Training: மாதம் ரூ.50 ஆயிரம் சம்பாதிக்க இதோ ஒரு சூப்பர் பிசினஸ் ஐடியா.! வீட்டிலிருந்தே தொழில் தொடங்க அரசு தரும் அட்டகாசமான பயிற்சி.!

தமிழக அரசின் EDII-TN, குறைந்த முதலீட்டில் மூலிகை அழகுசாதனப் பொருட்கள் தயாரிக்கும் 3 நாள் பயிற்சியை வழங்குகிறது. அதில் வீட்டிலிருந்தே தொழில் தொடங்கி மாதம் ரூ.50,000 வரை சம்பாதிப்பதற்கான வழிமுறைகள், சந்தைப்படுத்துதல் குறித்து கற்றுக்கொள்ளலாம்.

இனி கைநிறைய சம்பாதிக்களாம்.!

சொந்தமாகத் தொழில் தொடங்க வேண்டும், கைநிறையச் சம்பாதிக்க வேண்டும் என்பது பலரது கனவு. ஆனால், என்ன தொழில் செய்வது? எப்படித் தொடங்குவது? என்ற குழப்பம் பலருக்கும் இருக்கும். அத்தகைய குழப்பத்தைப் போக்கி, குறைந்த முதலீட்டில் வீட்டிலிருந்தே மாதம் ரூ.50,000 வரை வருமானம் ஈட்டக்கூடிய ஒரு அற்புதமான வாய்ப்பை தமிழக அரசு வழங்குகிறது. இயற்கை மற்றும் மூலிகை அழகுசாதனப் பொருட்களுக்கு (Herbal Cosmetics) இன்று சந்தையில் நிலவும் அசுர வளர்ச்சியைப் பயன்படுத்தி, உங்களை ஒரு வெற்றிகரமான தொழில்முனைவோராக மாற்றப்போகிறது இந்த 3 நாள் பயிற்சி முகாம்!

ஏன் இந்தத் தொழில் சிறந்தது?

இன்றைய காலத்தில் ரசாயனம் கலந்த பொருட்களைத் தவிர்த்து, இயற்கை முறையில் தயாரிக்கப்பட்ட சோப், ஷாம்பூ மற்றும் முகப்பொலிவு கிரீம்களை மக்கள் அதிகம் விரும்புகிறார்கள்.

குறைந்த முதலீடு

உங்கள் வீட்டின் ஒரு சிறு பகுதியிலேயே இந்தத் தொழிலைத் தொடங்கலாம்.

அதிக லாபம்

தரமான பொருட்களைத் தயாரித்துச் சந்தைப்படுத்தினால், ஆரம்பக்கட்டத்திலேயே மாதம் ரூ.50,000 வரை லாபம் ஈட்டுவது மிகவும் எளிது.

அரசு அங்கீகாரம்

அரசு நிறுவனத்திடம் பயிற்சி பெறுவதால், தொழில் தொடங்குவதற்கான வங்கிப் பயிற்சிகள் மற்றும் மானியங்கள் பெற இது பேருதவியாக இருக்கும்.

பயிற்சி முகாம் குறித்த முழு விவரங்கள்

தமிழக அரசின் குறு, சிறு மற்றும் நடுத்தரத் தொழில் நிறுவனங்கள் துறையின் கீழ் இயங்கும் தொழில்முனைவோர் மேம்பாடு மற்றும் புத்தாக்க நிறுவனம் (EDII-TN) இந்தப் பயிற்சியை வழங்குகிறது.

ஆயுர்வேத மற்றும் மூலிகை அழகுசாதனப் பொருட்கள் தயாரிப்பு

• தேதி 2026, மார்ச் 11 முதல் மார்ச் 13 வரை (3 நாட்கள்)
• நேரம்காலை 9:00 மணி முதல் மாலை 5:00 மணி வரை
• பயிற்சிக் கட்டணம்₹5,000 (மூன்று நாட்களுக்கு) 
• இடம்சென்னை, கிண்டி (EDII-TN வளாகம்)

நீங்கள் என்ன கற்றுக்கொள்வீர்கள்?

இந்த 3 நாள் நேரடிப் பயிற்சியில் அனுபவம் வாய்ந்த வல்லுநர்கள் மூலம் கீழ்க்கண்டவை கற்றுத்தரப்படும்.

தயாரிப்பு முறைகள்: மூலிகை சோப்புகள், தலைமுடி தைலங்கள், ஃபேஸ் வாஷ் (Face Wash) மற்றும் அழகு சாதனப் பொருட்கள் தயாரிக்கும் ரகசியங்கள்.

பேக்கிங் நுட்பங்கள்: பொருட்களை ஈர்க்கக்கூடிய வகையில் பேக் (Packing) செய்து பிராண்ட் உருவாக்குவது எப்படி?

விற்பனை வாய்ப்புகள்: உள்ளூர் கடைகள் முதல் ஆன்லைன் தளங்கள் (Amazon, Flipkart) வரை பொருட்களைச் சந்தைப்படுத்துவது எப்படி?

அரசு சலுகைகள்: தொழில் தொடங்கத் தேவையான உரிமம் பெறுவது மற்றும் அரசு மானியத்துடன் கூடிய கடன் பெறுவது குறித்த ஆலோசனைகள்.

பயிற்சி நடைபெறும் முகவரி

Entrepreneurship Development and Innovation Institute (EDII-TN), 

26C5+H55, இ.டி.ஐ.ஐ சாலை, இந்துஸ்தான் டெலிபிரிண்டர்ஸ் ஊழியர் குடியிருப்பு, சிட்கோ தொழிற்பேட்டை, கிண்டி, சென்னை - 600032.

வேலைக்காகக் காத்திருக்காமல், வருமானம் தரும் இந்தச் சூப்பர் பிசினஸ் ஐடியாவைப் பயன்படுத்தி உங்கள் வாழ்வை வளமாக்கிக் கொள்ளுங்கள். அரசு தரும் இந்த அரிய வாய்ப்பை தவறவிடாதீர்கள்!