Gold Rate Today : அப்பாடா குறைந்தது தங்கம் விலை.. நகை வாங்க இதுதான் சரியான நேரம்..!

தங்கத்தின் விலை கடந்த சில நாட்களாக தொடர்ந்து  உயர்ந்து வந்த நிலையில் தற்போது குறைந்துள்ளது பொதுமக்கள் மற்றும் இல்லத்தரிகளின் மத்தியில் கொஞ்சம் நிம்மதியை ஏற்படுத்தியுள்ளது. 

தங்கம் பெண்களுக்கு மிகவும் பிடித்தமான ஒன்றாகும். தென் இந்தியாவில் அதிகளவிலான தங்கத்தை வைத்துள்ள மாநிலத்தில் தமிழ்நாடு முன்னிலையில் வகிக்கிறது. மேலும் தமிழ்நாட்டு பெண்களின் தங்க நகைகள் மீதான மோகம் மிகவும் அதிகம் என்பது அனைவரும் அறிந்த ஒன்றே. இந்நிலையில், கடந்த சில நாட்களாக தங்கம் நிலை ஜெட் வேகத்தில் உயர்ந்து வந்த நிலையில் இன்று சற்று குறைந்துள்ளது. 

கடந்த மூன்று நாட்களாகவே தங்கம் விலையில் எந்த மாற்றமும் இல்லாமல் ஒரே விலையிலேயே நீடித்து வந்தது. அதன்படி ஒரு சவரன் ரூ.45,120க்கும், கிராம் ரூ.5,600க்கும் விற்பனை செய்யப்பட்டது. 

இன்றைய (ஏப்ரல் 10) நிலவரப்படி, சென்னையில் 22 கேரட் ஆபரணத் தங்கத்தின் விலை சவரனுக்கு ரூ.320 குறைந்து ரூ.44,800ஆக விற்பனை செய்யப்படுகிறது. 22 கேரட் தங்கம் கிராமுக்கு ரூ.40 குறைந்து ரூ.5.600ஆக விற்பனையாகிறது. 24 கேரட் தங்கம் கிராம் ஒன்றுக்கு ரூ. 6,092ஆக விற்பனையாகிறது. 24 கேரட் தங்கம் சவரன் 
ரூ. 48,736ஆக விற்பனையாகிறது.

வெள்ளி ஒரு கிராமுக்கு 20 காசுகள் குறைந்து ரூ.80.00க்கு விற்பனை செய்யப்படுகிறது. மேலும் ஒரு கிலோ வெள்ளி ரூ. 80.000க்கும் விற்பனை செய்யப்படுகிறது.