Today Gold Rate in Chennai : விடாமல் ஜெட் வேகத்தில் உயரும் தங்கம் விலை.. இன்றை நிலவரம் என்ன தெரியுமா?

தங்கத்தின் விலை கடந்த சில நாட்களாக தொடர்ந்து ஏற்றம், இறக்கம் கண்டு வந்த நிலையில் இன்றைய தங்கம் மற்றும் வெள்ளி விலை நிலவரத்தை காணலாம்.

தங்கம் பெண்களுக்கு மிகவும் பிடித்தமான ஒன்றாகும். தென் இந்தியாவில் அதிகளவிலான தங்கத்தை வைத்துள்ள மாநிலத்தில் தமிழ்நாடு முன்னிலையில் வகிக்கிறது. மேலும் தமிழ்நாட்டு பெண்களின் தங்க நகைகள் மீதான மோகம் மிகவும் அதிகம் என்பது அனைவரும் அறிந்த ஒன்றே. இந்நிலையில், தங்கம் விலை  4வது நாளாக உயர்ந்து வருகிறது.

நேற்றைய நிலவரப்படி, சவரனுக்கு  ரூ.48 உயர்ந்து  ரூ.43,728-க்கு விற்பனையானது. அதேபோல், தங்கம் கிராமுக்கு  ரூ. 06 உயர்ந்து ரூ.5,466க்கு விற்பனையானது.

இன்றைய (ஆகஸ்ட் 24) நிலவரப்படி, சென்னையில் 22 கேரட் ஆபரணத் தங்கத்தின் விலை சவரனுக்கு ரூ.112 உயர்ந்து  ரூ.43,840-ஆக விற்பனை செய்யப்படுகிறது. 22 கேரட் தங்கம் கிராமுக்கு ரூ. 14 உயர்ந்து ரூ.5,480ஆக விற்பனையாகிறது. 24 கேரட் தங்கம் கிராம் ஒன்றுக்கு ரூ. 5,936ஆக விற்பனையாகிறது. 24 கேரட் தங்கம் சவரன் ரூ. 47,488ஆக விற்பனையாகிறது.

வெள்ளி விலை ஒரு ரூபாய் 50 காசுகள் உயர்ந்து கிராம் வெள்ளி ரூ.80.00க்கு விற்பனை செய்யப்படுகிறது. மேலும் ஒரு கிலோ வெள்ளி ரூ.80,000க்கும் விற்பனை செய்யப்படுகிறது.