PF Balance Check: உங்கள் PF அக்கவுன்ட்டில் எவ்வளவு பணம் உள்ளது? என்னென்ன பரிவர்த்தனைகள் நடந்துள்ளது? என்பதை வீட்டில் இருந்தே செக் பண்ணலாம். அதற்கான எளிய வழிகளை இந்த பதிவில் தெரிந்து கொள்ளுங்கள்.
வேலைக்குச் செல்லும் ஊழியர்களுக்கு, வருங்கால வைப்பு நிதி (EPFO) ஒரு முக்கியமான சேமிப்புத் திட்டமாகும். ஒவ்வொரு மாதமும் ஊழியரின் சம்பளத்தில் இருந்து ஒரு குறிப்பிட்ட தொகை பிஎஃப் கணக்கில் டெபாசிட் செய்யப்படுகிறது.
அதேபோல, ஊழியர் வேலை செய்யும் நிறுவனமும் தனது பங்களிப்பைச் செலுத்தும். அதனால், உங்கள் பிஎஃப் கணக்கில் இதுவரை எவ்வளவு பணம் சேர்ந்துள்ளது என்பதைத் தெரிந்து வைத்திருப்பது அவசியம்.
இதற்காக நீங்கள் அலுவலகம் செல்ல வேண்டியதில்லை. EPFO பாஸ்புக் போர்ட்டல், UMANG ஆப், SMS மற்றும் மிஸ்டு கால் என நான்கு எளிய வழிகளில் வீட்டில் இருந்தபடியே உங்கள் PF பேலன்ஸை சரிபார்க்கலாம். அதைப்பற்றி விரிவாகப் பார்ப்போம்.
25
பிஎஃப் கணக்கிற்கு UAN நம்பர் ஏன் முக்கியம்?
EPFO-வில் ஒரு பிஎஃப் கணக்கு தொடங்கியவுடன், ஒவ்வொரு ஊழியருக்கும் 12 இலக்க UAN (Universal Account Number) வழங்கப்படும். இந்த எண் ஒரு ஊழியருக்கு நிரந்தரமானது. நீங்கள் வேலை மாறினாலும் UAN எண் மாறாது. புதிய நிறுவனத்தில் சேர்ந்த பிறகும், இதே UAN எண்ணை வைத்துதான் பிஎஃப் தொடர்பான பரிவர்த்தனைகளைச் செய்ய முடியும். பிஎஃப் கணக்கில் ஊழியர் மற்றும் நிறுவனம் ஆகிய இருவரின் பங்களிப்பும் டெபாசிட் செய்யப்படும். ஊழியரின் பங்களிப்பு பொதுவாக அடிப்படைச் சம்பளம் மற்றும் அகவிலைப்படியில் 12 சதவீதம் வரை இருக்கும். பிஎஃப் கணக்கில் உள்ள தொகைக்கு அரசாங்கம் ஒவ்வொரு ஆண்டும் வட்டியும் வழங்குகிறது.
35
1. EPFO பாஸ்புக் போர்ட்டல் மூலம் PF பேலன்ஸ் சரிபார்ப்பது எப்படி?
* முதலில் EPFO உறுப்பினர் பாஸ்புக் போர்ட்டல் தளத்திற்குச் செல்லுங்கள்.
* உங்கள் UAN எண், பாஸ்வேர்டு மற்றும் கேப்ட்சா குறியீட்டை உள்ளிடவும்.
* இப்போது லாகின் செய்யவும்.
* உங்கள் உறுப்பினர் ஐடியை (Member ID) தேர்ந்தெடுக்கவும்.
* திரையில் உங்கள் பிஎஃப் கணக்கின் பாஸ்புக் தோன்றும்.
* அதில் ஊழியர் மற்றும் நிறுவனத்தின் பங்களிப்பு, கணக்கில் உள்ள மொத்த இருப்பு ஆகியவற்றை நீங்கள் பார்க்கலாம்.
2. UMANG ஆப் மூலம் PF பேலன்ஸ் சரிபார்ப்பது எப்படி?
* உங்கள் மொபைலில் UMANG செயலியை டவுன்லோட் செய்யவும்.
* செயலியைத் திறந்து EPFO சேவையைத் தேர்ந்தெடுக்கவும்.
* இப்போது 'View Passbook' என்ற ஆப்ஷனைக் கிளிக் செய்யவும்.
* உங்கள் UAN எண்ணை உள்ளிடவும்.
* பதிவு செய்யப்பட்ட மொபைல் எண்ணுக்கு வரும் OTP-ஐ உள்ளிடவும்.
* இப்போது உங்கள் பிஎஃப் பாஸ்புக் மற்றும் கணக்கு இருப்பு மொபைல் திரையில் தெரியும்.
55
3. SMS அனுப்பி PF பேலன்ஸ் அறிவது எப்படி?
இன்டர்நெட் அல்லது செயலி இல்லாமலும் பிஎஃப் கணக்கு இருப்பை நீங்கள் சரிபார்க்கலாம். இதற்காக, உங்கள் EPFO கணக்குடன் இணைக்கப்பட்ட மொபைல் எண்ணிலிருந்து ஒரு SMS அனுப்ப வேண்டும். உங்கள் மொபைலின் மெசேஜ் பாக்ஸில் EPFOHO UAN என டைப் செய்து, 7738299899 என்ற எண்ணுக்கு அனுப்பவும். அதன் பிறகு, பிஎஃப் கணக்கு தொடர்பான தகவல்கள் உங்களுக்கு SMS மூலம் கிடைக்கும்.
4. மிஸ்டு கால் கொடுத்து தகவல் பெறுவது எப்படி?
பிஎஃப் பேலன்ஸை சரிபார்க்க மிஸ்டு கால் வசதியும் உள்ளது. உங்கள் EPFO கணக்கில் பதிவு செய்யப்பட்ட மொபைல் எண்ணிலிருந்து 9966044425 என்ற எண்ணுக்கு மிஸ்டு கால் கொடுங்கள். அதன்பிறகு, பிஎஃப் கணக்கு தொடர்பான தகவல்கள் உங்களுக்கு SMS மூலம் அனுப்பப்படும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
