இந்த தொழிலில், தினசரி ரூ.800 முதல் ரூ.1,000 வரை லாபம் பெற வாய்ப்பு உள்ளது. சரியான இடத்தை தேர்வு செய்தால், கோடை காலம் மட்டுமல்லாது ஆண்டு முழுவதும் வருமானம் ஈட்ட முடியும்.
வரவிருக்கும் கோடை காலம் சிறு தொழில் தொடங்க நினைப்பவர்களுக்கு நல்ல வாய்ப்புகளை உருவாக்குகிறது. வெயில் அதிகரிக்கும் போது, மக்கள் குளிர்ச்சியான உணவுகள் மற்றும் பானங்களை அதிகம் நாடுவார்கள். இந்த தேவையை சரியாக பயன்படுத்தினால், குறைந்த முதலீட்டில் நிலையான வருமானம் ஈட்ட முடியும். அந்த வகையில், கோன் ஐஸ்கிரீம் விற்பனை என்பது கோடை காலத்தில் அதிக வரவேற்பைப் பெறும் ஒரு சிறந்த தொழிலாகக் கருதப்படுகிறது.
25
குறைந்த முதலீட்டு வியாபாரம்
கோன் ஐஸ்கிரீம் தொழிலின் முக்கிய பலன், அதிக இடம் தேவையில்லை என்பதுதான். மால்கள், பேருந்து நிலையங்கள், பூங்காக்கள், சுற்றுலா பகுதிகள், பள்ளி மற்றும் கல்லூரி அருகிலான இடங்கள் போன்ற மக்கள் கூடும் பகுதிகளில் இந்தத் தொழிலைத் தொடங்கலாம். நடமாடும் ஸ்டால் அல்லது சிறிய கடை மூலமாகவே விற்பனை செய்ய முடியும். சரியான இடத்தை தேர்வு செய்தால், குறுகிய காலத்திலேயே வாடிக்கையாளர்களின் கவனத்தை ஈர்க்க முடியும்.
35
ஐஸ்கிரீம் தொழில்
இந்த தொழிலை தொடங்குவதற்கு தேவையான முதலீடு அதிகமாக இல்லை. கோன் ஐஸ்கிரீம் தயாரிக்கும் இயந்திரம் சுமார் ரூ.1 லட்சம் வரை செலவாகும். இதற்குடன், பால், சர்க்கரை, சுவை சாரங்கள், கோன்கள் போன்ற மூலப்பொருட்களுக்கு சுமார் ரூ.10,000 செலவாகும். ஸ்டால் அமைப்பு மற்றும் அடிப்படை வசதிகளுக்காக ரூ.5,000 முதல் ரூ.10,000 வரை ஒதுக்கினால் போதுமானதாக இருக்கும். மொத்த முதலீடு சுமார் ரூ.1.3 லட்சம் முதல் ரூ.1.5 லட்சம் வரை இருக்கும்.
விற்பனை தரப்பில் பார்த்தால், ஒரு கோன் ஐஸ்கிரீமை ரூ.20க்கு விற்பனை செய்தால், தினமும் 100 ஐஸ்கிரீம்கள் விற்றாலே ரூ.2,000 வருமானம் கிடைக்கும். இதில் மூலப்பொருள் செலவு, மின்சாரம் மற்றும் சிறிய செலவுகளை கழித்தாலும், தினமும் ரூ.800 முதல் ரூ.1,000 வரை லாபம் பெற வாய்ப்பு உள்ளது. கோடை காலத்தில் கூட்டம் அதிகரிக்கும் போது, விற்பனையும் லாபமும் மேலும் உயரும்.
55
கோன் ஐஸ்கிரீம் பிஸினஸ்
இந்த தொழில் மாணவர்கள், இல்லத்தரசிகள் மற்றும் பகுதி நேர வருமானம் தேடுபவர்களுக்கு ஏற்றதாகும். ஆரம்பத்தில் கோடை காலத்துக்காக தொடங்கினாலும், சரியான இடம் மற்றும் தரமான தயாரிப்பு இருந்தால் ஆண்டு முழுவதும் வருமானம் ஈட்ட முடியும். தொழிலை தொடங்குவதற்கு முன் அனுபவம் உள்ளவர்களிடம் ஆலோசனை பெறுவது, ஆரம்ப சிக்கல்களை தவிர்க்க உதவும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
