DA Hike: அகவிலைப்படி (DA) உயர்வு அறிவிப்புக்காக மத்திய அரசு ஊழியர்களும் ஓய்வூதியதாரர்களும் காத்திருக்கின்றனர். ஆயுத பூஜைக்கு முன் அகவிலைப்படி உயர்வு இருக்குமா? என்பது குறித்து சூப்பர் அப்டேட் வந்துள்ளது.
ஜூலை 2026 முதல் கிடைக்க வேண்டிய அகவிலைப்படி (DA) மற்றும் அகவிலை நிவாரணம் (DR) உயர்வுக்காக மத்திய அரசு ஊழியர்களும் ஓய்வூதியதாரர்களும் காத்திருக்கிறார்கள். இந்த அறிவிப்பை விரைவில் வெளியிட வேண்டும் என்று அரசுக்கு ஊழியர் சங்கங்கள் கோரிக்கை வைத்துள்ளன.
ஜூலை மாதத்துக்கான அகவிலைப்படி பலன்கள்
ஆண்டுக்கு இருமுறை அகவிலைப்படி மற்றும் அகவிலை நிவாரணத் தொகையை மாற்றியமைப்பார்கள். ஜூலை 2026-க்கான தவணை ஜூலை 1-ஆம் தேதியிலிருந்தே அமலுக்கு வர வேண்டும். ஆனால், செப்டம்பர் மாதம் முடியப் போகும் நிலையிலும் இன்னும் அதிகாரப்பூர்வ அறிவிப்பு வரவில்லை. இதனால் ஊழியர்களும் ஓய்வூதியதாரர்களும் காத்துக்கொண்டிருக்கின்றனர்.
24
விரைவில் அறிவிக்க சங்கங்கள் கோரிக்கை
ஜூலை மாதத்துக்கான அகவிலைப்படி மற்றும் அகவிலை நிவாரண அறிவிப்பை விரைவில் வெளியிட வேண்டும் என்று நிதி அமைச்சகத்தின் செலவினத் துறைக்கு மத்திய அரசு ஊழியர்கள் மற்றும் தொழிலாளர் சங்கம் (CGBTU) கோரிக்கை வைத்துள்ளது. இது கூடுதல் சலுகைக்கான கோரிக்கை அல்ல, ஜூலை 1 முதல் கிடைக்க வேண்டிய உரிமையைத்தான் கேட்கிறோம் என்று அவர்கள் கூறியுள்ளனர்.
அகவிலைப்படி எவ்வளவு உயரும்?
ஜூலை 2026-க்கான அகவிலைப்படி தவணை ஆரம்பத்தில் 3% உயரும் என்று எதிர்பார்க்கப்பட்டது. ஜூன் மாத நுகர்வோர் விலை குறியீட்டுத் தரவுப்படி, அகவிலைப்படி கணக்கீடு 63.75% ஆக இருக்கும் என்று ஃபைனான்சியல் எக்ஸ்பிரஸ் கணித்தது. தற்போதைய ஃபார்முலா படி இது 63% ஆக எடுத்துக்கொள்ளப்படும்.
34
64% ஆக அகவிலைப்படி உயரலாம் என கணிப்பு
ஆனால், ஜூலை மாத நுகர்வோர் விலை குறியீட்டுத் தரவு வந்த பிறகு, ஜூலை 2026-க்கான அகவிலைப்படி 64% வரை செல்லலாம் என்று சில அறிக்கைகள் தெரிவிக்கின்றன. அரசின் அதிகாரப்பூர்வ ஒப்புதலும் அறிவிப்பும் வந்த பிறகுதான் உண்மையான சதவீதம் என்னவென்று நமக்குத் தெரியும்.
தற்போதைய அகவிலைப்படி எவ்வளவு?
ஜனவரி 2026-ல் மத்திய அரசு அகவிலைப்படியை 2% உயர்த்த ஒப்புதல் அளித்தது. இதனால் ஜனவரி 1, 2026 முதல் அகவிலைப்படி 58%-லிருந்து 60% ஆக உயர்ந்துள்ளது. அரசு தரவுப்படி, இந்த ஜனவரி 2026 அகவிலைப்படி உயர்வால் சுமார் 50.46 லட்சம் மத்திய அரசு ஊழியர்களும் 68.27 லட்சம் ஓய்வூதியதாரர்களும் பயனடைந்துள்ளனர்.
ஜூலை மாதத்துக்கான அகவிலைப்படி மற்றும் அகவிலை நிவாரணத் தவணை சீக்கிரமே அறிவிக்கப்பட்டு, அந்தப் புதிய தொகை சம்பளத்துடன் சேர்த்து வரும் என்று ஊழியர் சங்கங்கள் நம்புகின்றன. அறிவிப்பு வந்ததும், ஜூலை 1, 2026 முதல் கணக்கிடப்பட்டு அந்த மாதங்களுக்கான நிலுவைத் தொகையும் ஊழியர்களுக்குக் கிடைக்கும்.
இன்னும் அரசின் ஒப்புதல் கிடைக்கவில்லை
இப்போதைக்கு 64% அகவிலைப்படி என்பது ஒரு கணிப்பு மட்டும்தான்; இதற்கு இன்னும் அரசு ஒப்புதல் தரவில்லை. அதனால், மத்திய அரசு ஊழியர்களும் ஓய்வூதியதாரர்களும் அமைச்சரவையின் அதிகாரப்பூர்வ முடிவுக்கும் நிதி அமைச்சகத்தின் அறிவிப்புக்கும் காத்திருந்துதான் ஆக வேண்டும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
