சென்னை டூ ஹவுரா மின்னல் வேகத்தில் போகலாம்! 'அம்ரித் பாரத்' எக்ஸ்பிரஸ் ரயில் எப்போது இயக்கம்?

சென்னை டூ ஹவுரா இடையே அம்ரித் பாரத் எக்ஸ்பிரஸ் ரயில் இயக்கப்பட உள்ளது. இந்த ரயில் புறப்படும் நேரம், டிக்கெட் விலை உள்ளிட்ட விவரங்களை பார்ப்போம். 

Chennai to Howrah Amrit Bharat Express Train

இந்தியாவில் ரயில் போக்குவரத்து முதுகெலும்பாக உள்ளது. தொலைதூர இடங்களுக்கு வசதியாகவும், களைப்பின்றியும் பயணம் செய்ய முடியும் என்பதால் தினமும் பல லட்சக்கணக்கான பயணிகள் ரயிலில் பயணம் செய்து வருகின்றனர். இந்தியாவில் சொகுசு ரயில்கள், அதிவேக விரைவு ரயில்கள், விரைவு ரயில்கள், சாதாரண முன்பதிவில்லாத ரயில்கள், மெமு ரயில்கள் இயக்கப்பட்டு வருகின்றன.

சென்னை-ஹவுரா அம்ரித் பாரத் எக்ஸ்பிரஸ் பயண நேரம், வழித்தடம்

மேலும் வந்தே பாரத், தேஜாஸ், சதாப்தி, தூரந்தோ, ராஜ்தானி உள்ளிட்ட பல்வேறு அதிவேக விரைவு ரயில்கள் இயக்கப்பட்டு வருகின்றன. இந்நிலையில், நாட்டின் அதிவேக ரயில்களில் அம்ரித் பாரத் எக்ஸ்பிரஸ் ரயிலும் இடம்பிடிக்க உள்ளது. இந்தியன் ரயில்வே 2025-26 நிதியாண்டில் பல்வேறு வழித்தடங்களில் 50 அம்ரித் பாரத் எக்ஸ்பிரஸ் ரயில்களை அறிமுகப்படுத்த உள்ளது. இதில் சென்னை மற்றும் ஹவுரா இடையே ஒரு அம்ரித் பாரத் எக்ஸ்பிரஸ் ரயில் இயக்கப்பட உள்ளது.

ஹவுரா-சென்னை அம்ரித் பாரத் எக்ஸ்பிரஸ் ரயில் விசாகப்பட்டினம் வழியாக பயணித்து வெறும் 26 மணி நேரத்திற்குள் 1,662 கி.மீ தூரத்தை கடக்கும். இந்த ரயில் ஹவுராவிலிருந்து சென்னைக்கு கோரக்பூர் சந்திப்பு, பாலேஷ்வர், பத்ராக், கட்டாக், புவனேஸ்வர், குர்தா சாலை சந்திப்பு, விஜயநகர், விசாகப்பட்டினம், ராஜமுந்திரி, விஜயவாடா சந்திப்பு, தெனாலி சந்திப்பு, ஓங்கோல் மற்றும் கூடூர் சந்திப்பு உள்ளிட்ட முக்கிய நிலையங்களில் நின்று செல்லும்.

சென்னை-ஹவுரா அம்ரித் பாரத் எக்ஸ்பிரஸ் டிக்கெட் கட்டணம்

ஹவுராவிலிருந்து சென்னைக்கு அம்ரித் பாரத் எக்ஸ்பிரஸ் வாரத்திற்கு இரண்டு முறை இயக்கப்படும் என்று எதிர்பார்க்கப்படுகிறது. இந்த ரயில் அதிகப்பட்சமாக மணிக்கு 130 கிமீ வேகத்தில் செல்லும் என தகவல் வெளியாகி உள்ளது. ஹவுரா-சென்னை சென்ட்ரல் ஹவுரா அம்ரித் பாரத் எக்ஸ்பிரஸ் ரயிலில் ஸ்லீப்பர் வகுப்பு மற்றும் பொது வகுப்பு பெட்டிகள் இருக்கும். ஹவுரா சென்னை இடையேயான ஸ்லீப்பர் வகுப்பு டிக்கெட்டின் விலை தோராயமாக ரூ.800 ஆகும்.

சென்னை-ஹவுரா ரயில் புறப்படும் நேரம்

ஹவுராவிலிருந்து சென்னை சென்ட்ரல் செல்லும் அம்ரித் பாரத் எக்ஸ்பிரஸ் ரயில் இரவு 10 மணிக்கு புறப்பட்டு 26 மணி நேர பயணத்துக்கு பிறகு  அதிகாலை 1:00 மணிக்கு சென்னையை வந்தடையும் என்று எதிர்பார்க்கப்படுகிறது. மறுமார்க்கமாக சென்னை-ஹவுரா அம்ரித் பாரத் எக்ஸ்பிரஸ் ரயில் காலை 6 மணிக்கு பயணத்தைத் தொடங்கி மறுநாள் இரவு 8.30 மணிக்கு ஹவுராவை சென்றடையும் என்று எதிர்பார்க்கப்படுகிறது.