Business Idea: மாசம் 1 லட்சம் சம்பாதிக்கலாம்! இந்த டிரெண்டிங் பிசினஸ் ஐடியா பற்றி தெரியுமா?

Business Idea: சமீப காலமாக நகர்ப்புறங்களில் வேகமாக பிரபலமடைந்து வரும் தொழில்களில் ஒன்றாக பிரைவேட் தியேட்டர் பார்க்கப்படுகிறது. இந்த தொழிலை தொடங்க எவ்வளவு முதலீடு தேவை, வருமான வாய்ப்பு என்ன என்பதைப் பார்ப்போம்.

இந்தியாவில் பிரபலமாகி வரும் பிசினஸ் ஐடியா

இப்போதெல்லாம் இளைஞர்கள், குடும்பங்கள் என எல்லோருமே பிரைவசிக்கு முக்கியத்துவம் கொடுக்கிறார்கள். அதனால்தான் பிரைவேட் தியேட்டர் கான்செப்ட் பிரபலமாகி வருகிறது. ஹைதராபாத், பெங்களூரு, சென்னை, டெல்லி போன்ற மெட்ரோ நகரங்களில் மட்டும் இருந்த இந்த பிசினஸ், இப்போது சிறிய நகரங்களுக்கும் பரவியுள்ளது. பிறந்தநாள், திருமண நாள், நண்பர்களின் சந்திப்பு என பலரும் இதை புக் செய்கிறார்கள். இந்தத் தொழிலைத் தொடங்க பெரிய வணிக வளாகம் தேவையில்லை.

500 சதுர அடி இருந்தால் போதும்

500 முதல் 1,000 சதுர அடி இடம் இருந்தால் போதும். சொந்த பிளாட் அல்லது வாடகைக்கு ஒரு ஹால் எடுத்தும் ஆரம்பிக்கலாம். ஒரு நல்ல புரொஜெக்டர் அல்லது பெரிய டிவி, சவுண்ட் சிஸ்டம், சொகுசான சோஃபாக்கள், ஏசி, அழகான இன்டீரியர் மற்றும் லைட்டிங் ஆகியவை முக்கிய தேவைகள். இவற்றை ஒருமுறை அமைத்தால் பல ஆண்டுகள் பயன்படுத்தலாம். பொதுவாக, வாடிக்கையாளர்கள் 1 முதல் 3 மணி நேரம் வரை புக் செய்வார்கள். இடத்தைப் பொறுத்து, ஒரு மணி நேரத்திற்கு ரூ.1,000 முதல் ரூ.2,500 வரை கட்டணம் வசூலிக்கலாம்.

பிரைவேட் தியேட்டர்

ஒரு நாளைக்கு இரண்டு புக்கிங் வந்தால்கூட, குறைந்தபட்சம் ரூ.2,000 முதல் ரூ.5,000 வரை வருமானம் கிடைக்கும். வார இறுதி நாட்கள் மற்றும் விடுமுறை நாட்களில் புக்கிங் இன்னும் அதிகரிக்கும். பிரைவேட் தியேட்டரை படம் பார்க்க மட்டுமல்லாமல், பிறந்தநாள், திருமண நாள், ப்ரொபோசல், பேபி ஷவர், ஃபேர்வெல் பார்ட்டி, சிறிய கார்ப்பரேட் மீட்டிங் போன்ற பல நிகழ்வுகளுக்கும் பயன்படுத்துகின்றனர். இந்த நிகழ்ச்சிகளுக்கு சீசன் கிடையாது என்பதால், ஆண்டு முழுவதும் டிமாண்ட் இருக்கும். சோஷியல் மீடியா தாக்கத்தால், விசேஷமான கொண்டாட்டங்களை விரும்பும் நபர்களின் எண்ணிக்கை அதிகரித்துள்ளது.

தனியார் திரையரங்கு மூலம் கிடைக்கும் லாபம்

இந்த பிசினஸில் உண்மையான லாபம் கூடுதல் சேவைகளில்தான் இருக்கிறது. வாடிக்கையாளர் கேட்கும் தீமிற்கு ஏற்ப பலூன், பூக்கள், கேண்டில் லைட் டெக்கரேஷன் செய்து தரலாம். சாதாரண புக்கிங்கிற்கு ரூ.1,000 வாங்கினால், தீம் டெக்கரேஷனுடன் சேர்த்து ரூ.3,000 முதல் ரூ.8,000 வரை பேக்கேஜாக விற்க முடியும். போட்டோகிராபர்கள், கேக் கடைகளுடன் பார்ட்னர்ஷிப் வைத்தால் கமிஷன் மூலமும் சம்பாதிக்கலாம்.