தங்கக் கடன் vs வீட்டுக்கடன். எந்தக் கடன் உங்களுக்கு அதிக லாபத்தைத் தரும்? இரண்டின் நன்மைகள், வட்டி விகிதங்கள் மற்றும் எதைத் தேர்ந்தெடுக்க வேண்டும் என்பதற்கான வழிமுறைகளை பற்றி பார்போம்.
அவசரத் தேவைக்காகவோ அல்லது பெரிய முதலீட்டிற்காகவோ கடன் வாங்க வேண்டும் என்ற யோசனை வரும்போது, நம் நினைவுக்கு வருவது தங்கக் கடனும் வீட்டுக்கடனும்தான். ஆனால், இந்த இரண்டில் எந்தக் கடன் நமக்குச் சிறந்தது? எதில் வட்டி குறைவு? எதில் நன்மைகள் அதிகம்? இதை பற்றி விரிவாகப் பார்க்கலாம்.
24
தங்கக் கடன் (Gold Loan)
உங்களிடம் இருக்கும் தங்க நகைகளை வங்கியில் அல்லது நிதி நிறுவனங்களில் வைத்து உடனடியாகக் கடன் பெறுவதுதான் தங்கக் கடன். இதன் மிகப்பெரிய சிறப்பம்சம் என்னவென்றால், இதன் செயலாக்க நேரம் (Processing Time) மிகக் குறைவு. சில மணி நேரங்களிலேயே பணம் உங்கள் கைக்கு வந்துவிடும்.
குறைந்த ஆவணங்கள் - பெரிய அளவில் வருமானச் சான்றிதழ்கள் அல்லது சிபில் ஸ்கோர் (CIBIL Score) தேவையில்லை. நகையே உத்தரவாதமாக இருப்பதால் வங்கிகள் எளிதில் கடன் வழங்கும்.
நெகிழ்வான திருப்பிச் செலுத்தும் முறை - குறுகிய கால அவகாசம் மற்றும் மாதாந்திர வட்டி கட்டும் வசதி இருப்பதால், நடுத்தரக் குடும்பங்களின் அவசர மருத்துவச் செலவுகள் மற்றும் கல்வித் தேவைகளுக்கு இது மிகச் சிறந்த சாய்ஸ் ஆகும். இருப்பினும், இதன் வட்டி விகிதம் வீட்டுக்கடனை விடச் சற்று அதிகமாக இருக்கும். மேலும், குறுகிய காலத்திற்குள்ளேயே (பொதுவாக 6 மாதம் முதல் 1 வருடம்) தொகையைத் திருப்பிச் செலுத்த வேண்டும்.
34
வீட்டுக் கடன் (Home Loan)
புதிய வீடு வாங்குவதற்கோ அல்லது நிலம் வாங்கி வீடு கட்டுவதற்கோ மட்டுமே வழங்கப்படுவது வீட்டுக்கடன். இது நீண்ட காலத்திற்கு (15 முதல் 30 ஆண்டுகள் வரை) வழங்கப்படுவதால், மாதாமாதம் நாம் கட்டும் EMI தொகை நமது பட்ஜெட்டைப் பாதிக்காத வகையில் மிகக் குறைவாக இருக்கும்.
குறைந்த வட்டி விகிதம் - மற்ற கடன்களை ஒப்பிடும்போது வீட்டுக்கடனுக்குத் மட்டும்தான் வட்டி விகிதம் மிகக் குறைவாக (சுமார் 8% முதல் 9% வரை) நிர்ணயிக்கப்படுகிறது.
வரிச் சலுகைகள் (Tax Benefits) - வருமான வரிச் சட்டம் பிரிவு 80C மற்றும் 24(B)-ன் கீழ் வட்டி மற்றும் அசல் தொகைக்கு மிகப்பெரிய அளவில் வரி விலக்கு பெறலாம். இது நமது சேமிப்பை உயர்த்தும். ஆனால், இதற்குப் பல ஆவணங்கள் தேவைப்படும். சிபில் ஸ்கோர் நன்றாக இருக்க வேண்டும், மேலும் கடன் ஒப்புதல் பெறச் சில வாரங்கள் வரை காத்திருக்க வேண்டியிருக்கும்.
உங்களுக்குச் சில லட்சங்கள் மட்டுமே தேவைப்பட்டு, சில மாதங்களில் திருப்பிக் கொடுக்க முடியும் என்றால், கணப்பொழுதில் கிடைக்கக்கூடிய தங்கக் கடனைத் தேர்ந்தெடுக்கலாம். மாறாக, உங்களது எதிர்காலத்திற்காக ஒரு நிரந்தரச் சொத்தை உருவாக்கவும், நீண்ட கால அடிப்படையில் குறைந்த வட்டியில் பெரிய தொகை தேவைப்பட்டாலும் வீட்டுக் கடனே எப்போதும் சிறந்த மற்றும் புத்திசாலித்தனமான தேர்வாகும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
