சென்னையிலேயே நிரந்தர அரசு வேலை: பெண்களுக்கு பொன்னான வாய்ப்பு! தகுதி: 10th முதல் முதுகலை வரை...

One Stop Centre Recruitment தமிழ்நாடு அரசு சென்னை ஒருங்கிணைந்த சேவை மையத்தில் Centre Administrator, Case Worker உட்பட 65 பணியிடங்கள். பெண்களுக்கு மட்டுமே வாய்ப்பு. உடனே விண்ணப்பிக்கவும்.

One Stop Centre Recruitment பெண்களுக்கு ஒரு பொன்னான வாய்ப்பு: மாவட்ட சமூக நல அலுவலகத்தில் 65 காலியிடங்கள்

தமிழ்நாடு அரசு, மாவட்ட சமூக நல அலுவலகத்தின் கீழ் இயங்கும் சென்னை ஒருங்கிணைந்த சேவை மையத்தில் (One Stop Centre, Chennai) காலிப்பணியிடங்களை நிரப்புவதற்கான அறிவிப்பு வெளியாகி உள்ளது. சமூகப் பணி மற்றும் பெண்களுக்கு எதிரான வன்முறைகள் தடுப்புத் துறையில் அனுபவமுள்ள தகுதியான பெண் விண்ணப்பதாரர்களிடமிருந்து விண்ணப்பங்கள் வரவேற்கப்படுகின்றன. ஒட்டுமொத்தமாக 65 பணியிடங்கள் அறிவிக்கப்பட்டுள்ளன.

பணியிடங்கள் மற்றும் சம்பள விவரங்கள்: விவரம் இதோ!

இந்த வேலைவாய்ப்பு அறிவிப்பில், பல்வேறு கல்வித் தகுதிகள் மற்றும் அனுபவம் கொண்டவர்களுக்கான பணியிடங்கள் இடம்பெற்றுள்ளன. அதிகபட்சமாக Centre Administrator பதவிக்கு மாதத்திற்கு ₹35,000 சம்பளம் நிர்ணயிக்கப்பட்டுள்ளது. இதுதவிர, Senior Counselor (₹22,000), IT Administrator (₹20,000), Case Worker (₹18,000), Security Guard (₹12,000), மற்றும் Multi Purpose Helper (₹10,000) ஆகிய பதவிகளுக்கும் காலியிடங்கள் அறிவிக்கப்பட்டுள்ளன. அறிவிக்கப்பட்டுள்ள 65 காலிப்பணியிடங்களில், Centre Administrator பதவிக்கு 5 இடங்களும் (சம்பளம் ₹35,000/-), Senior Counselor பதவிக்கு 5 இடங்களும் (சம்பளம் ₹22,000/-), IT Administrator பதவிக்கு 5 இடங்களும் (சம்பளம் ₹20,000/-), அதிகபட்சமாக Case Worker பதவிக்கு 30 இடங்களும் (சம்பளம் ₹18,000/-), Security Guard பதவிக்கு 10 இடங்களும் (சம்பளம் ₹12,000/-), மற்றும் Multi Purpose Helper பதவிக்கு 10 இடங்களும் (சம்பளம் ₹10,000/-) உள்ளன.

கல்வி தகுதி மற்றும் அனுபவம்: தேவையானவை என்னென்ன?

ஒவ்வொரு பதவிக்கும் தனித்தனியான கல்வித் தகுதிகள் மற்றும் பணி அனுபவம் வரையறுக்கப்பட்டுள்ளது.

• Centre Administrator: சமூகப் பணி/ உளவியலில் முதுகலைப் பட்டம், பெண்கள் வன்முறையைத் தடுக்கும் திட்டங்களில் குறைந்தது 4 ஆண்டுகள் அனுபவம், மற்றும் ஓட்டுநர் உரிமம் கட்டாயம்.

• Senior Counselor: சமூகப் பணி (MSW) அல்லது உளவியல் ஆலோசனையில் (M.Sc) முதுகலைப் பட்டம், மற்றும் பெண்களுக்கு எதிரான வன்முறை தடுப்புத் திட்டங்களில் 2 ஆண்டுகள் நிர்வாக அனுபவம்.

கல்வி தகுதி மற்றும் அனுபவம்: தேவையானவை என்னென்ன?

• Case Worker: சமூகப் பணி இளங்கலைப் பட்டம், பெண்கள் வன்முறைத் தடுப்புத் திட்டங்களில் 1 ஆண்டு முன் அனுபவம் மற்றும் ஓட்டுநர் உரிமம் தேவை.

• IT Administrator: கணினிகள்/ஐடி-யில் இளங்கலைப் பட்டம்/டிப்ளமோ, மற்றும் தரவு மேலாண்மையில் 3 ஆண்டுகள் தொழில்நுட்ப அனுபவம்.

• Security Guard & Multi Purpose Helper: 10-ஆம் வகுப்பு தேர்ச்சியுடன் தொடர்புடைய துறையில் அனுபவம் தேவை. சமையல் மற்றும் அலுவலக பராமரிப்பு தெரிந்திருத்தல் கூடுதல் தகுதியாகும்.

குறிப்பு:

Centre Administrator, Case Worker, Security Guard, Multi Purpose Helper ஆகிய பதவிகளுக்கு சுழற்சி முறையில் 24/7 வேலை பார்க்க வேண்டியிருக்கும். விண்ணப்பதாரர்கள் உள்ளூர்வாசியாக இருக்க வேண்டும்.

விண்ணப்பிக்கும் முறை மற்றும் முக்கிய நாட்கள்

இந்த வேலைவாய்ப்புக்கு விண்ணப்பிக்க விரும்பும் தகுதியுள்ள பெண்கள், அதிகாரப்பூர்வ அறிவிப்பை முழுமையாகப் படித்து உறுதி செய்தபின் விண்ணப்பிக்கலாம். விண்ணப்பக் கட்டணம் எதுவும் கிடையாது.

• ஆரம்ப நாள்: 10.11.2025

• கடைசி நாள்: 21.11.2025

விண்ணப்பப் படிவத்தை இணையதளத்தில் பதிவிறக்கம் செய்து, பூர்த்தி செய்து, தேவையான ஆவணங்களுடன் நேரிலோ அல்லது மின்னஞ்சல் மூலமாகவோ அனுப்ப வேண்டும். நேர்காணல் மூலம் தகுதியானவர்கள் தேர்வு செய்யப்படுவார்கள்.

விண்ணப்பங்களை அனுப்ப வேண்டிய முகவரி:

மாவட்ட சமூக நல அலுவலகம்,

மாவட்ட ஆட்சியர் அலுவலக வளாகம், 8வது தளம்,

சிங்காரவேலர் மாளிகை, ராஜாஜி சாலை,

சென்னை – 01.