டாடா பன்ச் முதல் நெக்ஸான் வரை.. டாப் 5 மலிவு விலை இவி கார்கள்!

இந்தியாவில் எலக்ட்ரிக் கார்களின் விற்பனை அதிகரித்து வரும் நிலையில், குறைந்த விலை மற்றும் எளிதான பராமரிப்பு முக்கிய காரணங்களாக உள்ளன. டாடா பன்ச், டியாகோ, நெக்ஸான் மலிவு விலை எலக்ட்ரிக் கார்களின் விலை.

எலக்ட்ரிக் கார்கள்

கார்களின் விற்பனை ஒவ்வொரு ஆண்டும் புதிய உச்சத்தை எட்டி வருகிறது. இந்நிலையில் பெட்ரோல், டீசல் கார்கள் அதிகளவில் விற்பனை செய்யப்பட்டு வந்த நிலையில் தற்போது எலக்ட்ரிக் கார்கள் விற்பனை நாளுக்கு நாள் அதிகரித்து வருகிறது. வரும் காலங்களில் பெட்ரோல் கார்களின் பயன்பாடு குறைந்து எலக்ட்ரிக் கார்களின் பயன்பாடு அதிகரிக்கும் என கூறப்படுகிறது. எலக்ட்ரிக் கார்களை பொதுமக்கள் விரும்புவதற்கு முக்கிய காரணம் மலிவு விலை, எளிதான கையாளுமை, குறைந்த பராமரிப்பு செலவு உள்ளிட்டவைகள் அடங்கும்.

பிரபலமான எலக்ட்ரிக் கார்கள்

டாடா பன்ச் இவி, டாடா டியாகோ இவி, டாடா நெக்ஸான் இவி, எம்ஜி காமெட் இவி, சிட்ரோன் இசி3 ஆகியவை பிரபலமான எலக்ட்ரிக் கார்கள். இவை சிக்கனமானவை மட்டுமல்ல, தினசரி நகரப் பயன்பாட்டிற்கு வசதியானவை.

டாடா பன்ச் இவி

டாடா பன்ச் இவி 25kWh மற்றும் 35kWh என இரண்டு பேட்டரி பேக்குகளில் கிடைக்கிறது. இது 365 கிலோ மீட்டர் வரை வழங்குகிறது. அதிக இட வசதி கொண்ட கேபின், அதிநவீன வசதிகள் இதில் உள்ளன. இந்தியாவின் மிகவும் பாதுகாப்பான கார்களில் ஒன்று என்ற வலுவான இடத்தில் உள்ள Tata Punch EV இந்தியாவில் ரூ.9.99 லட்சம் முதல் விற்பனை செய்யப்படுகிறது.

டாடா டியாகோ இவி

டாடா டியாகோ இவி 19.2 kWh மற்றும் 24 kWh என இரண்டு பேட்டரி பேக்குகளில் கிடைக்கிறது. இது 293 கிலோ மீட்டர் வரை தருகிறது. இந்தியாவில் தற்போது Tata Tiago EV ரூ.7.99 லட்சத்திற்கு விற்பனையாகிறது.

எம்ஜி காமெட்

எம்ஜி காமெட் இவி 17.3 kWh பேட்டரியுடன் வருகிறது. இது 230 கிலோ மீட்டர் வரை தருகிறது. இதன் விலை ரூ.4.99 லட்சத்தில் (எக்ஸ்-ஷோரூம்) தொடங்குகிறது. இது 56.3 bhp பவரையும் 110 Nm டார்க்கையும் வெளிப்படுத்தும்.

சிட்ரோன் eC3

சிட்ரோன் eC3-யின் எக்ஸ்-ஷோரூம் விலை ரூ.12.90 லட்சம். இது 29.2 kWh பேட்டரியுடன் 246 கிமீ வரை ரேஞ்ச் தருகிறது. 6.8 வினாடிகளில் 0-60 கிமீ வேகத்தை எட்டும். இதன் அதிகபட்ச வேகம் மணிக்கு 107 கிமீ.

டாடா நெக்ஸான் இவி

டாடா நெக்ஸான் இவி 30 kWh மற்றும் 45 kWh என இரண்டு பேட்டரி பேக்குகளுடன் 489 கி.மீ. வரை ரேஞ்ச் தருகிறது. இந்த மாடல் 214.5 bhp பவரையும், 215 Nm டார்க்கையும் வெளிப்படுத்துகிறது. விலை ரூ.12.49 லட்சத்தில் இருந்து தொடங்குகிறது.