Gold Rate Today (November 04): காலையிலேயே கிடைத்த சந்தோஷ செய்தி.! நகை கடைகளில் குவிந்த பெண்கள்.!

செவ்வாய்கிழமை அன்று தங்கம், வெள்ளி விலையில் சரிவு ஏற்பட்டுள்ளது. சென்னையில் ஒரு சவரன் ஆபரணத் தங்கம் ரூ.800 குறைந்து ரூ.90,000 ஆகவும், ஒரு கிராம் வெள்ளி ரூ.165 ஆகவும் விற்பனை செய்யப்படுகிறது. விலை குறைவு  இல்லத்தரசிகளுக்கு நிம்மதியை அளித்துள்ளது.

மகிழ்ச்சி அடைந்த இல்லத்தரசிகள்

வாரத்தின் இரண்டாவது வர்த்தக நாளான செவ்வாய் கிழமையில் தங்கம் மற்றும் வெள்ளி விலையில் சிறிது தளர்ச்சி ஏற்பட்டுள்ளது. கடந்த சில நாட்களாக ஜெட் வேகத்தில் உயர்ந்து வந்த விலைகள் இன்று திடீரென குறைந்ததால், திருமண ஏற்பாட்டாளர்கள், இல்லத்தரசிகள் மற்றும் நடுத்தர வர்க்க மக்கள் அனைவரும் மகிழ்ச்சி அடைந்துள்ளனர்.

ஆபரணத்தங்கம் விலை சரிவு!

சென்னையில் இன்று ஒரு கிராம் ஆபரணத்தங்கம் விலை ரூ.100 குறைந்து ரூ.11,250 ஆக நிர்ணயிக்கப்பட்டுள்ளது. இதனுடன், ஒரு சவரன் தங்கத்தின் விலை ரூ.800 குறைந்து ரூ.90,000 ஆக விற்பனை செய்யப்படுகிறது. கடந்த சில வாரங்களாக தொடர்ந்து உயர்ந்த விலை நிலவரம் காரணமாக திருமணங்கள் மற்றும் சிறப்பு நிகழ்ச்சிகளுக்கான தங்க வாங்குதல் தள்ளிப்போன நிலையில், இன்றைய விலை குறைவு மக்களுக்கு சிறிதளவு நிம்மதியை ஏற்படுத்தியுள்ளது.

இதேபோல், வெள்ளி விலையும் இன்று குறைவடைந்துள்ளது. ஒரு கிராம் வெள்ளி ரூ.3 குறைந்து தற்போது ரூ.165-க்கு விற்பனை செய்யப்படுகிறது. அதேசமயம், ஒரு கிலோ பார்வெள்ளி ரூ.1,65,000 என விற்பனை செய்யப்படுகிறது.

தங்கம் மற்றும் வெள்ளி விலைகளில் ஏற்பட்ட இந்த திடீர் சரிவு, வரவிருக்கும் திருமண சீசனில் நகை கடைகள் மீண்டும் கூட்டம் நிறைந்திருக்கும் என வணிகர்கள் நம்பிக்கை தெரிவித்துள்ளனர். விலை குறைந்துள்ளதால் பலரும் தங்கம் வாங்குவதற்கு இது சிறந்த வாய்ப்பாக கருதப்படுகிறது.