மும்பையில் சோற்றுக்கே வழியில்லாத சிறிய அறையில் வாழ்ந்த ராதாகிஷன் தமானி, எப்படி இந்தியாவின் மிகப்பெரிய ரீடெயில் சாம்ராஜ்யமான 'டி-மார்ட் ' உருவாக்கினார் என்ற உத்வேகமான கதை பற்றி பார்ப்போம்.
ரூ.1.65 லட்சம் கோடி டி-மார்ட் சாம்ராஜ்யத்தை உருவாக்கிய தமானி
மும்பையின் நெரிசலான சந்துகளில் ஒருவேளை சாப்பாட்டுக்கே வழியில்லாமல் தவித்த ஒரு சிறுவன், பிற்காலத்தில் இந்தியாவின் மிகப்பெரிய சூப்பர் மார்க்கெட் சாம்ராஜ்யத்தை உருவாக்கி, லட்சக்கணக்கான கோடிகளுக்கு அதிபதியாவார் என்று யாராவது நினைத்து இருப்பார்களா?
இந்தியாவின் முன்னணி பெரும் பணக்காரர்களில் ஒருவரான ராதாகிஷன் தமானியின் (Radhakishan Damani) இந்த நிஜ வாழ்க்கை பயணம், எந்தவொரு சினிமா திரைக்கதையையும் மிஞ்சும் அசாத்திய உத்வேகக் கதை!
24
வறுமை, தோல்வி & தொடக்க கால சோதனைகள்
ராஜஸ்தானின் ஒரு குக்கிராமத்தில் 1955 ஜூலை 12 அன்று பிறந்தவர் ராதாகிஷன் தமானி. பிழைப்பைத் தேடி குடும்பத்துடன் மும்பைக்கு வந்த அவரது தந்தை, அங்கு சிறிய தொழிலைச் செய்து வந்தார். ஒட்டுமொத்த குடும்பமும் அடைந்து கிடந்தது ஒரேயொரு சிறிய ஒற்றை அறையில்தான். படிப்பில் அவருக்கு சுத்தமாக நாட்டம் செல்லவில்லை. கல்லூரியில் சேர்ந்த முதல் ஆண்டிலேயே அனைத்துப் பாடங்களிலும் தோல்வியடைந்து படிப்பை பாதியிலேயே கைவிட்டார். வேறு வழியின்றி தந்தையின் சிறிய தொழில் பக்கமே ஒதுங்கினார்.
ஆனால், விதி அவரை அத்துடன் விடவில்லை. அடுத்தடுத்து சோதனைகள் வரிசைகட்டி நின்றன. எதிர்பாராத விதமாகத் தந்தை காலமானார்; மருத்துவச் செலவுகளிலும் குடும்பச் சுமையிலும் கையிலிருந்த சொற்பப் பணமும் கரைந்துபோனது. குடும்பத்தைக் காப்பாற்ற வழியில்லை; கையில் நயா பைசா இல்லை; எந்தவித சிறப்புத் திறமையும் இல்லை. ஆனால், அவரிடம் ஒரு விஷயம் மட்டும் அணையாத தீயாக எரிந்து கொண்டிருந்தது. வாழ்க்கையில் எப்படியாவது ஒரு பெரிய ஆளாக உருவெடுக்க வேண்டும் என்ற தீராத வெறி!
34
பங்குச் சந்தை கிங்: அடித்தளமிட்ட முதலீடுகள்
அடுத்து என்ன செய்வது என்று யோசித்த தமானி, இந்தியாவின் நிதித் தலைநகரான மும்பையின் பங்குச் சந்தைக்குள் (Stock Market) காலடி எடுத்து வைத்தார். தொடக்கத்தில் ஒரு சாதாரண 'ஸ்டாக் புரோக்கராக' (Stock Broker) தனது பயணத்தைத் தொடங்கியவர், சந்தையின் ஒவ்வொரு அசைவையும், ஏற்ற இறக்கங்களின் நுணுக்கங்களையும் மிகத் துல்லியமாகக் கற்றுத் தேர்ந்தார்.
அவரது கூர்மையான வர்த்தக முடிவுகளும் தீர்க்கமான நீண்ட கால முதலீடுகளும் கைகொடுக்கத் தொடங்கின. அடுத்த சில ஆண்டுகளிலேயே பங்குச் சந்தை முதலீடுகள் மூலம் நினைத்துப் பார்க்க முடியாத அளவுக்கு மாபெரும் பணக்காரராக உயர்ந்தார்.
பங்குச் சந்தையில் கொட்டிக்கிடந்த கோடிகள் பலரை ஓய்வெடுக்க வைத்திருக்கலாம். ஆனால், தமானிக்கு அது ஒரு புதிய தொடக்கத்தின் நுழைவுவாயிலாக மட்டுமே தெரிந்தது. இந்தியாவில் சூப்பர் மார்க்கெட்டுகள் மற்றும் சில்லறை வணிகம் (Retail Business) மெல்ல மெல்லத் தடம் பதிக்கத் தொடங்கிய காலகட்டம் அது.
சொந்தமாக ஒரு சில்லறை வர்த்தக சாம்ராஜ்யத்தை உருவாக்க வேண்டும் என்ற புதிய பெருங்கனவுடன், 2002-ஆம் ஆண்டு தனது முதல் டி-மார்ட் (DMart) கடையைத் திறந்தார். அன்று ஒரு சிறிய கடையில் தமானி விதைத்த அந்த விதை, இன்று விஸ்வரூபம் எடுத்து நிற்கிறது:400-க்கும் மேற்பட்ட பிரம்மாண்ட கிளைகள் இந்தியா முழுவதும் பரந்து விரிந்துள்ளன.
ரூ.1,40,000 கோடிக்கும் அதிகமான (ரூ.1.65 லட்சம் கோடி) பிரம்மாண்ட சந்தை மதிப்பு கொண்ட ரீடெயில் பேரரசாக அசுர வளர்ச்சி கண்டுள்ளது. பங்குச் சந்தையில் மாபெரும் வெற்றி பெற்ற பிறகும், இது போதும் என்று ஒரே இடத்தில் தேங்கி நிற்காமல், அடுத்தடுத்த கட்டங்களை நோக்கித் துணிச்சலாக நகர்ந்து பெரிய கனவுகளைத் துரத்தியதால்தான் ராதாகிஷன் தமானியால் இந்த வரலாற்றுச் சாதனையைப் படைக்க முடிந்தது.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
