தங்களிடம் இருக்கும் பணத்தை ஏதாவது ஒன்றில் முதலீடு செய்தது லாபம் பர்க்க வேண்டும் என்பதே அனைவரின் நோக்கமாக இருக்கும். நிலையான வைப்புத் தொகையில் (Fixed Deposit)-ல் அதிக வட்டி விகிதம் தரும் வங்கிகளை இங்கு காணலாம்.
இன்றைய சேமிப்பும் திட்டமிடலும் நாளைய சிறப்பான எதிர்காலத்திற்கு அடித்தளமிடும். விருப்ப ஓய்வு பெற்றவர்கள், சொத்து விற்று பணம் பெற்றவர்கள் தங்கள் பணத்தை பாதுகாப்பான இடங்களில் முதலீடு செய்து பிற்கால தேவைக்காக பயன்படுத்திக்கொள்ள நினைப்பதுண்டு. குறிப்பட்ட அளவு பணம் கையிருப்பில் இருக்கும் போது அதனை நிலையான வைப்புதொகையாக முதலீடு செய்ய அதிகம் பேர் விரும்புகின்றனர். அதற்கு அதிக வட்டிவிகிதத்தையும் எதிர்பார்க்கின்றனர்.
Fixed Deposit (FD)
ஒரு குறிப்பட்ட தொகையை நீண்ட நாட்களுக்கு முதலீடு செய்வதே நிலையான வைப்பு திட்டமாகும். பஞ்சாப் நேஷனல் வங்கி (PNB) மற்றும் பாங்க் ஆப் இந்தியா (BOI) வங்கிகள் சமீபத்தில் தங்கள் நிலையான வைப்பு RD வட்டி விகிதங்களை திருத்தியது குறிப்பிடத்தக்கது.
உங்களிடம் பணம் இருந்தால் அதனை வங்கிகளில் முதலீடு செய்ய விரும்பினல் இதோ கீழ் காணும் வங்கிகளில் உங்களுக்கான வங்கியை தேர்ந்தெடுத்துக்கொள்ளுங்கள். நிலையான வைப்புத் தொகைக்கு அதிக வட்டி விகிதம் தரும் சிறந்த 5 வங்கிகள் குறித்து இங்கு காணலாம்.
ICICI Bank
ஐசிஐசிஐ வங்கி 15 முதல் 18 மாதங்களுக்கு இடையிலான காலத்துடன் கூடிய FDக்கு அதிகபட்சமாக 7.25% சதவீத வட்டியை வழங்குகிறது. மூத்த குடிமக்கள் கூடுதலாக 55 அடிப்படை புள்ளிகள் என ஆண்டுக்கு 7.80% சதவீதம் வட்டி வழங்குகிறது.
HDFC Bank
ஹெச்.டி.எஃப்.சி வங்கி 2 ஆண்டுகள் மற்றும் 11 மாத காலத்துடன் கூடிய FDக்கு 7.35% சதவீதத்தை வழங்குகிறது. மூத்த குடிமக்களுக்கு கூடுதலாக 50 அடிப்படை புள்ளிகளைப் பெறுவர். அதாவது 7.85% சதவீதம். அதிகபட்சமாக 4 ஆண்டுகள் மற்றும் 7 மாத காலத்துடன் கூடிய FD-க்கு தவணைக்காலத்திற்கு 7.40 % சதவீதம் வழங்கப்படுகிறது. மூத்த குடிமக்கள் 7.90 % வட்டி விகிதம் வழங்கப்படுகிறது.
Punjab National Bank
பஞ்சாப் நேஷனல் வங்கி (பிஎன்பி) 400 நாட்கள் நிலையான வைப்புத்தொகைக்கு 7.25% சதவீத வட்டி விகிதத்தையும், மூத்த குடிமக்களுக்கு 7.75% சதவீதத்தையும் வழங்குகிறது. அதிக வட்டி விகிதம் வழங்கும் வங்கிகளில் இதுவே முதலிடம்.
Kotak Mahindra Bank
கோடக் மஹிந்திரா வங்கி 390 நாட்கள் முதல் 23 மாதங்களுக்கும் குறைவான காலத்துடன் கூடிய வைப்புத்தொகைக்கு 7.4% சதவீத வட்டி விகிதத்தையும், மூத்த குடிமக்கள் தவணைக்காலத்தில் ஆண்டுக்கு 7.9% சதவீத வட்டி பெறுவர்.
Bank of Baroda
பாங்க் ஆப் பரோடா வங்கி 399 நாட்கள் கொண்ட நிலையான வைப்புத்தொகை கணக்கிற்கு அதிகபட்சமாக 7.25% சதவீத வட்டி விகிதத்தையும், மூத்த குடிமக்களுக்கு தவணைக்காலத்தில் ஆண்டுக்கு 7.75 சதவீதம் (அதாவது கூடுதல் 50 அடிப்படை புள்ளிகள்) வழங்கப்படுகிறது என்பது குறிப்பிடத்தக்கது.
சேனலை கிளிக் செய்து பின்தொடரவும்