பிரெஞ்ச் ஃபிரைஸ் கடை தொழிலை குறைந்த முதலீட்டில் தொடங்கி நல்ல லாபம் ஈட்டலாம். சுமார் ரூ.20,000 முதல் ரூ.30,000 முதலீட்டில், ஒரு நாளைக்கு ரூ.1200 வரை சம்பாதித்து, மாதத்திற்கு ரூ.35,000 வரை வருமானம் பெற முடியும்.
பிரெஞ்ச் ஃபிரைஸ் என்றாலே ஃபுட் கோர்ட்டுகள், ரெஸ்டாரண்ட்கள்தான் நினைவுக்கு வரும். ஆனால் இப்போது தெருக்களிலும் பிரெஞ்ச் ஃபிரைஸ் கடைகள் பிரபலமாகி வருகின்றன. சிறிய நகரங்கள், கல்லூரிகள், பேருந்து நிலையங்கள், திரையரங்குகள் அருகே இவை நல்ல வருமானம் தரும். ஒரு சிறிய கடை அமைத்து தினசரி லாபம் ஈட்டலாம்.
24
பிரெஞ்ச் ஃபிரைஸ்
இந்தத் தொழிலைத் தொடங்கத் தேவையான முக்கியப் பொருட்கள் என்னென்ன என்று பார்க்கலாம். பிரெஞ்ச் ஃபிரைஸ் மெஷின் விலை சுமார் ரூ.3,500 முதல் கிடைக்கிறது. ஸ்டால் ரூ.5,000க்குள் கிடைக்கும். உருளைக்கிழங்கு 2.5 கிலோ பேக் ரூ.270-300, எண்ணெய், மசாலாக்கள் ரூ.1,000க்குள் வாங்கலாம். மொத்தத்தில் ரூ.20,000 முதல் ரூ.30,000 முதலீட்டில் தொடங்கலாம்.
34
குறைந்த முதலீட்டு வியாபாரம்
இதன் செய்முறை மிகவும் எளிது. பிரெஞ்ச் ஃபிரைஸ் மெஷினில் எண்ணெய் ஊற்றி, உருளைக்கிழங்கு துண்டுகளைப் பொரிக்க வேண்டும். பொன்னிறமாக மாறியதும் சாட் மசாலா அல்லது சிறப்பு சாஸ் தூவலாம். சூடான ஃபிரைஸ் வாடிக்கையாளர்களை ஈர்க்கும். உங்கள் சொந்த பிராண்டிங்கிலும் பேக் செய்யலாம். ஒரு பாக்கெட் பிரெஞ்ச் ஃபிரைஸ் தயாரிக்க சுமார் ரூ.20 செலவாகும். அதை ரூ.50க்கு விற்றால், ஒரு பாக்கெட்டுக்கு ரூ.30 லாபம் கிடைக்கும்.
ஒரு நாளைக்கு 40 பாக்கெட்டுகள் விற்றால் கூட, ரூ.1200 வரை லாபம் பார்க்கலாம். மாதத்திற்கு ரூ.35,000 வரை வருமானம் ஈட்டலாம். ஆரம்பத்தில் ஒரு சிறிய ஸ்டாலில் தொடங்கி, படிப்படியாக இடங்களை அதிகரிக்கலாம். வாடிக்கையாளர்களுக்கு சீஸ் ஃபிரைஸ் அல்லது பெரி பெரி ஃபிரைஸ் போன்ற வெரைட்டிகளை வழங்கினால், உங்கள் பிராண்டிற்கு நல்ல பெயர் கிடைக்கும். விரைவில் உங்கள் சிறிய கடை ஒரு பெரிய ஃபுட் பிராண்டாக வளரலாம்.
