NEET தேசியத் தேர்வு முகமை (NTA) நீட் 2026 தேர்வுக்கான அறிவிப்பை வெளியிட்டுள்ளது. தேர்வு மே 3 அன்று நடைபெறும். மார்ச் 8-க்குள் விண்ணப்பிக்க வேண்டும். முழு விவரம்!
மருத்துவப் படிப்பில் சேரத் துடிக்கும் லட்சக்கணக்கான மாணவர்களுக்கான முக்கியமான அறிவிப்பு வெளியாகியுள்ளது. தேசியத் தேர்வு முகமை (NTA) 2026-ம் ஆண்டிற்கான இளநிலை மருத்துவப் படிப்புகளுக்கான நுழைவுத் தேர்வு (NEET UG 2026) அறிவிப்பை வெளியிட்டுள்ளது. இதற்கான விண்ணப்பப் பதிவு தற்போது தொடங்கியுள்ளது. மாணவர்கள் அதிகாரப்பூர்வ இணையதளமான neet.nta.nic.in மூலம் விண்ணப்பிக்கலாம்.
26
முக்கிய தேதிகள் என்ன?
மாணவர்கள் கவனத்தில் கொள்ள வேண்டிய மிக முக்கியமான தேதி மார்ச் 8, 2026. அன்றைய தினம் இரவு 9 மணிக்குள் விண்ணப்பத்தைப் பூர்த்தி செய்து சமர்ப்பிக்க வேண்டும். கட்டணம் செலுத்துவதற்கு அன்றைய தினம் இரவு 11:50 மணி வரை அவகாசம் வழங்கப்பட்டுள்ளது. விண்ணப்பத்தில் ஏதேனும் திருத்தங்கள் செய்ய விரும்பினால், மார்ச் 10 முதல் 12 வரை திருத்த சாளரம் (Correction Window) திறந்திருக்கும்.
36
தேர்வு எப்போது?
நீட் 2026 தேர்வு மே 3, 2026 (ஞாயிற்றுக்கிழமை) அன்று நடைபெறும். பிற்பகல் 2 மணி முதல் மாலை 5:20 மணி வரை மொத்தம் 3 மணி நேரம் 20 நிமிடங்கள் தேர்வு நடைபெறும். இந்தியா முழுவதும் உள்ள தேர்வு மையங்களில் பென் மற்றும் பேப்பர் (Pen and Paper) முறையில் தேர்வு நடைபெறும்.
• வெளிநாட்டு மையங்களில் தேர்வு எழுதுபவர்களுக்கு: ரூ. 9500
56
தேவைப்படும் ஆவணங்கள்
விண்ணப்பிக்கும் போது சமீபத்திய பாஸ்போர்ட் அளவு புகைப்படம், அஞ்சல் அட்டை அளவு புகைப்படம் (Postcard size photo), கையொப்பம், இடது மற்றும் வலது கை விரல் ரேகைகள் மற்றும் 10-ம் வகுப்பு சான்றிதழ் ஆகியவற்றை ஸ்கேன் செய்து தயாராக வைத்திருக்க வேண்டும். ஆதார் அட்டை அல்லது வேறு ஏதேனும் அரசு அடையாள அட்டை அவசியம்.
66
மாணவர்களுக்கு ஒரு வேண்டுகோள்
கடைசி நேரம் வரை காத்திருக்காமல் முன்கூட்டியே விண்ணப்பிப்பது சிறந்தது. சர்வர் கோளாறுகளைத் தவிர்க்க இது உதவும். மேலும், பதிவு செய்யும் போது பயன்படுத்தும் மொபைல் எண் மற்றும் மின்னஞ்சல் முகவரி உங்களுடையதாக அல்லது பெற்றோருடையதாக இருப்பதை உறுதி செய்து கொள்ளுங்கள். அனைத்துத் தகவல்களும் இதன் மூலமே பகிரப்படும்.
