சென்னை லயோலா கல்லூரி அட்மிஷன் 2025-2026 : இவ்வளவு படிப்புகளா? உடனே விண்ணபிக்கவும்...

சென்னை லயோலா கல்லூரியில் 2025-26 ஆம் ஆண்டுக்கான இளநிலை, முதுநிலை சேர்க்கை! தகுதி, விவரங்களுக்கு தொடர்பு கொள்ளவும்.  

சென்னையின் புகழ்பெற்ற லயோலா கல்லூரி, 2025-2026 ஆம் கல்வியாண்டிற்கான மாணவர் சேர்க்கையை விரைவில் தொடங்க உள்ளது. தரமான கல்விக்கும், சிறந்த ஒழுக்க நெறிமுறைகளுக்கும் பெயர் பெற்ற லயோலா கல்லூரியில் இளநிலை மற்றும் முதுநிலைப் பட்டப்படிப்புகளில் சேர விரும்பும் மாணவர்களுக்கு இது ஒரு பொன்னான வாய்ப்பாகும்.

Phd

கலை, அறிவியல், வணிகவியல் என பல்வேறு துறைகளில் பரந்துபட்ட படிப்புகளை லயோலா கல்லூரி வழங்கி வருகிறது. மாணவர்களின் எதிர்கால இலக்குகளை வடிவமைக்கும் வகையில், ஒவ்வொரு பாடத்திட்டமும் சிறந்த கல்வியாளர்களின் அனுபவத்துடன் நவீன வசதிகளுடன் வடிவமைக்கப்பட்டுள்ளது.

phd

நீங்கள் விரும்பும் படிப்பு லயோலாவில்!
லயோலா கல்லூரியில் வழங்கப்படும் சில முக்கிய இளநிலை மற்றும் முதுநிலைப் பட்டப்படிப்புகள் மற்றும் அவற்றிற்கான தகுதிச் சான்றுகள் பின்வருமாறு:
முதுநிலைப் பட்டப்படிப்புகள் (PG Programmes):
கலை (Arts): எம்.ஏ. வரலாறு, எம்.ஏ. தத்துவம், எம்.ஏ. சமூகவியல், எம்.ஏ. பன்னாட்டு உறவுகள். (ஏதேனும் இளங்கலைப் பட்டம்)
சமூகப் பணி (Social Work): எம்.ஏ. சமூகப் பணி (சமுதாய மேம்பாடு, மனித வள மேலாண்மை, மருத்துவம் மற்றும் மனநலவியல்). (தமிழ் எழுதப் படிக்கத் தெரிந்திருக்க வேண்டும், ஏதேனும் இளங்கலைப் பட்டம்)

அறிவியல் (Science): எம்.எஸ்சி. தரவு அறிவியல் (B.Sc. கணிதம் / புள்ளியியல் / கணினி அறிவியல் / பி.சி.ஏ.), எம்.எஸ்சி. உயிரித் தொழில்நுட்பம் (B.Sc. விலங்கியல் / தாவரவியல் / உயிர் அறிவியல் / உயிரித் தொழில்நுட்பம் / நுண்ணுயிரியல் / உயிர் வேதியியல் / வேதியியல் / இயற்பியல் / உயிரி இயற்பியல்), எம்.எஸ்சி. கணினி அறிவியல் (B.Sc. கணினி அறிவியல், பி.சி.ஏ.), எம்.எஸ்சி. உணவு வேதியியல் மற்றும் உணவு பதப்படுத்துதல் (B.Sc. / B.Voc வேதியியல் / உயிர் வேதியியல் / ஊட்டச்சத்து / உணவு அறிவியல் மேலாண்மை மற்றும் உணவு முறை / விலங்கியல் / தாவரவியல் / உயிரித் தொழில்நுட்பம்), எம்.எஸ்சி. காட்சி தொடர்பியல் (ஊடகம் அல்லது வடிவமைப்பு தொடர்பான பட்டங்கள் மட்டும்), எம்.எஸ்சி. ஆலோசனை உளவியல் (உளவியல் அல்லது ஆலோசனை உளவியலில் இளங்கலைப் பட்டம் அல்லது மூன்று முக்கியப் பாடங்களில் உளவியல் ஒரு பாடமாக இருக்க வேண்டும்).
தொழிற்கல்வி (Vocational): எம்.வோக். 3D அனிமேஷன்*, எம்.வோக். டிஜிட்டல் இதழியல்* (ஏதேனும் இளங்கலைப் பட்டம், ஊடகம், அனிமேஷன் மற்றும் இதழியல் தொடர்பான பட்டங்கள் முன்னுரிமை).

