போடு தகிட.. தகிட… கை நிறைய சம்பளம்: தேர்வு இல்லை! இந்திய அஞ்சல் வங்கியில் Executive வேலை!

India Post Payments Bank Recruitment இந்திய அஞ்சல் வங்கி (IPPB) Executive பதவிக்கு 348 காலியிடங்களை அறிவித்துள்ளது. மாதம் ₹30,000 சம்பளம். பட்டதாரிகள் விண்ணப்பிக்கலாம்.

இந்திய அஞ்சல் வங்கியில் Executive வேலைவாய்ப்பு!

மத்திய அரசின் கீழ் இயங்கும் முக்கியமான நிதி நிறுவனங்களில் ஒன்றான இந்திய அஞ்சல் வங்கி லிமிடெட் (India Post Payments Bank Ltd - IPPB), தற்போது வேலை தேடும் இளைஞர்களுக்கு ஒரு பொன்னான வாய்ப்பை அறிவித்துள்ளது. நாடு முழுவதும் காலியாக உள்ள 348 Executive பணியிடங்களை நிரப்புவதற்கான அதிகாரப்பூர்வ அறிவிப்பை IPPB வெளியிட்டுள்ளது. இந்தப் பணியிடங்கள் மத்திய அரசு வேலைவாய்ப்பின் கீழ் வருகின்றன. இந்தப் பணிக்குத் தேர்வாகும் நபர்களுக்கு மாதந்தோறும் ₹30,000 வரை சம்பளம் வழங்கப்படும்.

விண்ணப்ப விவரங்களும், தகுதி வரம்புகளும்

இந்த Executive பணியிடங்களுக்கு விண்ணப்பிக்க விரும்புவோர், இந்திய அரசால் அங்கீகரிக்கப்பட்ட பல்கலைக்கழகம் அல்லது நிறுவனத்திடமிருந்து ஏதேனும் ஒரு துறையில் பட்டப்படிப்பை (Graduate in any discipline) முடித்திருக்க வேண்டும். தொலைதூரக் கல்வி (Distance Learning) மூலம் பட்டம் பெற்றவர்களும் விண்ணப்பிக்கத் தகுதியுடையவர்கள். வயது வரம்பைப் பொறுத்தவரை, விண்ணப்பதாரர்கள் 20 வயது பூர்த்தி அடைந்தவராகவும், 35 வயதுக்கு மேற்படாதவராகவும் இருத்தல் வேண்டும்.

காலியிடங்கள் மற்றும் மாநில வாரியான பிரிவுகள்

மொத்தம் 348 காலியிடங்கள் அறிவிக்கப்பட்டுள்ளன. தமிழ்நாடு மற்றும் தெலங்கானா உள்ளிட்ட பல்வேறு மாநிலங்களுக்கான காலியிடங்களின் எண்ணிக்கை கீழே கொடுக்கப்பட்டுள்ளது. இந்திய அஞ்சல் வங்கியில் Executive பணியிடங்களுக்காக, உத்தரப் பிரதேசத்தில் 40, மகாராஷ்டிராவில் 31, குஜராத் மற்றும் மத்தியப் பிரதேசத்தில் தலா 29, பீகாரில் 17, பஞ்சாபில் 15, ஜார்கண்ட், மேற்கு வங்காளம் மற்றும் அஸ்ஸாமில் தலா 12, ஹரியானா, உத்தரகாண்ட், ஒடிசா ஆகிய மாநிலங்களில் தலா 11, ராஜஸ்தானில் 10, தமிழ்நாட்டில் 17, தெலங்கானா மற்றும் சத்தீஸ்கரில் தலா 9, ஆந்திரப் பிரதேசம் மற்றும் நாகாலாந்தில் தலா 8, கர்நாடகாவில் 19, கேரளா, மணிப்பூர் மற்றும் மேகாலயாவில் தலா 4, ஹிமாச்சலப் பிரதேசம், திரிபுரா, ஜம்மு & காஷ்மீரில் தலா 3, மிசோரம் மற்றும் சிக்கிமில் தலா 2, கோவா மற்றும் தாத்ரா மற்றும் நாகர் ஹவேலியில் தலா 1 என்ற அளவில், மொத்தம் 348 காலியிடங்கள் நாடு முழுவதும் நிரப்பப்பட உள்ளன.

தேர்வு முறை மற்றும் விண்ணப்பிக்கும் வழிமுறை

விண்ணப்பதாரர்கள் தகுதிப் பட்டியல் (Merit List) மற்றும் ஆன்லைன் தேர்வு (Online Test) / ஆவணச் சரிபார்ப்பு (Document Verification) ஆகியவற்றின் அடிப்படையில் தேர்ந்தெடுக்கப்படுவார்கள். ஆர்வமுள்ள மற்றும் தகுதியுள்ள நபர்கள், 29.10.2025 ஆம் தேதிக்குள் விண்ணப்பிக்க வேண்டும். விண்ணப்பக் கட்டணம் ₹750/- ஆகும். விண்ணப்பதாரர்கள் IPPB-யின் அதிகாரப்பூர்வ இணையதளமான www.ippbonline.com மூலம் ஆன்லைனில் விண்ணப்பங்களைப் பூர்த்தி செய்யலாம். விண்ணப்பிக்கும் முன், அதிகாரப்பூர்வ அறிவிப்பில் உள்ள அனைத்து தகுதிகளையும் தெளிவாகப் படித்து உறுதிப்படுத்திக் கொள்வது அவசியம்.