிகள்

இதே நேரத்தில் லிக்விட் டிடர்ஜென்ட்களின் பயன்பாடும் தற்போது அதிகரித்து வருகிறது. குறிப்பாக முன்புற திறப்பு கொண்ட சலவை இயந்திரங்களுக்கு இது சிறந்த தேர்வாக கருதப்படுகிறது. தண்ணீரில் விரைவாக கரையும் தன்மை காரணமாக துணிகளில் எந்த சோப்பு தடயமும் மிஞ்சாது. எண்ணெய் மற்றும் பச்சை கறைகளை அகற்றுவதிலும் இது சிறப்பாக செயல்படுகிறது. மேலும் நிறமுள்ள ஆடைகளின் நிறத்தை பாதுகாக்கவும் துணிகளின் மென்மையை காக்கவும் உதவுகிறது.

வெள்ளை துணிகள்

எனவே, வெள்ளை துணிகள் மற்றும் கடினமான அழுக்குகளுக்கு இயந்திர சலவைத் தூளை பயன்படுத்துவது நல்லது. மென்மையான மற்றும் நிறமுள்ள ஆடைகளுக்கு திரவ சோப்பு ஏற்றதாகும். கைகளால் துவைக்கும் துணிகளுக்கு மட்டும் சாதாரண சலவைத் தூள் பயன்படுத்த வேண்டும். சரியான சோப்பை தேர்வு செய்வது துணிகளின் தரத்தையும் சலவை இயந்திரத்தின் ஆயுளையும் பாதுகாக்கும்.