ஹோண்டா ஆக்டிவாவுக்கு நேரடி போட்டியாளராக சுசுகி ஆக்செஸ் இந்திய ஸ்கூட்டர் சந்தையில் வலுவாக முன்னேறி வருகிறது. விலை, வசதிகள், நகர பயணத்திற்கு ஏற்ற வடிவமைப்பு போன்றவற்றால் மக்கள் அதிகம் தேர்வு செய்து வருகின்றனர்.
ஆக்டிவா ஸ்கூட்டருக்கு சவால் விடும் சுசுகி ஸ்கூட்டர்
சுசுகி மோட்டார்சைக்கிள் இந்தியா நிறுவனம் தனது அதிக விற்பனை பெறும் ஸ்கூட்டரான சுசுகி ஆக்செஸ்-ஐ இந்திய சந்தையில் Single-Channel ஏபிஎஸ் வசதியுடன் புதுப்பித்து அறிமுகப்படுத்தப்பட்டுள்ளது. நீண்ட காலமாக வாடிக்கையாளர்கள் எதிர்பார்த்து வந்த இந்த பாதுகாப்பு மேம்பாடு, ஆக்செஸ் ஸ்கூட்டரை மேலும் பாதுகாப்பானதாக மாற்றுகிறது. தினசரி பயணம், நகர சவாரி என அனைத்து சூழல்களிலும் பாதுகாப்பு முக்கியம் கவனத்தில் கொண்டு இந்த அப்டேட் கொண்டு வரப்பட்டுள்ளது.
25
சுசுகியின் ஏபிஎஸ் ஸ்கூட்டர்
ஏபிஎஸ் ஏன் அவசியம் என்றால், திடீரென பிரேக் அடிக்கும் நேரங்களில் சக்கரம் லாக் ஆகாமல் தடுக்கிறது. இதனால் ஸ்கூட்டர் சறுக்காமல், ரைடருக்கு நல்ல கட்டுப்பாடு கிடைக்கிறது. குறிப்பாக மழைக்காலம், நெரிசல் நிறைந்த நகர சாலைகள் போன்ற இடங்களில் இந்த தொழில்நுட்ப விபத்து அபாயத்தை குறைக்க உதவுகிறது. இன்றைய இருசக்கர வாகனங்களில் ஏபிஎஸ் ஒரு முக்கியமான பாதுகாப்பு அம்சமாக பார்க்கப்படுகிறது.
35
புதிய சுசுகி ஆக்செஸ் விலை
புதிய சுசுகி ஆக்செஸ் ரைட் கனெக்ட் ஏபிஎஸ் எடிஷன் மாடல், மெட்டாலிக் மேட் கருப்பு, மெட்டாலிக் மேட் ஸ்டெல்லர் நீலம், முத்து கிரேஸ் வெள்ளை, சாலிட் ஐஸ் பச்சை, முத்து பளபளப்பான பழுப்பு என 5 அழகான நிறங்களில் கிடைக்கிறது. இதன் எக்ஸ்-ஷோரூம் விலை ரூ.92,328. மேலும் Ride Connect TFT ஏபிஎஸ் எடிஷன் மாடல் ரூ.98,378 (எக்ஸ்-ஷோரூம்) விலையில் அறிமுகமாகியுள்ளது. இந்த மாடலும் 5 நிறங்களில் கிடைக்கிறது, அதில் Pearl Matte Aqua Silver போன்ற புதிய ஷேட்களும் அடங்கும்.
வாடிக்கையாளர்களை கவரும் வகையில், சுசுகி சிறப்பு சலுகைகளையும் அறிவித்துள்ளது. இந்த ஆக்செஸ் ஏபிஎஸ் ஸ்கூட்டரை 6.99% குறைந்த ஆரம்ப வட்டி விகிதத்தில், பூஜ்ஜிய செயலாக்க கட்டணம் உடன் வாங்கும் வாய்ப்பு வழங்கப்படுகிறது. இதனால் மிடில்-கிளாஸ் குடும்பங்களுக்கு வாங்குவது இன்னும் எளிதாகிறது.
55
ஆக்செஸ் ஸ்கூட்டர் சலுகை
மேலும், ஒவ்வொரு மாநிலத்திலும் 10 அதிர்ஷ்டசாலிகள் தலா ரூ.5,000 மதிப்புள்ள வவுச்சரை வெல்லும் வாய்ப்பு உள்ளது. ஏபிஎஸ் வசதியுடன் கூடிய சுசுகி ஆக்செஸ் தற்போது நாடு முழுவதும் உள்ள சுசுகி டீலர்ஷிப்களில் கிடைக்கிறது. பாதுகாப்பு, நம்பகத்தன்மை, மைலேஜ் ஆகியவற்றில் ஆக்செஸ் தொடர்ந்து இந்திய பயனர்களின் நம்பிக்கையை காத்து வருகிறது.
