D-mart: டி மார்ட்டில் அதிக தள்ளுபடி பெற இந்த '2 நாட்களை' மிஸ் பண்ணாதீங்க!

D-Mart: டி மார்ட்டில் இந்த நாட்களில் பொருட்கள் வாங்கினால் கூட்டமின்றி சிறப்புத் தள்ளுபடிகளுடன் பணத்தை மிச்சப்படுத்தலாம். பட்டியல் தயாரித்துச் செல்வதும், D-Mart பிராண்டுகள் மற்றும் வங்கி ஆஃபர்களைப் பயன்படுத்துவதும் கூடுதல் சேமிப்பைத் தரும்.

டி மார்ட்டில் எப்போது பொருள் வாங்கலாம்

இன்றைய நடுத்தர மற்றும் எளிய குடும்பங்களின் பட்ஜெட்டில் மிக முக்கியமான இடத்தை வகிப்பது மாத Grocery எனப்படும் அத்தியாவசியப் பொருட்கள் வாங்குவதுதான். குறைந்த விலையில் தரமான பொருட்களை வழங்குவதில் ‘டி மார்ட்’ (D-Mart) அங்காடி முதன்மை பெற்றுள்ளது.

ஆனால், அதே டி மார்ட்டில் குறிப்பிட்ட சில நாட்களில் பொருட்கள் வாங்கினால், உங்கள் பணத்தை மேலும் மிச்சப்படுத்தி அதிக லாபம் பெற முடியும் என்பது உங்களுக்குத் தெரியுமா?

​வார இறுதி நாட்களை விட வேலைநாட்களே சிறந்தது

​பெரும்பாலான மக்கள் சனி மற்றும் ஞாயிற்றுக்கிழமைகளில் தான் டி மார்ட்டிற்குச் செல்வார்கள். ஆனால், வார இறுதி நாட்களில் வாடிக்கையாளர்கள் கூட்டம் அதிகமாக இருக்கும் என்பதால், புதிய சலுகைகளோ அல்லது சிறப்புத் தள்ளுபடிகளோ உடனடியாகக் கிடைப்பது அரிது.

​மாறாக, செவ்வாய் மற்றும் புதன்கிழமைகளில் டி மார்ட் செல்வதுதான் அதிக லாபத்தைத் தரும். வாரத்தின் தொடக்கத்தில், குறிப்பாக செவ்வாய் மற்றும் புதன் கிழமைகளில் புதிய காய்கறிகள், பழங்கள் மற்றும் அத்தியாவசிய மளிகைப் பொருட்களுக்குச் சிறப்பு ஆஃபர்கள் மற்றும் தள்ளுபடிகள் புதுப்பிக்கப்படுகின்றன.

கூட்டம் குறைவாக இருக்கும்

​வேலைநாட்களில் கூட்டம் மிகக் குறைவாக இருப்பதால், அவசரமின்றி ஒவ்வொரு பொருளின் விலையையும் ஒப்பிட்டுப் பார்த்துச் நிதானமாக வாங்க முடியும்.

மாதத்தின் முதல் வாரத்தை விட, மாதத்தின் நடுப்பகுதி அல்லது இறுதி நாட்களில் (15 முதல் 25-ஆம் தேதி வரை) கூட்டமும் குறைவாக இருக்கும், தள்ளுபடிகளும் சிறப்பாகக் கிடைக்கும்.

அதிக லாபம் பெற சில பயனுள்ள குறிப்புகள்

​காலை 10 மணி முதல் 12 மணிக்குள் செல்வோர், புதிய ஸ்டாக் பொருட்களையும், அன்றைய பிரத்யேக சலுகைகளையும் முதலில் பெற முடியும்.

​டி மார்ட்டின் சொந்தத் தயாரிப்புகளான 'D-Mart Premia' மற்றும் 'Homesail' போன்ற பிராண்டுகள், மற்ற முன்னணி பிராண்டுகளை விட 20% முதல் 40% வரை குறைந்த விலையில் கிடைக்கின்றன.

​பண்டிகைக் காலங்கள் அல்லது வார நடுநாட்களில் வழங்கப்படும் காம்போ சலுகைகளைத் தேர்ந்தெடுப்பது கூடுதல் சேமிப்பைத் தரும். ​எனவே, இனி சனிக்கிழமை கூட்டத்தில் நெரிசலில் நிற்பதைத் தவிர்த்து, செவ்வாய் அல்லது புதன்கிழமைகளில் காலை நேரத்தில் டி மார்ட் சென்று திட்டமிட்டுப் பொருட்களை வாங்கி உங்கள் குடும்ப பட்ஜெட்டை மிச்சப்படுத்துங்கள்.

கூடுதல் சேமிப்பைப் பெற எளிய வழிகள்

​பொருட்களை வாங்கச் செல்லும் முன், வீட்டில் உள்ள அத்தியாவசியத் தேவைகளைக் கண்டறிந்து ஒரு துல்லியமான ‘ஷாப்பிங் லிஸ்ட்’ (Shopping List) தயாரிப்பது மிகவும் அவசியம். இது தேவையில்லாத மற்றும் கவர்ச்சிகரமான விளம்பரப் பொருட்களை வாங்குவதைத் தவிர்த்து, உங்கள் பட்ஜெட்டைத் தேவையின்றி அதிகரிப்பதில் இருந்து தடுக்கும்.

​மேலும், டி-மார்ட்டின் மொபைல் செயலி (D-Mart Ready App) மூலம் தற்போதைய ஆஃபர்களை முன்கூட்டியே தெரிந்துகொண்டு செல்லலாம். மளிகைப் பொருட்களுக்கான கட்டணத்தைச் செலுத்தும் போது, குறிப்பிட்ட வங்கியின் டெபிட்/கிரெடிட் கார்டுகள் அல்லது ‘யூபிஐ’ (UPI) கேஷ்பேக் சலுகைகளைப் பயன்படுத்துவது கூடுதல் சேமிப்பைத் தரும்.

​இத்தகைய சிறு சிறு திட்டமிடல்கள், உங்கள் மாதந்திர மளிகைப் பட்ஜெட்டில் குறைந்தது 15% முதல் 20% வரை பணத்தை மிச்சப்படுத்த பெரிதும் உதவும்.