இளநிலைப் பட்டப்படிப்புகள் (UG Programmes - முதலாம் ஷிப்ட்):
கலை (Arts): பி.ஏ. பொருளாதாரம் (பொருளியல், வணிகவியல் / வணிகவியல் கல்வி, கணக்கியல் மற்றும் ஏதேனும் ஒன்று), பி.ஏ. ஆங்கிலம் (பிளஸ் டூ / XII அல்லது அதற்கு இணையான தேர்வில் எந்தப் பிரிவும்), பி.ஏ. வரலாறு (பிளஸ் டூ / XII அல்லது அதற்கு இணையான தேர்வில் எந்தப் பிரிவும்), பி.ஏ. சமூகவியல் (பிளஸ் டூ / XII அல்லது அதற்கு இணையான தேர்வில் எந்தப் பிரிவும்), பி.ஏ. தமிழ் (பிளஸ் டூ / XII அல்லது அதற்கு இணையான தேர்வில் எந்தப் பிரிவும்).
வணிகவியல் (Commerce): பி.காம். (பொது) (வணிகவியல் / வணிகவியல் கல்வி, கணக்கியல், பொருளியல் / கணினி அறிவியல், கணிதம் / வணிகக் கணிதம் / புள்ளியியல்).

அறிவியல் (Science): பி.எஸ்சி. மேம்பட்ட விலங்கியல் மற்றும் உயிரித் தொழில்நுட்பம் (உயிரியல், இயற்பியல், வேதியியல் மற்றும் ஏதேனும் ஒன்று அல்லது விலங்கியல், தாவரவியல், வேதியியல், இயற்பியல் / உயிரித் தொழில்நுட்பம் - பெண்கள் விண்ணப்பிக்கலாம்), பி.எஸ்சி. வேதியியல் (இயற்பியல், வேதியியல், கணிதம் மற்றும் ஏதேனும் ஒன்று), பி.எஸ்சி. கணிதம் (இயற்பியல், வேதியியல், கணிதம் மற்றும் ஏதேனும் ஒன்று), பி.எஸ்சி. தாவர உயிரியல் மற்றும் தாவர உயிரித் தொழில்நுட்பம் (உயிரியல், இயற்பியல், வேதியியல் மற்றும் ஏதேனும் ஒன்று அல்லது தாவரவியல், விலங்கியல், வேதியியல், இயற்பியல் / உயிரித் தொழில்நுட்பம் - பெண்கள் விண்ணப்பிக்கலாம்), பி.எஸ்சி. புள்ளியியல் (பிளஸ் டூவில் கணிதம் / வணிகக் கணிதம் / புள்ளியியல் ஒரு பாடமாக இருக்க வேண்டும்), பி.எஸ்சி. காட்சி தொடர்பியல் (பிளஸ் டூ / XII அல்லது அதற்கு இணையான தேர்வில் எந்தப் பிரிவும் - பெண்கள் விண்ணப்பிக்கலாம்).

2025-2026 ஆம் கல்வியாண்டிற்கான சேர்க்கை தொடர்பான விவரங்களை அறியவும், விண்ணப்பிக்கவும் கீழ்கண்ட தொலைபேசி எண்களில் திங்கள் முதல் சனிக்கிழமை வரை (காலை 9 மணி முதல் மதியம் 1 மணி வரை மற்றும் மதியம் 2 மணி முதல் மாலை 4 மணி வரை) தொடர்பு கொள்ளவும்:

தொலைபேசி: +91- 44 2817 8291 / 92 / 93
மின்னஞ்சல்: enquiry.adm@loyolacollege.edu

உயர்கல்வியில் சிறந்து விளங்கவும், சிறந்த எதிர்காலத்தை உருவாக்கவும் லயோலா கல்லூரி உங்களை அன்புடன் அழைக்கிறது!