தேசிய ஏரோஸ்பேஸ் ஆய்வகத்தில் காலியாக உள்ள 36 தொழில்நுட்ப உதவியாளர் பணியிடங்களை நிரப்ப ஆட்சேர்ப்பு அறிவிப்பு வெளியாகியுள்ளது. ஆர்வமும் தகுதியும் உள்ளவர்கள் ஏப்ரல் 11ஆம் தேதிக்குள் https://www.nal.res.in/ என்ற அதிகாரப்பூர்வ இணையதளத்தில் விண்ணப்பிக்கலாம்.
தேசிய ஏரோஸ்பேஸ் ஆய்வகம்:
தேசிய ஏரோஸ்பேஸ் ஆய்வகத்தில் காலியாக உள்ள 36 தொழில்நுட்ப உதவியாளர் பணியிடங்களை நிரப்ப ஆட்சேர்ப்பு அறிவிப்பு வெளியாகியுள்ளது. ஆர்வமும் தகுதியும் உள்ளவர்கள் ஏப்ரல் 11ஆம் தேதிக்குள் https://www.nal.res.in/ என்ற அதிகாரப்பூர்வ இணையதளத்தில் விண்ணப்பிக்கலாம்.
காலிப் பணியிடங்கள்:
சி.எஸ்.ஐ.ஆர். தேசிய ஏரோஸ்பேஸ் ஆய்வகம் (CSIR-NAL) ஓர் மத்திய அரசு நிறுவனமாகும். அறிவியல் தொழில்நுட்ப ஆய்வுகளை மேற்கொள்ளும் இந்நிறுவனத்தில் 36 தொழில்நுட்ப உதவியாளர் பணியிடங்கள் காலியாக உள்ளன.
கல்வித் தகுதி:
NAL நிறுவனத்தில் தொழில்நுட்ப உதவியாளர் பணிக்குத் தொடர்புடைய பொறியியல் துறைகளில் டிப்ளமோ அல்லது டிகிரி முடித்தவர்கள் விண்ணப்பிக்கலாம். துறை சார்ந்த பணி அனுபவத்தின் அடிப்படையில் முன்னுரிமை வழங்கப்படும்.
வயது வரம்பு:
NAL தொழில்நுட்ப உதவியாளர் பணிக்கு விண்ணப்பிக்கும் நபர்கள் 11.04.2025 அன்று 18 வயதுக்கு மேற்பட்டவராகவும் 28 வயதுக்கு உட்பட்டவராகவும் இருக்க வேண்டும். SC/ST பிரிவினருக்கு 5 ஆண்டுகள், ஓ.பி.சி. பிரிவினருக்கு 3 ஆண்டுகள், PwBD மற்றும் EWS பிரிவினருக்கு 10 ஆண்டுகள் வரை வயது வரம்பு தளர்வு உண்டு. முன்னாள் ராணுவ வீரர்களுக்கும் அரசு கொள்கையின்படி தளர்வு கிடைக்கும்.
CSIR-NAL தொழில்நுட்ப உதவியாளரைத் தேர்வு செய்ய போட்டி எழுத்துத் தேர்வு, வர்த்தக சோதனை தேர்வு ஆகியவை நடத்தப்படும். தேர்வில் வெற்றி பெற்று தேர்வாகும் பட்சத்தில் மாதம் ரூ.35,400 முதல் ரூ.1,12,400 வரை சம்பளம் கிடைக்கும்.
விண்ணப்பிக்க ஆர்வமும் தகுதியும் உள்ளவர்கள் NAL வலைத்தளத்திற்கு (https://www.nal.res.in/) சென்று விண்ணப்பத்தைச் சமர்ப்பிக்கலாம். ஆன்லைன் விண்ணப்பப் பதிவு 11.04.2025 மாலை 05.00 மணிக்கு முடிவடையும் என்பதை நினைவில் கொள்ளுங்கள்.
பெண்கள், ST/SC பிரிவினர், முன்னாள் ராணுவ வீரர்கள் மற்றும் மாற்றுத் திறனாளிகளுக்கு விண்ணப்பக் கட்டணம் இல்லை. மற்ற விண்ணப்பதாரர்கள் ரூ.500 கட்டணம் செலுத்த வேண்டும்.
இந்த வேலைவாய்ப்பு குறித்து கூடுதல் விவரங்களை அறிய, கீழே கொடுக்கப்பட்டுள்ள அதிகாரபூர்வ அறிவிப்பைக் காணவும்.
சேனலை கிளிக் செய்து பின்தொடரவும்