ஹீரோவின் விடா எலக்ட்ரிக் ஸ்கூட்டர், 'Battery as a Service' (BaaS) என்ற புதுமையான மாடல் மூலம் விற்பனையில் சாதனை படைத்துள்ளது. இந்த முறை, பேட்டரியை மாதாந்திர சந்தாவில் வழங்கி, ஸ்கூட்டரின் ஆரம்ப விலையை கணிசமாகக் குறைக்கிறது.
இந்தியாவின் முன்னணி இருசக்கர வாகன தயாரிப்பாளரான ஹீரோ மோட்டோகார்ப், மின்சார வாகன சந்தையிலும் வேகமாக முன்னேறி வருகிறது. குறிப்பாக, ‘விடா’ என்ற எலக்ட்ரிக் ஸ்கூட்டர் பிராண்ட் விற்பனையில் புதிய சாதனைகள் படைத்து வருகிறது. 2022 அக்டோபரில் தொடங்கிய இந்த பிராண்ட், 2026 மார்ச் வரை மொத்தம் 2 லட்சத்திற்கும் மேற்பட்ட யூனிட்களை விற்றுள்ளது. முதல் 1 லட்சம் விற்பனைக்கு 34 மாதங்கள் எடுத்த நிலையில், அடுத்த 1 லட்சம் வெறும் 8 மாதங்களில் நிறைவு செய்யப்பட்டது. இந்த மாடலின் மார்க்கெட் டிமாண்டை தெளிவாகக் காட்டுகிறது.
25
1 லட்சத்திற்கும் மேற்பட்ட ஸ்கூட்டர்கள் விற்பனை
2025ஆம் ஆண்டில் மட்டும் 1 லட்சத்திற்கும் மேற்பட்ட ஸ்கூட்டர்கள் விற்பனையாகியுள்ளன. இதன் மூலம், விடா இந்திய மின்சார வாகன சந்தையில் முக்கிய இடத்தை பிடித்துள்ளது. 2026ஆம் ஆண்டின் முதல் காலாண்டு தரவுகளின்படி, இந்த பிராண்ட் சுமார் 11% மார்க்கெட் ஷேரை பிடித்தது, நாட்டில் நான்காவது இடத்தை அடைந்துள்ளது. இதன் காரணமாக, விலை குறைப்பு மற்றும் வாடிக்கையாளர்களுக்கு ஏற்ற புதிய விற்பனை முறைகள் உள்ளன.
35
மாதாந்திர சந்தா முறை
இந்த வெற்றியின் முக்கிய ரகசியம் ‘Battery as a Service’ (BaaS) மாடல் ஆகும். பொதுவாக, எலக்ட்ரிக் வாகனத்தின் விலை சுமார் 40% பேட்டரிக்கே செலவாகும். இதை குறைக்க, ஹீரோ நிறுவனம் பேட்டரியை நேரடியாக விற்பனை செய்யாமல், மாதாந்திர சந்தா முறையில் வழங்குகிறது. இதனால் வாடிக்கையாளர்கள் ஸ்கூட்டரை குறைந்த விலையில் வாங்க முடிகிறது.
உதாரணமாக, விடா VX2 Go மாடலின் இயல்பான விலை ரூ.74,000 ஆக இருந்தாலும், BaaS மாடலில் அதை ரூ.44,990க்கு வாங்க முடிகிறது. மேலும் VX2 Plus மாடலின் விலை ரூ.94,800 முதல் ரூ.70,000 வரை குறைகிறது. இந்த விலை குறைப்பு நடுத்தர வர்க்க மக்களுக்கு மின்சார வாகன வாங்கும் வாய்ப்பை எளிதாக்கியுள்ளது. இதனால் விடா ஸ்கூட்டர்கள் அதிக வரவேற்பைப் பெறுகின்றனர்.
55
மாதத்திற்கு 750 கிலோமீட்டர் பயணம்
மேலும், வாடிக்கையாளர்களின் பயணத் தேவைக்கு ஏற்ப மாதாந்திர திட்டங்களைத் தேர்வு செய்யலாம். மாதத்திற்கு 750 கிலோமீட்டர் பயணம் செய்தால் ரூ.1,103 மட்டுமே செலவாகும். 1,200 கிலோமீட்டர் வரை பயணிக்கும்போது, கிலோமீட்டருக்கு அதிக செலவு குறையும். திட்டத்தை மீறி பயணம் செய்தால், கூடுதல் கிலோமீட்டருக்கு தனி கட்டணம் வசூலிக்கப்படும். மொத்தத்தில், குறைந்த முதலீட்டில் மின்சார வாகனத்தை வாங்க உதவும் இந்த முறை, எதிர்கால வாகன சந்தையில் பெரிய மாற்றத்தை ஏற்படுத்தும் என்று எதிர்பார்க்கப்படுகிறது.
